Utshovঅধ্যায় 11
11.1
সংজয় উবাচ
ভীমসেনং ততো দ্রৌণী রাজন্বিব্যাধ পত্রিণা
ত্বরয়া পরয়া যুক্তো দর্শয়ন্নস্ত্রলাঘবম্
11.2
অথৈনং পুনরাজঘ্নে নবত্যা নিশিতৈঃ শরৈঃ
সর্বমর্মাণি সংপ্রেক্ষ্য মর্মজ্ঞো লঘুহস্তবৎ
11.3
ভীমসেনঃ সমাকীর্ণো দ্রৌণিনা নিশিতৈঃ শরৈঃ
ররাজ সমরে রাজন্রশ্মিবানিব ভাস্করঃ
11.4
ততঃ শরসহস্রেণ সুপ্রয়ুক্তেন পাণ্ডবঃ
দ্রোণপুত্রমবচ্ছাদ্য সিংহনাদমমুঞ্চত
11.5
শরৈঃ শরাংস্ততো দ্রৌণিঃ সংবার্য যুধি পাণ্ডবম্
ললাটেঽভ্যহনদ্রাজন্নারাচেন স্ময়ন্নিব
11.6
ললাটস্থং ততো বাণং ধারয়ামাস পাণ্ডবঃ
যথা শৃঙ্গং বনে দৃপ্তঃ খড্গো ধারয়তে নৃপ
11.7
ততো দ্রৌণিং রণে ভীমো যতমানং পরাক্রমী
ত্রিভির্বিব্যাধ নারাচৈর্ললাটে বিস্ময়ন্নিব
11.8
ললাটস্থৈস্ততো বাণৈর্ব্রাহ্মণঃ স ব্যরোচত
প্রাবৃষীব যথা সিক্তস্ত্রিশৃঙ্গঃ পর্বতোত্তমঃ
11.9
ততঃ শরশতৈর্দ্রৌণিমর্দয়ামাস পাণ্ডবঃ
ন চৈনং কম্পয়ামাস মাতরিশ্বেব পর্বতম্
11.10
তথৈব পাণ্ডবং যুদ্ধে দ্রৌণিঃ শরশতৈঃ শিতৈঃ
নাকম্পয়ত সংহৃষ্টো বার্যোঘ ইব পর্বতম্
11.11
তাবন্যোন্যং শরৈর্ঘোরৈশ্ছাদয়ানৌ মহারথৌ
রথচর্যাগতৌ শূরৌ শুশুভাতে রণোত্কটৌ
11.12
আদিত্যাবিব সংদীপ্তৌ লোকক্ষয়করাবুভৌ
স্বরশ্মিভিরিবান্যোন্যং তাপয়ন্তৌ শরোত্তমৈঃ
11.13
কৃতপ্রতিকৃতে যত্নং কুর্বাণৌ চ মহারণে
কৃতপ্রতিকৃতে যত্নং চক্রাতে তাবভীতবৎ
11.14
ব্যাঘ্রাবিব চ সংগ্রামে চেরতুস্তৌ মহারথৌ
শরদংষ্ট্রৌ দুরাধর্ষৌ চাপব্যাত্তৌ ভয়ানকৌ
11.15
অভূতাং তাবদৃশ্যৌ চ শরজালৈঃ সমন্ততঃ
মেঘজালৈরিব চ্ছন্নৌ গগনে চন্দ্রভাস্করৌ
11.16
প্রকাশৌ চ মুহূর্তেন তত্রৈবাস্তামরিংদমৌ
বিমুক্তৌ মেঘজালেন শশিসূর্যৌ যথা দিবি
11.17
অপসব্যং ততশ্চক্রে দ্রৌণিস্তত্র বৃকোদরম্
কিরঞ্শরশতৈরুগ্রৈর্ধারাভিরিব পর্বতম্
11.18
ন তু তন্মমৃষে ভীমঃ শত্রোর্বিজয়লক্ষণম্
প্রতিচক্রে চ তং রাজন্পাণ্ডবোঽপ্যপসব্যতঃ
11.19
মণ্ডলানাং বিভাগেষু গতপ্রত্যাগতেষু চ
বভূব তুমুলং যুদ্ধং তয়োস্তত্র মহামৃধে
11.20
চরিত্বা বিবিধান্মার্গান্মণ্ডলং স্থানমেব চ
শরৈঃ পূর্ণায়তোত্সৃষ্টৈরন্যোন্যমভিজঘ্নতুঃ
11.21
অন্যোন্যস্য বধে যত্নং চক্রতুস্তৌ মহারথৌ
ঈষতুর্বিরথং চৈব কর্তুমন্যোন্যমাহবে
