Utshovঅধ্যায় 17
17.1
বাসুদেব উবাচ
ততঃ স প্রয়তো ভূত্বা মম তাত যুধিষ্ঠির
প্রাঞ্জলিঃ প্রাহ বিপ্রর্ষির্নামসংহারমাদিতঃ
17.2
উপমন্যুরুবাচ
ব্রহ্মপ্রোক্তৈরৃষিপ্রোক্তৈর্বেদবেদাঙ্গসংভবৈঃ
সর্বলোকেষু বিখ্যাতৈঃ স্থাণুং স্তোষ্যামি নামভিঃ
17.3
মহদ্ভির্বিহিতৈঃ সত্যৈঃ সিদ্ধৈঃ সর্বার্থসাধকৈঃ
ঋষিণা তণ্ডিনা ভক্ত্যা কৃতৈর্দেবকৃতাত্মনা
17.4
যথোক্তৈর্লোকবিখ্যাতৈর্মুনিভিস্তত্ত্বদর্শিভিঃ
প্রবরং প্রথমং স্বর্গ্যং সর্বভূতহিতং শুভম্
শ্রুতৈঃ সর্বত্র জগতি ব্রহ্মলোকাবতারিতৈঃ
17.5
যত্তদ্রহস্যং পরমং ব্রহ্মপ্রোক্তং সনাতনম্
বক্ষ্যে যদুকুলশ্রেষ্ঠ শৃণুষ্বাবহিতো মম
17.6
পরত্বেন ভবং দেবং ভক্তস্ত্বং পরমেশ্বরম্
তেন তে শ্রাবয়িষ্যামি যত্তদ্ব্রহ্ম সনাতনম্
17.7
ন শক্যং বিস্তরাত্কৃত্স্নং বক্তুং শর্বস্য কেনচিৎ
যুক্তেনাপি বিভূতীনামপি বর্ষশতৈরপি
17.8
যস্যাদির্মধ্যমন্তশ্চ সুরৈরপি ন গম্যতে
কস্তস্য শক্নুয়াদ্বক্তুং গুণান্কার্ত্স্ন্যেন মাধব
17.9
কিং তু দেবস্য মহতঃ সংক্ষিপ্তার্থপদাক্ষরম্
শক্তিতশ্চরিতং বক্ষ্যে প্রসাদাত্তস্য চৈব হি
17.10
অপ্রাপ্যেহ ততোঽনুজ্ঞাং ন শক্যঃ স্তোতুমীশ্বরঃ
যদা তেনাভ্যনুজ্ঞাতঃ স্তুবত্যেব সদা ভবম্
17.11
অনাদিনিধনস্যাহং সর্বয়োনের্মহাত্মনঃ
নাম্নাং কংচিত্সমুদ্দেশং বক্ষ্যে হ্যব্যক্তয়োনিনঃ
17.12
বরদস্য বরেণ্যস্য বিশ্বরূপস্য ধীমতঃ
শৃণু নামসমুদ্দেশং যদুক্তং পদ্ময়োনিনা
17.13
দশ নামসহস্রাণি যান্যাহ প্রপিতামহঃ
তানি নির্মথ্য মনসা দধ্নো ঘৃতমিবোদ্ধৃতম্
17.14
গিরেঃ সারং যথা হেম পুষ্পাত্সারং যথা মধু
ঘৃতাত্সারং যথা মণ্ডস্তথৈতত্সারমুদ্ধৃতম্
17.15
সর্বপাপ্মাপহমিদং চতুর্বেদসমন্বিতম্
প্রয়ত্নেনাধিগন্তব্যং ধার্যং চ প্রয়তাত্মনা
শান্তিকং পৌষ্টিকং চৈব রক্ষোঘ্নং পাবনং মহৎ
17.16
ইদং ভক্তায় দাতব্যং শ্রদ্দধানাস্তিকায় চ
নাশ্রদ্দধানরূপায় নাস্তিকায়াজিতাত্মনে
17.17
যশ্চাভ্যসূয়তে দেবং ভূতাত্মানং পিনাকিনম্
স কৃষ্ণ নরকং যাতি সহ পূর্বৈঃ সহানুগৈঃ
17.18
ইদং ধ্যানমিদং যোগমিদং ধ্যেয়মনুত্তমম্
ইদং জপ্যমিদং জ্ঞানং রহস্যমিদমুত্তমম্
ইদং জ্ঞাত্বান্তকালেঽপি গচ্ছেদ্ধি পরমাং গতিম্
17.19
পবিত্রং মঙ্গলং পুণ্যং কল্যাণমিদমুত্তমম্
