UtshovChapter 48
48.1
संजय उवाच
श्रुत्वा कर्णं कल्यमुदारवीर्यं; क्रुद्धः पार्थः फल्गुनस्यामितौजाः
धनंजयं वाक्यमुवाच चेदं; युधिष्ठिरः कर्णशराभितप्तः
Sanjaya uvacha
Shrutva karnam kalyamudaraviryam; kruddhah parthah phalgunasyamitaujah
Dhananjayam vakyamuvacha chedam; yudhishthirah karnasharabhitaptah
48.2
इदं यदि द्वैतवने ह्यवक्ष्यः; कर्णं योद्धुं न प्रसहे नृपेति
वयं तदा प्राप्तकालानि सर्वे; वृत्तान्युपैष्याम तदैव पार्थ
Idam yadi dvaitavane hyavakshyah; karnam yoddhum na prasahe nripeti
Vayam tada praptakalani sarve; vrittanyupaishyama tadaiva partha
48.3
मयि प्रतिश्रुत्य वधं हि तस्य; बलस्य चाप्तस्य तथैव वीर
आनीय नः शत्रुमध्यं स कस्मा;त्समुत्क्षिप्य स्थण्डिले प्रत्यपिंष्ठाः
Mayi pratishrutya vadham hi tasya; balasya chaptasya tathaiva vira
Aniya nah shatrumadhyam sa kasma;tsamutkshipya sthandile pratyapinshthah
48.4
अन्वाशिष्म वयमर्जुन त्वयि; यियासवो बहु कल्याणमिष्टम्
तन्नः सर्वं विफलं राजपुत्र; फलार्थिनां निचुल इवातिपुष्पः
Anvashishma vayamarjuna tvayi; yiyasavo bahu kalyanamishtam
Tannah sarvam viphalam rajaputra; phalarthinam nichula ivatipushpah
48.5
प्रच्छादितं बडिशमिवामिषेण; प्रच्छादितो गवय इवापवाचा
अनर्थकं मे दर्शितवानसि त्वं; राज्यार्थिनो राज्यरूपं विनाशम्
Prachchhaditam badishamivamishena; prachchhadito gavaya ivapavacha
Anarthakam me darshitavanasi tvam; rajyarthino rajyarupam vinasham
48.6
यत्तत्पृथां वागुवाचान्तरिक्षे; सप्ताहजाते त्वयि मन्दबुद्धौ
जातः पुत्रो वासवविक्रमोऽयं; सर्वाञ्शूराञ्शात्रवाञ्जेष्यतीति
Yattatpritham vaguvachantarikshe; saptahajate tvayi mandabuddhau
Jatah putro vasavavikramoyam; sarvanshuranshatravanjeshyatiti
48.7
अयं जेता खाण्डवे देवसंघा;न्सर्वाणि भूतान्यपि चोत्तमौजाः
अयं जेता मद्रकलिङ्गकेकया;नयं कुरून्हन्ति च राजमध्ये
Ayam jeta khandave devasangha;nsarvani bhutanyapi chottamaujah
Ayam jeta madrakalingakekaya;nayam kurunhanti cha rajamadhye
48.8
अस्मात्परो न भविता धनुर्धरो; न वै भूतः कश्चन जातु जेता
इच्छन्नार्यः सर्वभूतानि कुर्या;द्वशे वशी सर्वसमाप्तविद्यः
Asmatparo na bhavita dhanurdharo; na vai bhutah kashchana jatu jeta
Ichchhannaryah sarvabhutani kurya;dvashe vashi sarvasamaptavidyah
48.9
कान्त्या शशाङ्कस्य जवेन वायोः; स्थैर्येण मेरोः क्षमया पृथिव्याः
सूर्यस्य भासा धनदस्य लक्ष्म्या; शौर्येण शक्रस्य बलेन विष्णोः
Kantya shashankasya javena vayoh; sthairyena meroh kshamaya prithivyah
Suryasya bhasa dhanadasya lakshmya; shauryena shakrasya balena vishnoh
48.10
तुल्यो महात्मा तव कुन्ति पुत्रो; जातोऽदितेर्विष्णुरिवारिहन्ता
स्वेषां जयाय द्विषतां वधाय; ख्यातोऽमितौजाः कुलतन्तुकर्ता
Tulyo mahatma tava kunti putro; jatoditervishnurivarihanta
Svesham jayaya dvishatam vadhaya; khyatomitaujah kulatantukarta
48.11
इत्यन्तरिक्षे शतशृङ्गमूर्ध्नि; तपस्विनां शृण्वतां वागुवाच
एवंविधं त्वां तच्च नाभूत्तवाद्य; देवा हि नूनमनृतं वदन्ति
Ityantarikshe shatashringamurdhni; tapasvinam shrinvatam vaguvacha
Evanvidham tvam tachcha nabhuttavadya; deva hi nunamanritam vadanti
48.12
तथापरेषामृषिसत्तमानां; श्रुत्वा गिरं पूजयतां सदैव
न संनतिं प्रैमि सुयोधनस्य; न त्वा जानाम्याधिरथेर्भयार्तम्
Tathapareshamrishisattamanam; shrutva giram pujayatam sadaiva
Na sannatim praimi suyodhanasya; na tva janamyadhiratherbhayartam
48.13
त्वष्ट्रा कृतं वाहमकूजनाक्षं; शुभं समास्थाय कपिध्वजं त्वम्
खड्गं गृहीत्वा हेमचित्रं समिद्धं; धनुश्चेदं गाण्डिवं तालमात्रम्
स केशवेनोह्यमानः कथं नु; कर्णाद्भीतो व्यपयातोऽसि पार्थ
Tvashtra kritam vahamakujanaksham; shubham samasthaya kapidhvajam tvam
Khadgam grihitva hemachitram samiddham; dhanushchedam gandivam talamatram
Sa keshavenohyamanah katham nu; karnadbhito vyapayatosi partha
48.14
धनुश्चैतत्केशवाय प्रदाय; यन्ताभविष्यस्त्वं रणे चेद्दुरात्मन्
ततोऽहनिष्यत्केशवः कर्णमुग्रं; मरुत्पतिर्वृत्रमिवात्तवज्रः
Dhanushchaitatkeshavaya pradaya; yantabhavishyastvam rane chedduratman
Tatohanishyatkeshavah karnamugram; marutpatirvritramivattavajrah
48.15
मासेऽपतिष्यः पञ्चमे त्वं प्रकृच्छ्रे; न वा गर्भोऽप्यभविष्यः पृथायाः
तत्ते श्रमो राजपुत्राभविष्य;न्न संग्रामादपयातुं दुरात्मन्
Masepatishyah panchame tvam prakrichchhre; na va garbhopyabhavishyah prithayah
Tatte shramo rajaputrabhavishya;nna sangramadapayatum duratman