Utshovঅধ্যায় 155
155.1
সংজয় উবাচ
হৈডিম্বং নিহতং দৃষ্ট্বা বিকীর্ণমিব পর্বতম্
পাণ্ডবা দীনমনসঃ সর্বে বাষ্পাকুলেক্ষণাঃ
155.2
বাসুদেবস্তু হর্ষেণ মহতাভিপরিপ্লুতঃ
ননাদ সিংহবন্নাদং ব্যথয়ন্নিব ভারত
বিনদ্য চ মহানাদং পর্যষ্বজত ফল্গুনম্
155.3
স বিনদ্য মহানাদমভীশূন্সংনিয়ম্য চ
ননর্ত হর্ষসংবীতো বাতোদ্ধূত ইব দ্রুমঃ
155.4
ততো বিনির্ভ্রাম্য পুনঃ পার্থমাস্ফোট্য চাসকৃৎ
রথোপস্থগতো ভীমং প্রাণদত্পুনরচ্যুতঃ
155.5
প্রহৃষ্টমনসং জ্ঞাত্বা বাসুদেবং মহাবলম্
অব্রবীদর্জুনো রাজন্নাতিহৃষ্টমনা ইব
155.6
অতিহর্ষোঽয়মস্থানে তবাদ্য মধুসূদন
শোকস্থানে পরে প্রাপ্তে হৈডিম্বস্য বধেন বৈ
155.7
বিমুখানি চ সৈন্যানি হতং দৃষ্ট্বা ঘটোত্কচম্
বয়ং চ ভৃশমাবিগ্না হৈডিম্বস্য নিপাতনাৎ
155.8
নৈতত্কারণমল্পং হি ভবিষ্যতি জনার্দন
তদদ্য শংস মে পৃষ্টঃ সত্যং সত্যবতাং বর
155.9
যদ্যেতন্ন রহস্যং তে বক্তুমর্হস্যরিংদম
ধৈর্যস্য বৈকৃতং ব্রূহি ত্বমদ্য মধুসূদন
155.10
সমুদ্রস্যেব সংক্ষোভো মেরোরিব বিসর্পণম্
তথৈতল্লাঘবং মন্যে তব কর্ম জনার্দন
155.11
বাসুদেব উবাচ
অতিহর্ষমিমং প্রাপ্তং শৃণু মে ত্বং ধনংজয়
অতীব মনসঃ সদ্যঃ প্রসাদকরমুত্তমম্
155.12
শক্তিং ঘটোত্কচেনেমাং ব্যংসয়িত্বা মহাদ্যুতে
কর্ণং নিহতমেবাজৌ বিদ্ধি সদ্যো ধনংজয়
155.13
শক্তিহস্তং পুনঃ কর্ণং কো লোকেঽস্তি পুমানিহ
য এনমভিতস্তিষ্ঠেত্কার্ত্তিকেয়মিবাহবে
155.14
দিষ্ট্যাপনীতকবচো দিষ্ট্যাপহৃতকুণ্ডলঃ
দিষ্ট্যা চ ব্যংসিতা শক্তিরমোঘাস্য ঘটোত্কচে
155.15
যদি হি স্যাত্সকবচস্তথৈব চ সকুণ্ডলঃ
সামরানপি লোকাংস্ত্রীনেকঃ কর্ণো জয়েদ্বলী
155.16
বাসবো বা কুবেরো বা বরুণো বা জলেশ্বরঃ
যমো বা নোত্সহেত্কর্ণং রণে প্রতিসমাসিতুম্
155.17
গাণ্ডীবমায়ম্য ভবাংশ্চক্রং বাহং সুদর্শনম্
ন শক্তৌ স্বো রণে জেতুং তথায়ুক্তং নরর্ষভম্
155.18
ত্বদ্ধিতার্থং তু শক্রেণ মায়য়া হৃতকুণ্ডলঃ
বিহীনকবচশ্চায়ং কৃতঃ পরপুরংজয়ঃ
155.19
উত্কৃত্য কবচং যস্মাত্কুণ্ডলে বিমলে চ তে
প্রাদাচ্ছক্রায় কর্ণো বৈ তেন বৈকর্তনঃ স্মৃতঃ
155.20
আশীবিষ ইব ক্রুদ্ধঃ স্তম্ভিতো মন্ত্রতেজসা
তথাদ্য ভাতি কর্ণো মে শান্তজ্বাল ইবানলঃ
155.21
যদা প্রভৃতি কর্ণায় শক্তির্দত্তা মহাত্মনা
বাসবেন মহাবাহো প্রাপ্তা যাসৌ ঘটোত্কচে
155.22
কুণ্ডলাভ্যাং নিমায়াথ দিব্যেন কবচেন চ
তাং প্রাপ্যামন্যত বৃষা সততং ত্বাং হতং রণে
155.23
এবং গতেঽপি শক্যোঽয়ং হন্তুং নান্যেন কেনচিৎ
ঋতে ত্বা পুরুষব্যাঘ্র শপে সত্যেন চানঘ
155.24
ব্রহ্মণ্যঃ সত্যবাদী চ তপস্বী নিয়তব্রতঃ
রিপুষ্বপি দয়াবাংশ্চ তস্মাত্কর্ণো বৃষা স্মৃতঃ
155.25
যুদ্ধশৌণ্ডো মহাবাহুর্নিত্যোদ্যতশরাসনঃ
কেসরীব বনে মর্দন্মত্তমাতঙ্গয়ূথপান্
বিমদান্রথশার্দূলান্কুরুতে রণমূর্ধনি
155.26
মধ্যংগত ইবাদিত্যো যো ন শক্যো নিরীক্ষিতুম্
ত্বদীয়ৈঃ পুরুষব্যাঘ্র যোধমুখ্যৈর্মহাত্মভিঃ
শরজালসহস্রাংশুঃ শরদীব দিবাকরঃ
155.27
তপান্তে তোয়দো যদ্বচ্ছরধারাঃ ক্ষরত্যসৌ
দিব্যাস্ত্রজলদঃ কর্ণঃ পর্জন্য ইব বৃষ্টিমান্
সোঽদ্য মানুষতাং প্রাপ্তো বিমুক্তঃ শক্রদত্তয়া
155.28
একো হি যোগোঽস্য ভবেদ্বধায়; ছিদ্রে হ্যেনং স্বপ্রমত্তঃ প্রমত্তম্
কৃচ্ছ্রপ্রাপ্তং রথচক্রে নিমগ্নে; হন্যাঃ পূর্বং ত্বং তু সংজ্ঞাং বিচার্য
155.29
জরাসংধশ্চেদিরাজো মহাত্মা; মহাবলশ্চৈকলব্যো নিষাদঃ
একৈকশো নিহতাঃ সর্ব এব; যোগৈস্তৈস্তৈস্ত্বদ্ধিতার্থং ময়ৈব
155.30
অথাপরে নিহতা রাক্ষসেন্দ্রা; হিডিম্বকির্মীরবকপ্রধানাঃ
অলায়ুধঃ পরসৈন্যাবমর্দী; ঘটোত্কচশ্চোগ্রকর্মা তরস্বী