11.22
ততো দ্রৌণির্মহাস্ত্রাণি প্রাদুশ্চক্রে মহারথঃ
তান্যস্ত্রৈরেব সমরে প্রতিজঘ্নেঽস্য পাণ্ডবঃ
11.23
ততো ঘোরং মহারাজ অস্ত্রয়ুদ্ধমবর্তত
গ্রহয়ুদ্ধং যথা ঘোরং প্রজাসংহরণে অভূৎ
11.24
তে বাণাঃ সমসজ্জন্ত ক্ষিপ্তাস্তাভ্যাং তু ভারত
দ্যোতয়ন্তো দিশঃ সর্বাস্তচ্চ সৈন্যং সমন্ততঃ
11.25
বাণসংঘাবৃতং ঘোরমাকাশং সমপদ্যত
উক্লাপাতকৃতং যদ্বত্প্রজানাং সংক্ষয়ে নৃপ
11.26
বাণাভিঘাতাত্সংজজ্ঞে তত্র ভারত পাবকঃ
সবিস্ফুলিঙ্গো দীপ্তার্চিঃ সোঽদহদ্বাহিনীদ্বয়ম্
11.27
তত্র সিদ্ধা মহারাজ সংপতন্তোঽব্রুবন্বচঃ
অতি যুদ্ধানি সর্বাণি যুদ্ধমেতত্ততোঽধিকম্
11.28
সর্বয়ুদ্ধানি চৈতস্য কলাং নার্হন্তি ষোডশীম্
নৈতাদৃশং পুনর্যুদ্ধং ন ভূতং ন ভবিষ্যতি
11.29
অহো জ্ঞানেন সংয়ুক্তাবুভৌ চোগ্রপরাক্রমৌ
অহো ভীমে বলং ভীমমেতয়োশ্চ কৃতাস্ত্রতা
11.30
অহো বীর্যস্য সারত্বমহো সৌষ্ঠবমেতয়োঃ
স্থিতাবেতৌ হি সমরে কালান্তকয়মোপমৌ
11.31
রুদ্রৌ দ্বাবিব সংভূতৌ যথা দ্বাবিব ভাস্করৌ
যমৌ বা পুরুষব্যাঘ্রৌ ঘোররূপাবিমৌ রণে
11.32
শ্রূয়ন্তে স্ম তদা বাচঃ সিদ্ধানাং বৈ মুহুর্মুহুঃ
সিংহনাদশ্চ সংজজ্ঞে সমেতানাং দিবৌকসাম্
অদ্ভুতং চাপ্যচিন্ত্যং চ দৃষ্ট্বা কর্ম তয়োর্মৃধে
11.33
তৌ শূরৌ সমরে রাজন্পরস্পরকৃতাগসৌ
পরস্পরমুদৈক্ষেতাং ক্রোধাদুদ্বৃত্য চক্ষুষী
11.34
ক্রোধরক্তেক্ষণৌ তৌ তু ক্রোধাত্প্রস্ফুরিতাধরৌ
ক্রোধাত্সংদষ্টদশনৌ সংদষ্টদশনচ্ছদৌ
11.35
অন্যোন্যং ছাদয়ন্তৌ স্ম শরবৃষ্ট্যা মহারথৌ
শরাম্বুধারৌ সমরে শস্ত্রবিদ্যুত্প্রকাশিনৌ
11.36
তাবন্যোন্যং ধ্বজৌ বিদ্ধ্বা সারথী চ মহারথৌ
অন্যোন্যস্য হয়ান্বিদ্ধ্বা বিভিদাতে পরস্পরম্
11.37
ততঃ ক্রুদ্ধৌ মহারাজ বাণৌ গৃহ্য মহাহবে
উভৌ চিক্ষিপতুস্তূর্ণমন্যোন্যস্য বধৈষিণৌ
11.38
তৌ সায়কৌ মহারাজ দ্যোতমানৌ চমূমুখে
আজঘ্নাতে সমাসাদ্য বজ্রবেগৌ দুরাসদৌ
11.39
তৌ পরস্পরবেগাচ্চ শরাভ্যাং চ ভৃশাহতৌ
নিপেততুর্মহাবীরৌ স্বরথোপস্থয়োস্তদা
11.40
ততস্তু সারথির্জ্ঞাত্বা দ্রোণপুত্রমচেতনম্
অপোবাহ রণাদ্রাজন্সর্বক্ষত্রস্য পশ্যতঃ
11.41
তথৈব পাণ্ডবং রাজন্বিহ্বলন্তং মুহুর্মুহুঃ
অপোবাহ রথেনাজৌ সারথিঃ শত্রুতাপনম্