Utshovঅধ্যায় 42
42.1
ব্রহ্মোবাচ
অহংকারাত্প্রসূতানি মহাভূতানি পঞ্চ বৈ
পৃথিবী বায়ুরাকাশমাপো জ্যোতিশ্চ পঞ্চমম্
42.2
তেষু ভূতানি মুহ্যন্তে মহাভূতেষু পঞ্চসু
শব্দস্পর্শনরূপেষু রসগন্ধক্রিয়াসু চ
42.3
মহাভূতবিনাশান্তে প্রলয়ে প্রত্যুপস্থিতে
সর্বপ্রাণভৃতাং ধীরা মহদুত্পদ্যতে ভয়ম্
42.4
যদ্যস্মাজ্জায়তে ভূতং তত্র তত্প্রবিলীয়তে
লীয়ন্তে প্রতিলোমানি জায়ন্তে চোত্তরোত্তরম্
42.5
ততঃ প্রলীনে সর্বস্মিন্ভূতে স্থাবরজঙ্গমে
স্মৃতিমন্তস্তদা ধীরা ন লীয়ন্তে কদাচন
42.6
শব্দঃ স্পর্শস্তথা রূপং রসো গন্ধশ্চ পঞ্চমঃ
ক্রিয়াকারণয়ুক্তাঃ স্যুরনিত্যা মোহসংজ্ঞিতাঃ
42.7
লোভপ্রজনসংয়ুক্তা নির্বিশেষা হ্যকিংচনাঃ
মাংসশোণিতসংঘাতা অন্যোন্যস্যোপজীবিনঃ
42.8
বহিরাত্মান ইত্যেতে দীনাঃ কৃপণবৃত্তয়ঃ
প্রাণাপানাবুদানশ্চ সমানো ব্যান এব চ
42.9
অন্তরাত্মেতি চাপ্যেতে নিয়তাঃ পঞ্চ বায়বঃ
বাঙ্মনোবুদ্ধিরিত্যেভিঃ সার্ধমষ্টাত্মকং জগৎ
42.10
ত্বগ্ঘ্রাণশ্রোত্রচক্ষূংষি রসনং বাক্চ সংয়তা
বিশুদ্ধং চ মনো যস্য বুদ্ধিশ্চাব্যভিচারিণী
42.11
অষ্টৌ যস্যাগ্নয়ো হ্যেতে ন দহন্তে মনঃ সদা
স তদ্ব্রহ্ম শুভং যাতি যস্মাদ্ভূয়ো ন বিদ্যতে
42.12
একাদশ চ যান্যাহুরিন্দ্রিয়াণি বিশেষতঃ
অহংকারপ্রসূতানি তানি বক্ষ্যাম্যহং দ্বিজাঃ
42.13
শ্রোত্রং ত্বক্চক্ষুষী জিহ্বা নাসিকা চৈব পঞ্চমী
পাদৌ পায়ুরুপস্থং চ হস্তৌ বাগ্দশমী ভবেৎ
42.14
ইন্দ্রিয়গ্রাম ইত্যেষ মন একাদশং ভবেৎ
এতং গ্রামং জয়েত্পূর্বং ততো ব্রহ্ম প্রকাশতে
42.15
বুদ্ধীন্দ্রিয়াণি পঞ্চাহুঃ পঞ্চ কর্মেন্দ্রিয়াণি চ
শ্রোত্রাদীন্যপি পঞ্চাহুর্বুদ্ধিয়ুক্তানি তত্ত্বতঃ
42.16
অবিশেষাণি চান্যানি কর্ময়ুক্তানি তানি তু
উভয়ত্র মনো জ্ঞেয়ং বুদ্ধির্দ্বাদশমী ভবেৎ
42.17
ইত্যুক্তানীন্দ্রিয়াণীমান্যেকাদশ ময়া ক্রমাৎ
মন্যন্তে কৃতমিত্যেব বিদিত্বৈতানি পণ্ডিতাঃ
42.18
ত্রীণি স্থানানি ভূতানাং চতুর্থং নোপপদ্যতে
স্থলমাপস্তথাকাশং জন্ম চাপি চতুর্বিধম্
42.19
অণ্ডজোদ্ভিজ্জসংস্বেদজরায়ুজমথাপি চ
চতুর্ধা জন্ম ইত্যেতদ্ভূতগ্রামস্য লক্ষ্যতে
42.20
অচরাণ্যপি ভূতানি খেচরাণি তথৈব চ
অণ্ডজানি বিজানীয়াত্সর্বাংশ্চৈব সরীসৃপান্
42.21
সংস্বেদাঃ কৃময়ঃ প্রোক্তা জন্তবশ্চ তথাবিধাঃ
