Utshovঅধ্যায় 37
37.1
জনমেজয় উবাচ
সপ্তসারস্বতং কস্মাত্কশ্চ মঙ্কণকো মুনিঃ
কথং সিদ্ধশ্চ ভগবান্কশ্চাস্য নিয়মোঽভবৎ
37.2
কস্য বংশে সমুত্পন্নঃ কিং চাধীতং দ্বিজোত্তম
এতদিচ্ছাম্যহং শ্রোতুং বিধিবদ্দ্বিজসত্তম
37.3
বৈশংপায়ন উবাচ
রাজন্সপ্ত সরস্বত্যো যাভির্ব্যাপ্তমিদং জগৎ
আহূতা বলবদ্ভির্হি তত্র তত্র সরস্বতী
37.4
সুপ্রভা কাঞ্চনাক্ষী চ বিশালা মানসহ্রদা
সরস্বতী ওঘবতী সুবেণুর্বিমলোদকা
37.5
পিতামহস্য মহতো বর্তমানে মহীতলে
বিততে যজ্ঞবাটে বৈ সমেতেষু দ্বিজাতিষু
37.6
পুণ্যাহঘোষৈর্বিমলৈর্বেদানাং নিনদৈস্তথা
দেবেষু চৈব ব্যগ্রেষু তস্মিন্যজ্ঞবিধৌ তদা
37.7
তত্র চৈব মহারাজ দীক্ষিতে প্রপিতামহে
যজতস্তত্র সত্রেণ সর্বকামসমৃদ্ধিনা
37.8
মনসা চিন্তিতা হ্যর্থা ধর্মার্থকুশলৈস্তদা
উপতিষ্ঠন্তি রাজেন্দ্র দ্বিজাতীংস্তত্র তত্র হ
37.9
জগুশ্চ তত্র গন্ধর্বা ননৃতুশ্চাপ্সরোগণাঃ
বাদিত্রাণি চ দিব্যানি বাদয়ামাসুরঞ্জসা
37.10
তস্য যজ্ঞস্য সংপত্ত্যা তুতুষুর্দেবতা অপি
বিস্ময়ং পরমং জগ্মুঃ কিমু মানুষয়োনয়ঃ
37.11
বর্তমানে তথা যজ্ঞে পুষ্করস্থে পিতামহে
অব্রুবন্নৃষয়ো রাজন্নায়ং যজ্ঞো মহাফলঃ
ন দৃশ্যতে সরিচ্ছ্রেষ্ঠা যস্মাদিহ সরস্বতী
37.12
তচ্ছ্রুত্বা ভগবান্প্রীতঃ সস্মারাথ সরস্বতীম্
পিতামহেন যজতা আহূতা পুষ্করেষু বৈ
সুপ্রভা নাম রাজেন্দ্র নাম্না তত্র সরস্বতী
37.13
তাং দৃষ্ট্বা মুনয়স্তুষ্টা বেগয়ুক্তাং সরস্বতীম্
পিতামহং মানয়ন্তীং ক্রতুং তে বহু মেনিরে
37.14
এবমেষা সরিচ্ছ্রেষ্ঠা পুষ্করেষু সরস্বতী
পিতামহার্থং সংভূতা তুষ্ট্যর্থং চ মনীষিণাম্
37.15
নৈমিষে মুনয়ো রাজন্সমাগম্য সমাসতে
তত্র চিত্রাঃ কথা হ্যাসন্বেদং প্রতি জনেশ্বর
37.16
তত্র তে মুনয়ো হ্যাসন্নানাস্বাধ্যায়বেদিনঃ
তে সমাগম্য মুনয়ঃ সস্মরুর্বৈ সরস্বতীম্
37.17
সা তু ধ্যাতা মহারাজ ঋষিভিঃ সত্রয়াজিভিঃ
সমাগতানাং রাজেন্দ্র সহায়ার্থং মহাত্মনাম্
আজগাম মহাভাগা তত্র পুণ্যা সরস্বতী
37.18
নৈমিষে কাঞ্চনাক্ষী তু মুনীনাং সত্রয়াজিনাম্
