সূক্ত 11

11.1

৮ জেতা মাধুচ্ছন্দসঃ। ইন্দ্রঃ। অনুষ্টুপ্।

ইন্দ্রং বিশ্বা অবীবৃধন্ৎ সমুদ্রব্যচসং গিরঃ ।
রথীতমং রথীনাং বাজানাং সত্পতিং পতিম্ ॥১॥

11.2

সখ্যে ত ইন্দ্র বাজিনো মা ভেম শবসস্পতে ।
ত্বামভি প্র ণোনুমো জেতারমপরা জিতম্ ॥২॥

11.3

পূর্বীরিন্দ্রস্য রাতয়ো ন বি দস্যন্ত্যূতয়ঃ ।
যদী বাজস্য গোমতঃ স্তোতৃভ্যো মংহতে মঘম্ ॥৩॥

11.4

পুরাং ভিন্দুর্যুবা কবিরমিতৌজা অজায়ত ।
ইন্দ্রো বিশ্বস্য কর্মণো ধর্তা বজ্রী পুরুষ্টুতঃ ॥৪॥

11.5

ত্বং বলস্য গোমতো ঽপাবরদ্রিবো বিলম্ ।
ত্বাং দেবা অবিভ্যুষস্ তুজ্যমানাস আবিষুঃ ॥৫॥

11.6

তবাহং শূর রাতিভিঃ প্রত্যায়ং সিন্ধুমাবদন্ ।
উপাতিষ্ঠন্ত গির্বণো বিদুষ্টে তস্য কারবঃ ॥৬॥

11.7

মায়াভিরিন্দ্র মায়িনং ত্বং শুষ্ণমবাতিরঃ ।
বিদুষ্টে তস্য মেধিরাস্ তেষাং শ্রবাংস্যুত্তির ॥৭॥

11.8

ইন্দ্রমীশানমোজসাভি স্তোমা অনূষত ।
সহস্রং যস্য রাতয় উত বা সন্তি ভূয়সীঃ ॥৮॥