জন্ম দ্বিতীয়মিত্যেতজ্জঘন্যতরমুচ্যতে
42.22
ভিত্ত্বা তু পৃথিবীং যানি জায়ন্তে কালপর্যয়াৎ
উদ্ভিজ্জানীতি তান্যাহুর্ভূতানি দ্বিজসত্তমাঃ
42.23
দ্বিপাদবহুপাদানি তির্যগ্গতিমতীনি চ
জরায়ুজানি ভূতানি বিত্ত তান্যপি সত্তমাঃ
42.24
দ্বিবিধাপীহ বিজ্ঞেয়া ব্রহ্ময়োনিঃ সনাতনা
তপঃ কর্ম চ যত্পুণ্যমিত্যেষ বিদুষাং নয়ঃ
42.25
দ্বিবিধং কর্ম বিজ্ঞেয়মিজ্যা দানং চ যন্মখে
জাতস্যাধ্যয়নং পুণ্যমিতি বৃদ্ধানুশাসনম্
42.26
এতদ্যো বেদ বিধিবত্স মুক্তঃ স্যাদ্দ্বিজর্ষভাঃ
বিমুক্তঃ সর্বপাপেভ্য ইতি চৈব নিবোধত
42.27
আকাশং প্রথমং ভূতং শ্রোত্রমধ্যাত্মমুচ্যতে
অধিভূতং তথা শব্দো দিশস্তত্রাধিদৈবতম্
42.28
দ্বিতীয়ং মারুতো ভূতং ত্বগধ্যাত্মং চ বিশ্রুতম্
স্প্রষ্টব্যমধিভূতং চ বিদ্যুত্তত্রাধিদৈবতম্
42.29
তৃতীয়ং জ্যোতিরিত্যাহুশ্চক্ষুরধ্যাত্মমুচ্যতে
অধিভূতং ততো রূপং সূর্যস্তত্রাধিদৈবতম্
42.30
চতুর্থমাপো বিজ্ঞেয়ং জিহ্বা চাধ্যাত্মমিষ্যতে
অধিভূতং রসশ্চাত্র সোমস্তত্রাধিদৈবতম্
42.31
পৃথিবী পঞ্চমং ভূতং ঘ্রাণশ্চাধ্যাত্মমিষ্যতে
অধিভূতং তথা গন্ধো বায়ুস্তত্রাধিদৈবতম্
42.32
এষ পঞ্চসু ভূতেষু চতুষ্টয়বিধিঃ স্মৃতঃ
অতঃ পরং প্রবক্ষ্যামি সর্বং ত্রিবিধমিন্দ্রিয়ম্
42.33
পাদাবধ্যাত্মমিত্যাহুর্ব্রাহ্মণাস্তত্ত্বদর্শিনঃ
অধিভূতং তু গন্তব্যং বিষ্ণুস্তত্রাধিদৈবতম্
42.34
অবাগ্গতিরপানশ্চ পায়ুরধ্যাত্মমিষ্যতে
অধিভূতং বিসর্গশ্চ মিত্রস্তত্রাধিদৈবতম্
42.35
প্রজনঃ সর্বভূতানামুপস্থোঽধ্যাত্মমুচ্যতে
অধিভূতং তথা শুক্রং দৈবতং চ প্রজাপতিঃ
42.36
হস্তাবধ্যাত্মমিত্যাহুরধ্যাত্মবিদুষো জনাঃ
অধিভূতং তু কর্মাণি শক্রস্তত্রাধিদৈবতম্
42.37
বৈশ্বদেবী মনঃপূর্বা বাগধ্যাত্মমিহোচ্যতে
বক্তব্যমধিভূতং চ বহ্নিস্তত্রাধিদৈবতম্
42.38
অধ্যাত্মং মন ইত্যাহুঃ পঞ্চভূতানুচারকম্
অধিভূতং চ মন্তব্যং চন্দ্রমাশ্চাধিদৈবতম্
42.39
অধ্যাত্মং বুদ্ধিরিত্যাহুঃ ষডিন্দ্রিয়বিচারিণী
অধিভূতং তু বিজ্ঞেয়ং ব্রহ্মা তত্রাধিদৈবতম্
42.40
যথাবদধ্যাত্মবিধিরেষ বঃ কীর্তিতো ময়া
জ্ঞানমস্য হি ধর্মজ্ঞাঃ প্রাপ্তং বুদ্ধিমতামিহ
42.41
ইন্দ্রিয়াণীন্দ্রিয়ার্থাশ্চ মহাভূতানি পঞ্চ চ
সর্বাণ্যেতানি সংধায় মনসা সংপ্রধারয়েৎ
42.42
