Utshovঅধ্যায় 217
217.1
মার্কণ্ডেয় উবাচ
স্কন্দস্য পার্ষদান্ঘোরাঞ্শৃণুষ্বাদ্ভুতদর্শনান্
বজ্রপ্রহারাত্স্কন্দস্য জজ্ঞুস্তত্র কুমারকাঃ
যে হরন্তি শিশূঞ্জাতান্গর্ভস্থাংশ্চৈব দারুণাঃ
217.2
বজ্রপ্রহারাত্কন্যাশ্চ জজ্ঞিরেঽস্য মহাবলাঃ
কুমারাশ্চ বিশাখং তং পিতৃত্বে সমকল্পয়ন্
217.3
স ভূত্বা ভগবান্সংখ্যে রক্ষংশ্ছাগমুখস্তদা
বৃতঃ কন্যাগণৈঃ সর্বৈরাত্মনীনৈশ্চ পুত্রকৈঃ
217.4
মাতৄণাং প্রেক্ষতীনাং চ ভদ্রশাখশ্চ কৌশলঃ
ততঃ কুমারপিতরং স্কন্দমাহুর্জনা ভুবি
217.5
রুদ্রমগ্নিমুমাং স্বাহাং প্রদেশেষু মহাবলাম্
যজন্তি পুত্রকামাশ্চ পুত্রিণশ্চ সদা জনাঃ
217.6
যাস্তাস্ত্বজনয়ত্কন্যাস্তপো নাম হুতাশনঃ
কিং করোমীতি তাঃ স্কন্দং সংপ্রাপ্তাঃ সমভাষত
217.7
মাতর ঊচুঃ
ভবেম সর্বলোকস্য বয়ং মাতর উত্তমাঃ
প্রসাদাত্তব পূজ্যাশ্চ প্রিয়মেতত্কুরুষ্ব নঃ
217.8
মার্কণ্ডেয় উবাচ
সোঽব্রবীদ্বাঢমিত্যেবং ভবিষ্যধ্বং পৃথগ্বিধাঃ
অশিবাশ্চ শিবাশ্চৈব পুনঃ পুনরুদারধীঃ
217.9
ততঃ সংকল্প্য পুত্রত্বে স্কংদং মাতৃগণোঽগমৎ
কাকী চ হলিমা চৈব রুদ্রাথ বৃহলী তথা
আর্যা পলালা বৈ মিত্রা সপ্তৈতাঃ শিশুমাতরঃ
217.10
এতাসাং বীর্যসংপন্নঃ শিশুর্নামাতিদারুণঃ
স্কন্দপ্রসাদজঃ পুত্রো লোহিতাক্ষো ভয়ংকরঃ
217.11
এষ বীরাষ্টকঃ প্রোক্তঃ স্কন্দমাতৃগণোদ্ভবঃ
ছাগবক্ত্রেণ সহিতো নবকঃ পরিকীর্ত্যতে
217.12
ষষ্ঠং ছাগময়ং বক্ত্রং স্কন্দস্যৈবেতি বিদ্ধি তৎ
ষট্শিরোঽভ্যন্তরং রাজন্নিত্যং মাতৃগণার্চিতম্
217.13
ষণ্ণাং তু প্রবরং তস্য শীর্ষাণামিহ শব্দ্যতে
শক্তিং যেনাসৃজদ্দিব্যাং ভদ্রশাখ ইতি স্ম হ
217.14
ইত্যেতদ্বিবিধাকারং বৃত্তং শুক্লস্য পঞ্চমীম্
তত্র যুদ্ধং মহাঘোরং বৃত্তং ষষ্ঠ্যাং জনাধিপ