সূক্ত 104

104.1

৯ কুত্স আঙ্গিরসঃ। ইন্দ্রঃ। ত্রিষ্টুপ্।

যোনিষ্ট ইন্দ্র নিষদে অকারি তমা নি ষীদ স্বানো নার্বা ।
বিমুচ্যা বয়োঽবসায়াশ্বান্ দোষা বস্তোর্বহীয়সঃ প্রপিত্বে ॥১॥

104.2

ও ত্যে নর ইন্দ্রমূতয়ে গুর্নূ চিৎ তান্ ত্সদ্যো অধ্বনো জগম্যাৎ ।
দেবাসো মন্যুং দাসস্য শ্চম্নন্ তে ন আ বক্ষন্ ত্সুবিতায় বর্ণম্ ॥২॥

104.3

অব ত্মনা ভরতে কেতবেদা অব ত্মনা ভরতে ফেনমুদন্ ।
ক্ষীরেণ স্নাতঃ কুয়বস্য যোষে হতে তে স্যাতাং প্রবণে শিফায়াঃ ॥৩॥

104.4

যুয়োপ নাভিরুপরস্যায়োঃ প্র পূর্বাভিস্তিরতে রাষ্টি শূরঃ ।
অঞ্জসী কুলিশী বীরপত্নী পয়ো হিন্বানা উদভির্ভরন্তে ॥৪॥

104.5

প্রতি যৎ স্যা নীথাদর্শি দস্যোরোকো নাচ্ছা সদনং জানতী গাৎ ।
অধ স্মা নো মঘবঞ্চর্কৃতাদিন্মা নো মঘেব নিষ্ষপী পরা দাঃ ॥৫॥

104.6

স ত্বং ন ইন্দ্র সূর্যে সো অপ্স্বনাগাস্ত্ব আ ভজ জীবশংসে ।
মান্তরাং ভুজমা রীরিষো নঃ শ্রদ্ধিতং তে মহত ইন্দ্রিয়ায় ॥৬॥

104.7

অধা মন্যে শ্রৎ তে অস্মা অধায়ি বৃষা চোদস্ব মহতে ধনায় ।
মা নো অকৃতে পুরুহূত যোনাবিন্দ্র ক্ষুধ্যদ্ভ্যো বয় আসুতিং দাঃ ॥৭॥

104.8

মা নো বধীরিন্দ্র মা পরা দা মা নঃ প্রিয়া ভোজনানি প্র মোষীঃ ।
আণ্ডা মা নো মঘবঞ্ছক্র নির্ভেন্মা নঃ পাত্রা ভেৎ সহজানুষাণি ॥৮॥

104.9

অর্বাঙেহি সোমকামং ত্বাহুরয়ং সুতস্তস্য পিবা মদায় ।
উরুব্যচা জঠর আ বৃষস্ব পিতেব নঃ শৃণুহি হূয়মানঃ ॥৯॥