Utshovঅধ্যায় 41
41.1
ব্রহ্মোবাচ
য উত্পন্নো মহান্পূর্বমহংকারঃ স উচ্যতে
অহমিত্যেব সংভূতো দ্বিতীয়ঃ সর্গ উচ্যতে
41.2
অহংকারশ্চ ভূতাদির্বৈকারিক ইতি স্মৃতঃ
তেজসশ্চেতনা ধাতুঃ প্রজাসর্গঃ প্রজাপতিঃ
41.3
দেবানাং প্রভবো দেবো মনসশ্চ ত্রিলোককৃৎ
অহমিত্যেব তত্সর্বমভিমন্তা স উচ্যতে
41.4
অধ্যাত্মজ্ঞাননিত্যানাং মুনীনাং ভাবিতাত্মনাম্
স্বাধ্যায়ক্রতুসিদ্ধানামেষ লোকঃ সনাতনঃ
41.5
অহংকারেণাহরতো গুণানিমা;ন্ভূতাদিরেবং সৃজতে স ভূতকৃৎ
বৈকারিকঃ সর্বমিদং বিচেষ্টতে; স্বতেজসা রঞ্জয়তে জগত্তথা