আগতা সরিতাং শ্রেষ্ঠা তত্র ভারত পূজিতা
37.19
গয়স্য যজমানস্য গয়েষ্বেব মহাক্রতুম্
আহূতা সরিতাং শ্রেষ্ঠা গয়য়জ্ঞে সরস্বতী
37.20
বিশালাং তু গয়েষ্বাহুরৃষয়ঃ সংশিতব্রতাঃ
সরিত্সা হিমবত্পার্শ্বাত্প্রসূতা শীঘ্রগামিনী
37.21
ঔদ্দালকেস্তথা যজ্ঞে যজতস্তত্র ভারত
সমেতে সর্বতঃ স্ফীতে মুনীনাং মণ্ডলে তদা
37.22
উত্তরে কোসলাভাগে পুণ্যে রাজন্মহাত্মনঃ
ঔদ্দালকেন যজতা পূর্বং ধ্যাতা সরস্বতী
37.23
আজগাম সরিচ্ছ্রেষ্ঠা তং দেশমৃষিকারণাৎ
পূজ্যমানা মুনিগণৈর্বল্কলাজিনসংবৃতৈঃ
মনোহ্রদেতি বিখ্যাতা সা হি তৈর্মনসা হৃতা
37.24
সুবেণুরৃষভদ্বীপে পুণ্যে রাজর্ষিসেবিতে
কুরোশ্চ যজমানস্য কুরুক্ষেত্রে মহাত্মনঃ
আজগাম মহাভাগা সরিচ্ছ্রেষ্ঠা সরস্বতী
37.25
ওঘবত্যপি রাজেন্দ্র বসিষ্ঠেন মহাত্মনা
সমাহূতা কুরুক্ষেত্রে দিব্যতোয়া সরস্বতী
37.26
দক্ষেণ যজতা চাপি গঙ্গাদ্বারে সরস্বতী
বিমলোদা ভগবতী ব্রহ্মণা যজতা পুনঃ
সমাহূতা যয়ৌ তত্র পুণ্যে হৈমবতে গিরৌ
37.27
একীভূতাস্ততস্তাস্তু তস্মিংস্তীর্থে সমাগতাঃ
সপ্তসারস্বতং তীর্থং ততস্তত্প্রথিতং ভুবি
37.28
ইতি সপ্ত সরস্বত্যো নামতঃ পরিকীর্তিতাঃ
সপ্তসারস্বতং চৈব তীর্থং পুণ্যং তথা স্মৃতম্
37.29
শৃণু মঙ্কণকস্যাপি কৌমারব্রহ্মচারিণঃ
আপগামবগাঢস্য রাজন্প্রক্রীডিতং মহৎ
37.30
দৃষ্ট্বা যদৃচ্ছয়া তত্র স্ত্রিয়মম্ভসি ভারত
স্নায়ন্তীং রুচিরাপাঙ্গীং দিগ্বাসসমনিন্দিতাম্
সরস্বত্যাং মহারাজ চস্কন্দে বীর্যমম্ভসি
37.31
তদ্রেতঃ স তু জগ্রাহ কলশে বৈ মহাতপাঃ
সপ্তধা প্রবিভাগং তু কলশস্থং জগাম হ
তত্রর্ষয়ঃ সপ্ত জাতা জজ্ঞিরে মরুতাং গণাঃ
37.32
বায়ুবেগো বায়ুবলো বায়ুহা বায়ুমণ্ডলঃ
বায়ুজ্বালো বায়ুরেতা বায়ুচক্রশ্চ বীর্যবান্
এবমেতে সমুত্পন্না মরুতাং জনয়িষ্ণবঃ
37.33
ইদমন্যচ্চ রাজেন্দ্র শৃণ্বাশ্চর্যতরং ভুবি
মহর্ষেশ্চরিতং যাদৃক্ত্রিষু লোকেষু বিশ্রুতম্
37.34
পুরা মঙ্কণকঃ সিদ্ধঃ কুশাগ্রেণেতি নঃ শ্রুতম্
ক্ষতঃ কিল করে রাজংস্তস্য শাকরসোঽস্রবৎ
