Utshovঅধ্যায় 40
40.1
ব্রহ্মোবাচ
অব্যক্তাত্পূর্বমুত্পন্নো মহানাত্মা মহামতিঃ
আদির্গুণানাং সর্বেষাং প্রথমঃ সর্গ উচ্যতে
40.2
মহানাত্মা মতির্বিষ্ণুর্বিশ্বঃ শংভুশ্চ বীর্যবান্
বুদ্ধিঃ প্রজ্ঞোপলব্ধিশ্চ তথা খ্যাতির্ধৃতিঃ স্মৃতিঃ
40.3
পর্যায়বাচকৈঃ শব্দৈর্মহানাত্মা বিভাব্যতে
তং জানন্ব্রাহ্মণো বিদ্বান্ন প্রমোহং নিগচ্ছতি
40.4
সর্বতঃপাণিপাদশ্চ সর্বতোক্ষিশিরোমুখঃ
সর্বতঃশ্রুতিমাঁল্লোকে সর্বং ব্যাপ্য স তিষ্ঠতি
40.5
মহাপ্রভার্চিঃ পুরুষঃ সর্বস্য হৃদি নিশ্রিতঃ
অণিমা লঘিমা প্রাপ্তিরীশানো জ্যোতিরব্যয়ঃ
40.6
তত্র বুদ্ধিমতাং লোকাঃ সংন্যাসনিরতাশ্চ যে
ধ্যানিনো নিত্যয়োগাশ্চ সত্যসংধা জিতেন্দ্রিয়াঃ
40.7
জ্ঞানবন্তশ্চ যে কেচিদলুব্ধা জিতমন্যবঃ
প্রসন্নমনসো ধীরা নির্মমা নিরহংকৃতাঃ
বিমুক্তাঃ সর্ব এবৈতে মহত্ত্বমুপয়ান্তি বৈ
40.8
আত্মনো মহতো বেদ যঃ পুণ্যাং গতিমুত্তমাম্
স ধীরঃ সর্বলোকেষু ন মোহমধিগচ্ছতি
বিষ্ণুরেবাদিসর্গেষু স্বয়ংভূর্ভবতি প্রভুঃ
40.9
এবং হি যো বেদ গুহাশয়ং প্রভুং; নরঃ পুরাণং পুরুষং বিশ্বরূপম্
হিরণ্ময়ং বুদ্ধিমতাং পরাং গতিং; স বুদ্ধিমান্বুদ্ধিমতীত্য তিষ্ঠতি