Utshovঅধ্যায় 48
48.1
সংজয় উবাচ
শ্রুত্বা কর্ণং কল্যমুদারবীর্যং; ক্রুদ্ধঃ পার্থঃ ফল্গুনস্যামিতৌজাঃ
ধনংজয়ং বাক্যমুবাচ চেদং; যুধিষ্ঠিরঃ কর্ণশরাভিতপ্তঃ
48.2
ইদং যদি দ্বৈতবনে হ্যবক্ষ্যঃ; কর্ণং যোদ্ধুং ন প্রসহে নৃপেতি
বয়ং তদা প্রাপ্তকালানি সর্বে; বৃত্তান্যুপৈষ্যাম তদৈব পার্থ
48.3
ময়ি প্রতিশ্রুত্য বধং হি তস্য; বলস্য চাপ্তস্য তথৈব বীর
আনীয় নঃ শত্রুমধ্যং স কস্মা;ত্সমুত্ক্ষিপ্য স্থণ্ডিলে প্রত্যপিংষ্ঠাঃ
48.4
অন্বাশিষ্ম বয়মর্জুন ত্বয়ি; যিয়াসবো বহু কল্যাণমিষ্টম্
তন্নঃ সর্বং বিফলং রাজপুত্র; ফলার্থিনাং নিচুল ইবাতিপুষ্পঃ
48.5
প্রচ্ছাদিতং বডিশমিবামিষেণ; প্রচ্ছাদিতো গবয় ইবাপবাচা
অনর্থকং মে দর্শিতবানসি ত্বং; রাজ্যার্থিনো রাজ্যরূপং বিনাশম্
48.6
যত্তত্পৃথাং বাগুবাচান্তরিক্ষে; সপ্তাহজাতে ত্বয়ি মন্দবুদ্ধৌ
জাতঃ পুত্রো বাসববিক্রমোঽয়ং; সর্বাঞ্শূরাঞ্শাত্রবাঞ্জেষ্যতীতি
48.7
অয়ং জেতা খাণ্ডবে দেবসংঘা;ন্সর্বাণি ভূতান্যপি চোত্তমৌজাঃ
অয়ং জেতা মদ্রকলিঙ্গকেকয়া;নয়ং কুরূন্হন্তি চ রাজমধ্যে
48.8
অস্মাত্পরো ন ভবিতা ধনুর্ধরো; ন বৈ ভূতঃ কশ্চন জাতু জেতা
ইচ্ছন্নার্যঃ সর্বভূতানি কুর্যা;দ্বশে বশী সর্বসমাপ্তবিদ্যঃ
48.9
কান্ত্যা শশাঙ্কস্য জবেন বায়োঃ; স্থৈর্যেণ মেরোঃ ক্ষময়া পৃথিব্যাঃ
সূর্যস্য ভাসা ধনদস্য লক্ষ্ম্যা; শৌর্যেণ শক্রস্য বলেন বিষ্ণোঃ
48.10
তুল্যো মহাত্মা তব কুন্তি পুত্রো; জাতোঽদিতের্বিষ্ণুরিবারিহন্তা
স্বেষাং জয়ায় দ্বিষতাং বধায়; খ্যাতোঽমিতৌজাঃ কুলতন্তুকর্তা
48.11
ইত্যন্তরিক্ষে শতশৃঙ্গমূর্ধ্নি; তপস্বিনাং শৃণ্বতাং বাগুবাচ
এবংবিধং ত্বাং তচ্চ নাভূত্তবাদ্য; দেবা হি নূনমনৃতং বদন্তি
48.12
তথাপরেষামৃষিসত্তমানাং; শ্রুত্বা গিরং পূজয়তাং সদৈব
ন সংনতিং প্রৈমি সুয়োধনস্য; ন ত্বা জানাম্যাধিরথের্ভয়ার্তম্
48.13
ত্বষ্ট্রা কৃতং বাহমকূজনাক্ষং; শুভং সমাস্থায় কপিধ্বজং ত্বম্
খড্গং গৃহীত্বা হেমচিত্রং সমিদ্ধং; ধনুশ্চেদং গাণ্ডিবং তালমাত্রম্
স কেশবেনোহ্যমানঃ কথং নু; কর্ণাদ্ভীতো ব্যপয়াতোঽসি পার্থ
48.14
ধনুশ্চৈতত্কেশবায় প্রদায়; যন্তাভবিষ্যস্ত্বং রণে চেদ্দুরাত্মন্
ততোঽহনিষ্যত্কেশবঃ কর্ণমুগ্রং; মরুত্পতির্বৃত্রমিবাত্তবজ্রঃ
48.15
মাসেঽপতিষ্যঃ পঞ্চমে ত্বং প্রকৃচ্ছ্রে; ন বা গর্ভোঽপ্যভবিষ্যঃ পৃথায়াঃ
তত্তে শ্রমো রাজপুত্রাভবিষ্য;ন্ন সংগ্রামাদপয়াতুং দুরাত্মন্