UtshovChapter 217
217.1
मार्कण्डेय उवाच
स्कन्दस्य पार्षदान्घोराञ्शृणुष्वाद्भुतदर्शनान्
वज्रप्रहारात्स्कन्दस्य जज्ञुस्तत्र कुमारकाः
ये हरन्ति शिशूञ्जातान्गर्भस्थांश्चैव दारुणाः
Markandeya uvacha
Skandasya parshadanghoranshrinushvadbhutadarshanan
Vajrapraharatskandasya jagyustatra kumarakah
Ye haranti shishunjatangarbhasthanshchaiva darunah
217.2
वज्रप्रहारात्कन्याश्च जज्ञिरेऽस्य महाबलाः
कुमाराश्च विशाखं तं पितृत्वे समकल्पयन्
Vajrapraharatkanyashcha jagyiresya mahabalah
Kumarashcha vishakham tam pitritve samakalpayan
217.3
स भूत्वा भगवान्संख्ये रक्षंश्छागमुखस्तदा
वृतः कन्यागणैः सर्वैरात्मनीनैश्च पुत्रकैः
Sa bhutva bhagavansankhye rakshanshchhagamukhastada
Vritah kanyaganaih sarvairatmaninaishcha putrakaih
217.4
मातॄणां प्रेक्षतीनां च भद्रशाखश्च कौशलः
ततः कुमारपितरं स्कन्दमाहुर्जना भुवि
Matrinam prekshatinam cha bhadrashakhashcha kaushalah
Tatah kumarapitaram skandamahurjana bhuvi
217.5
रुद्रमग्निमुमां स्वाहां प्रदेशेषु महाबलाम्
यजन्ति पुत्रकामाश्च पुत्रिणश्च सदा जनाः
Rudramagnimumam svaham pradesheshu mahabalam
Yajanti putrakamashcha putrinashcha sada janah
217.6
यास्तास्त्वजनयत्कन्यास्तपो नाम हुताशनः
किं करोमीति ताः स्कन्दं संप्राप्ताः समभाषत
Yastastvajanayatkanyastapo nama hutashanah
Kim karomiti tah skandam sampraptah samabhashata
217.7
मातर ऊचुः
भवेम सर्वलोकस्य वयं मातर उत्तमाः
प्रसादात्तव पूज्याश्च प्रियमेतत्कुरुष्व नः
Matara uchuh
Bhavema sarvalokasya vayam matara uttamah
Prasadattava pujyashcha priyametatkurushva nah
217.8
मार्कण्डेय उवाच
सोऽब्रवीद्बाढमित्येवं भविष्यध्वं पृथग्विधाः
अशिवाश्च शिवाश्चैव पुनः पुनरुदारधीः
Markandeya uvacha
Sobravidbadhamityevam bhavishyadhvam prithagvidhah
Ashivashcha shivashchaiva punah punarudaradhih
217.9
ततः संकल्प्य पुत्रत्वे स्कंदं मातृगणोऽगमत्
काकी च हलिमा चैव रुद्राथ बृहली तथा
आर्या पलाला वै मित्रा सप्तैताः शिशुमातरः
Tatah sankalpya putratve skandam matriganogamat
Kaki cha halima chaiva rudratha brihali tatha
Arya palala vai mitra saptaitah shishumatarah
217.10
एतासां वीर्यसंपन्नः शिशुर्नामातिदारुणः
स्कन्दप्रसादजः पुत्रो लोहिताक्षो भयंकरः
Etasam viryasampannah shishurnamatidarunah
Skandaprasadajah putro lohitaksho bhayankarah
217.11
एष वीराष्टकः प्रोक्तः स्कन्दमातृगणोद्भवः
छागवक्त्रेण सहितो नवकः परिकीर्त्यते
Esha virashtakah proktah skandamatriganodbhavah
Chhagavaktrena sahito navakah parikirtyate
217.12
षष्ठं छागमयं वक्त्रं स्कन्दस्यैवेति विद्धि तत्
षट्शिरोऽभ्यन्तरं राजन्नित्यं मातृगणार्चितम्
Shashtham chhagamayam vaktram skandasyaiveti viddhi tat
Shatshirobhyantaram rajannityam matriganarchitam
217.13
षण्णां तु प्रवरं तस्य शीर्षाणामिह शब्द्यते
शक्तिं येनासृजद्दिव्यां भद्रशाख इति स्म ह
Shannam tu pravaram tasya shirshanamiha shabdyate
Shaktim yenasrijaddivyam bhadrashakha iti sma ha
217.14
इत्येतद्विविधाकारं वृत्तं शुक्लस्य पञ्चमीम्
तत्र युद्धं महाघोरं वृत्तं षष्ठ्यां जनाधिप
Ityetadvividhakaram vrittam shuklasya panchamim
Tatra yuddham mahaghoram vrittam shashthyam janadhipa