Utshovঅধ্যায় 41
41.1
বৈশংপায়ন উবাচ
ততস্তে ভরতশ্রেষ্ঠাঃ সমাজগ্মুঃ পরস্পরম্
বিগতক্রোধমাত্সর্যাঃ সর্বে বিগতকল্মষাঃ
41.2
বিধিং পরমমাস্থায় ব্রহ্মর্ষিবিহিতং শুভম্
সংপ্রীতমনসঃ সর্বে দেবলোক ইবামরাঃ
41.3
পুত্রঃ পিত্রা চ মাত্রা চ ভার্যা চ পতিনা সহ
ভ্রাতা ভ্রাত্রা সখা চৈব সখ্যা রাজন্সমাগতাঃ
41.4
পাণ্ডবাস্তু মহেষ্বাসং কর্ণং সৌভদ্রমেব চ
সংপ্রহর্ষাত্সমাজগ্মুর্দ্রৌপদেয়াংশ্চ সর্বশঃ
41.5
ততস্তে প্রীয়মাণা বৈ কর্ণেন সহ পাণ্ডবাঃ
সমেত্য পৃথিবীপালাঃ সৌহৃদেঽবস্থিতাভবন্
41.6
ঋষিপ্রসাদাত্তেঽন্যে চ ক্ষত্রিয়া নষ্টমন্যবঃ
অসৌহৃদং পরিত্যজ্য সৌহৃদে পর্যবস্থিতাঃ
41.7
এবং সমাগতাঃ সর্বে গুরুভির্বান্ধবৈস্তথা
পুত্রৈশ্চ পুরুষব্যাঘ্রাঃ কুরবোঽন্যে চ মানবাঃ
41.8
তাং রাত্রিমেকাং কৃত্স্নাং তে বিহৃত্য প্রীতমানসাঃ
মেনিরে পরিতোষেণ নৃপাঃ স্বর্গসদো যথা
41.9
নাত্র শোকো ভয়ং ত্রাসো নারতির্নায়শোঽভবৎ
পরস্পরং সমাগম্য যোধানাং ভরতর্ষভ
41.10
সমাগতাস্তাঃ পিতৃভির্ভ্রাতৃভিঃ পতিভিঃ সুতৈঃ
মুদং পরমিকাং প্রাপ্য নার্যো দুঃখমথাত্যজন্
41.11
একাং রাত্রিং বিহৃত্যৈবং তে বীরাস্তাশ্চ যোষিতঃ
আমন্ত্র্যান্যোন্যমাশ্লিষ্য ততো জগ্মুর্যথাগতম্
41.12
ততো বিসর্জয়ামাস লোকাংস্তান্মুনিপুংগবঃ
ক্ষণেনান্তর্হিতাশ্চৈব প্রেক্ষতামেব তেঽভবন্
41.13
অবগাহ্য মহাত্মানঃ পুণ্যাং ত্রিপথগাং নদীম্
সরথাঃ সধ্বজাশ্চৈব স্বানি স্থানানি ভেজিরে
41.14
দেবলোকং যয়ুঃ কেচিত্কেচিদ্ব্রহ্মসদস্তথা
কেচিচ্চ বারুণং লোকং কেচিত্কৌবেরমাপ্নুবন্
41.15
তথা বৈবস্বতং লোকং কেচিচ্চৈবাপ্নুবন্নৃপাঃ
রাক্ষসানাং পিশাচানাং কেচিচ্চাপ্যুত্তরান্কুরূন্
41.16
বিচিত্রগতয়ঃ সর্বে যা অবাপ্যামরৈঃ সহ
আজগ্মুস্তে মহাত্মানঃ সবাহাঃ সপদানুগাঃ
41.17
গতেষু তেষু সর্বেষু সলিলস্থো মহামুনিঃ
ধর্মশীলো মহাতেজাঃ কুরূণাং হিতকৃত্সদা
ততঃ প্রোবাচ তাঃ সর্বাঃ ক্ষত্রিয়া নিহতেশ্বরাঃ
41.18
যা যাঃ পতিকৃতাঁল্লোকানিচ্ছন্তি পরমস্ত্রিয়ঃ
তা জাহ্নবীজলং ক্ষিপ্রমবগাহন্ত্বতন্দ্রিতাঃ
41.19
ততস্তস্য বচঃ শ্রুত্বা শ্রদ্দধানা বরাঙ্গনাঃ
শ্বশুরং সমনুজ্ঞাপ্য বিবিশুর্জাহ্নবীজলম্
41.20
বিমুক্তা মানুষৈর্দেহৈস্ততস্তা ভর্তৃভিঃ সহ
সমাজগ্মুস্তদা সাধ্ব্যঃ সর্বা এব বিশাং পতে
41.21
এবং ক্রমেণ সর্বাস্তাঃ শীলবত্যঃ কুলস্ত্রিয়ঃ
প্রবিশ্য তোয়ং নির্মুক্তা জগ্মুর্ভর্তৃসলোকতাম্
41.22
দিব্যরূপসমায়ুক্তা দিব্যাভরণভূষিতাঃ
দিব্যমাল্যাম্বরধরা যথাসাং পতয়স্তথা
41.23
তাঃ শীলসত্ত্বসংপন্না বিতমস্কা গতক্লমাঃ
সর্বাঃ সর্বগুণৈর্যুক্তাঃ স্বং স্বং স্থানং প্রপেদিরে
41.24
যস্য যস্য চ যঃ কামস্তস্মিন্কালেঽভবত্তদা
তং তং বিসৃষ্টবান্ব্যাসো বরদো ধর্মবত্সলঃ
41.25
তচ্ছ্রুত্বা নরদেবানাং পুনরাগমনং নরাঃ
জহৃষুর্মুদিতাশ্চাসন্নন্যদেহগতা অপি
41.26
প্রিয়ৈঃ সমাগমং তেষাং য ইমং শৃণুয়ান্নরঃ
প্রিয়াণি লভতে নিত্যমিহ চ প্রেত্য চৈব হ
41.27
ইষ্টবান্ধবসংয়োগমনায়াসমনাময়ম্
য ইমং শ্রাবয়েদ্বিদ্বান্সংসিদ্ধিং প্রাপ্নুয়াত্পরাম্
41.28
স্বাধ্যায়য়ুক্তাঃ পুরুষাঃ ক্রিয়ায়ুক্তাশ্চ ভারত
অধ্যাত্ময়োগয়ুক্তাশ্চ ধৃতিমন্তশ্চ মানবাঃ
শ্রুত্বা পর্ব ত্বিদং নিত্যমবাপ্স্যন্তি পরাং গতিম্