স বি শাকরসং দৃষ্ট্বা হর্ষাবিষ্টঃ প্রনৃত্তবান্
37.35
ততস্তস্মিন্প্রনৃত্তে বৈ স্থাবরং জঙ্গমং চ যৎ
প্রনৃত্তমুভয়ং বীর তেজসা তস্য মোহিতম্
37.36
ব্রহ্মাদিভিঃ সুরৈ রাজন্নৃষিভিশ্চ তপোধনৈঃ
বিজ্ঞপ্তো বৈ মহাদেব ঋষেরর্থে নরাধিপ
নায়ং নৃত্যেদ্যথা দেব তথা ত্বং কর্তুমর্হসি
37.37
ততো দেবো মুনিং দৃষ্ট্বা হর্ষাবিষ্টমতীব হ
সুরাণাং হিতকামার্থং মহাদেবোঽভ্যভাষত
37.38
ভো ভো ব্রাহ্মণ ধর্মজ্ঞ কিমর্থং নরিনর্ত্সি বৈ
হর্ষস্থানং কিমর্থং বৈ তবেদং মুনিসত্তম
তপস্বিনো ধর্মপথে স্থিতস্য দ্বিজসত্তম
37.39
ঋষিরুবাচ
কিং ন পশ্যসি মে ব্রহ্মন্করাচ্ছাকরসং স্রুতম্
যং দৃষ্ট্বা বৈ প্রনৃত্তোঽহং হর্ষেণ মহতা বিভো
37.40
তং প্রহস্যাব্রবীদ্দেবো মুনিং রাগেণ মোহিতম্
অহং ন বিস্ময়ং বিপ্র গচ্ছামীতি প্রপশ্য মাম্
37.41
এবমুক্ত্বা মুনিশ্রেষ্ঠং মহাদেবেন ধীমতা
অঙ্গুল্যগ্রেণ রাজেন্দ্র স্বাঙ্গুষ্ঠস্তাডিতোঽভবৎ
37.42
ততো ভস্ম ক্ষতাদ্রাজন্নির্গতং হিমসংনিভম্
তদ্দৃষ্ট্বা ব্রীডিতো রাজন্স মুনিঃ পাদয়োর্গতঃ
37.43
ঋষিরুবাচ
নান্যং দেবাদহং মন্যে রুদ্রাত্পরতরং মহৎ
সুরাসুরস্য জগতো গতিস্ত্বমসি শূলধৃক্
37.44
ত্বয়া সৃষ্টমিদং বিশ্বং বদন্তীহ মনীষিণঃ
ত্বামেব সর্বং বিশতি পুনরেব যুগক্ষয়ে
37.45
দেবৈরপি ন শক্যস্ত্বং পরিজ্ঞাতুং কুতো ময়া
ত্বয়ি সর্বে স্ম দৃশ্যন্তে সুরা ব্রহ্মাদয়োঽনঘ
37.46
সর্বস্ত্বমসি দেবানাং কর্তা কারয়িতা চ হ
ত্বত্প্রসাদাত্সুরাঃ সর্বে মোদন্তীহাকুতোভয়াঃ
37.47
এবং স্তুত্বা মহাদেবং স ঋষিঃ প্রণতোঽব্রবীৎ
ভগবংস্ত্বত্প্রসাদাদ্বৈ তপো মে ন ক্ষরেদিতি
37.48
ততো দেবঃ প্রীতমনাস্তমৃষিং পুনরব্রবীৎ
তপস্তে বর্ধতাং বিপ্র মত্প্রসাদাত্সহস্রধা
আশ্রমে চেহ বত্স্যামি ত্বয়া সার্ধমহং সদা
37.49
সপ্তসারস্বতে চাস্মিন্যো মামর্চিষ্যতে নরঃ
ন তস্য দুর্লভং কিংচিদ্ভবিতেহ পরত্র চ
সারস্বতং চ লোকং তে গমিষ্যন্তি ন সংশয়ঃ
37.50
এতন্মঙ্কণকস্যাপি চরিতং ভূরিতেজসঃ
স হি পুত্রঃ সজন্যায়ামুত্পন্নো মাতরিশ্বনা