ক্ষীণে মনসি সর্বস্মিন্ন জন্মসুখমিষ্যতে
জ্ঞানসংপন্নসত্ত্বানাং তত্সুখং বিদুষাং মতম্
42.43
অতঃ পরং প্রবক্ষ্যামি সূক্ষ্মভাবকরীং শিবাম্
নিবৃত্তিং সর্বভূতেষু মৃদুনা দারুণেন বা
42.44
গুণাগুণমনাসঙ্গমেকচর্যমনন্তরম্
এতদ্ব্রাহ্মণতো বৃত্তমাহুরেকপদং সুখম্
42.45
বিদ্বান্কূর্ম ইবাঙ্গানি কামান্সংহৃত্য সর্বশঃ
বিরজাঃ সর্বতো মুক্তো যো নরঃ স সুখী সদা
42.46
কামানাত্মনি সংয়ম্য ক্ষীণতৃষ্ণঃ সমাহিতঃ
সর্বভূতসুহৃন্মৈত্রো ব্রহ্মভূয়ং স গচ্ছতি
42.47
ইন্দ্রিয়াণাং নিরোধেন সর্বেষাং বিষয়ৈষিণাম্
মুনের্জনপদত্যাগাদধ্যাত্মাগ্নিঃ সমিধ্যতে
42.48
যথাগ্নিরিন্ধনৈরিদ্ধো মহাজ্যোতিঃ প্রকাশতে
তথেন্দ্রিয়নিরোধেন মহানাত্মা প্রকাশতে
42.49
যদা পশ্যতি ভূতানি প্রসন্নাত্মাত্মনো হৃদি
স্বয়ংয়োনিস্তদা সূক্ষ্মাত্সূক্ষ্মমাপ্নোত্যনুত্তমম্
42.50
অগ্নী রূপং পয়ঃ স্রোতো বায়ুঃ স্পর্শনমেব চ
মহী পঙ্কধরং ঘোরমাকাশং শ্রবণং তথা
42.51
রাগশোকসমাবিষ্টং পঞ্চস্রোতঃসমাবৃতম্
পঞ্চভূতসমায়ুক্তং নবদ্বারং দ্বিদৈবতম্
42.52
রজস্বলমথাদৃশ্যং ত্রিগুণং চ ত্রিধাতুকম্
সংসর্গাভিরতং মূঢং শরীরমিতি ধারণা
42.53
দুশ্চরং জীবলোকেঽস্মিন্সত্ত্বং প্রতি সমাশ্রিতম্
এতদেব হি লোকেঽস্মিন্কালচক্রং প্রবর্ততে
42.54
এতন্মহার্ণবং ঘোরমগাধং মোহসংজ্ঞিতম্
বিসৃজেত্সংক্ষিপেচ্চৈব বোধয়েত্সামরং জগৎ
42.55
কামক্রোধৌ ভয়ং মোহমভিদ্রোহমথানৃতম্
ইন্দ্রিয়াণাং নিরোধেন স তাংস্ত্যজতি দুস্ত্যজান্
42.56
যস্যৈতে নির্জিতা লোকে ত্রিগুণাঃ পঞ্চ ধাতবঃ
ব্যোম্নি তস্য পরং স্থানমনন্তমথ লক্ষ্যতে
42.57
কামকূলামপারান্তাং মনঃস্রোতোভয়াবহাম্
নদীং দুর্গহ্রদাং তীর্ণঃ কামক্রোধাবুভৌ জয়েৎ
42.58
স সর্বদোষনির্মুক্তস্ততঃ পশ্যতি যত্পরম্
মনো মনসি সংধায় পশ্যত্যাত্মানমাত্মনি
42.59
সর্ববিত্সর্বভূতেষু বীক্ষত্যাত্মানমাত্মনি
একধা বহুধা চৈব বিকুর্বাণস্ততস্ততঃ
42.60
ধ্রুবং পশ্যতি রূপাণি দীপাদ্দীপশতং যথা
স বৈ বিষ্ণুশ্চ মিত্রশ্চ বরুণোঽগ্নিঃ প্রজাপতিঃ
42.61
স হি ধাতা বিধাতা চ স প্রভুঃ সর্বতোমুখঃ
হৃদয়ং সর্বভূতানাং মহানাত্মা প্রকাশতে
42.62
তং বিপ্রসংঘাশ্চ সুরাসুরাশ্চ; যক্ষাঃ পিশাচাঃ পিতরো বয়াংসি
রক্ষোগণা ভূতগণাশ্চ সর্বে; মহর্ষয়শ্চৈব সদা স্তুবন্তি