সূক্ত 103

103.1

৮ কুত্স আঙ্গিরসঃ। ইন্দ্রঃ। ত্রিষ্টুপ্।

তৎ ত ইন্দ্রিয়ং পরমং পরাচৈরধারয়ন্ত কবয়ঃ পুরেদম্ ।
ক্ষমেদমন্যদ্ দিব্য ১ ন্যদস্য সমী পৃচ্যতে সমনেব কেতুঃ ॥১॥

103.2

স ধারয়ৎ পৃথিবীং পপ্রথচ্চ বজ্রেণ হত্বা নিরপঃ সসর্জ ।
অহন্নহিমভিনদ্রৌহিণং ব্যহন্ ব্যংসং মঘবা শচীভিঃ ॥২॥

103.3

স জাতূভর্মা শ্রদ্দধান ওজঃ পুরো বিভিন্দন্নচরদ্ বি দাসীঃ ।
বিদ্বান্ বজ্রিন্ দস্যবে হেতিমস্যাঽঽর্যং সহো বর্ধয়া দ্যুম্নমিন্দ্র ॥৩॥

103.4

তদূচুষে মানুষেমা যুগানি কীর্তেন্যং মঘবা নাম বিভ্রৎ ।
উপপ্রয়ন্ দস্যুহত্যায় বজ্রী যদ্ধ সূনুঃ শ্রবসে নাম দধে ॥৪॥

103.5

তদস্যেদং পশ্যতা ভূরি পুষ্টং শ্রদিন্দ্রস্য ধত্তন বীর্যায় ।
স গা অবিন্দৎ সো অবিন্দদশ্বান্ ত্স ওষধীঃ সো অপঃ স বনানি ॥৫॥

103.6

ভূরিকর্মণে বৃষভায় বৃষ্ণে সত্যশুষ্মায় সুনবাম সোমম্ ।
য আদৃত্যা পরিপন্থীব শূরো ঽয়জ্বনো বিভজন্নেতি বেদঃ ॥৬॥

103.7

তদিন্দ্র প্রেব বীর্যং চকর্থ যৎ সসন্তং বজ্রেণাবোধয়োঽহিম্ ।
অনু ত্বা পত্নীর্হৃষিতং বয়শ্চ বিশ্বে দেবাসো অমদন্ননু ত্বা ॥৭॥

103.8

শুষ্ণং পিপ্রুং কুয়বং বৃত্রমিন্দ্র যদাবধীর্বি পুরঃ শম্বরস্য ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥৮॥