নিগদিষ্যে মহাবাহো স্তবানামুত্তমং স্তবম্
17.20
ইদং ব্রহ্মা পুরা কৃত্বা সর্বলোকপিতামহঃ
সর্বস্তবানাং দিব্যানাং রাজত্বে সমকল্পয়ৎ
17.21
তদাপ্রভৃতি চৈবায়মীশ্বরস্য মহাত্মনঃ
স্তবরাজেতি বিখ্যাতো জগত্যমরপূজিতঃ
ব্রহ্মলোকাদয়ং চৈব স্তবরাজোঽবতারিতঃ
17.22
যস্মাত্তণ্ডিঃ পুরা প্রাহ তেন তণ্ডিকৃতোঽভবৎ
স্বর্গাচ্চৈবাত্র ভূলোকং তণ্ডিনা হ্যবতারিতঃ
17.23
সর্বমঙ্গলমঙ্গল্যং সর্বপাপপ্রণাশনম্
নিগদিষ্যে মহাবাহো স্তবানামুত্তমং স্তবম্
17.24
ব্রহ্মণামপি যদ্ব্রহ্ম পরাণামপি যত্পরম্
তেজসামপি যত্তেজস্তপসামপি যত্তপঃ
17.25
শান্তীনামপি যা শান্তির্দ্যুতীনামপি যা দ্যুতিঃ
দান্তানামপি যো দান্তো ধীমতামপি যা চ ধীঃ
17.26
দেবানামপি যো দেবো মুনীনামপি যো মুনিঃ
যজ্ঞানামপি যো যজ্ঞঃ শিবানামপি যঃ শিবঃ
17.27
রুদ্রাণামপি যো রুদ্রঃ প্রভুঃ প্রভবতামপি
যোগিনামপি যো যোগী কারণানাং চ কারণম্
17.28
যতো লোকাঃ সংভবন্তি ন ভবন্তি যতঃ পুনঃ
সর্বভূতাত্মভূতস্য হরস্যামিততেজসঃ
17.29
অষ্টোত্তরসহস্রং তু নাম্নাং শর্বস্য মে শৃণু
যচ্ছ্রুত্বা মনুজশ্রেষ্ঠ সর্বান্কামানবাপ্স্যসি
17.30
স্থিরঃ স্থাণুঃ প্রভুর্ভানুঃ প্রবরো বরদো বরঃ
সর্বাত্মা সর্ববিখ্যাতঃ সর্বঃ সর্বকরো ভবঃ
17.31
জটী চর্মী শিখণ্ডী চ সর্বাঙ্গঃ সর্বভাবনঃ
হরিশ্চ হরিণাক্ষশ্চ সর্বভূতহরঃ প্রভুঃ
17.32
প্রবৃত্তিশ্চ নিবৃত্তিশ্চ নিয়তঃ শাশ্বতো ধ্রুবঃ
শ্মশানচারী ভগবান্খচরো গোচরোঽর্দনঃ
17.33
অভিবাদ্যো মহাকর্মা তপস্বী ভূতভাবনঃ
উন্মত্তবেশপ্রচ্ছন্নঃ সর্বলোকপ্রজাপতিঃ
17.34
মহারূপো মহাকায়ঃ সর্বরূপো মহায়শাঃ
মহাত্মা সর্বভূতশ্চ বিরূপো বামনো মনুঃ
17.35
লোকপালোঽন্তর্হিতাত্মা প্রসাদো হয়গর্দভিঃ
পবিত্রশ্চ মহাংশ্চৈব নিয়মো নিয়মাশ্রয়ঃ
17.36
সর্বকর্মা স্বয়ংভূশ্চ আদিরাদিকরো নিধিঃ
সহস্রাক্ষো বিরূপাক্ষঃ সোমো নক্ষত্রসাধকঃ
17.37
চন্দ্রসূর্যগতিঃ কেতুর্গ্রহো গ্রহপতির্বরঃ
অদ্রিরদ্র্যালয়ঃ কর্তা মৃগবাণার্পণোঽনঘঃ
17.38
মহাতপা ঘোরতপা অদীনো দীনসাধকঃ
সংবত্সরকরো মন্ত্রঃ প্রমাণং পরমং তপঃ
17.39
যোগী যোজ্যো মহাবীজো মহারেতা মহাতপাঃ
সুবর্ণরেতাঃ সর্বজ্ঞঃ সুবীজো বৃষবাহনঃ
17.40
দশবাহুস্ত্বনিমিষো নীলকণ্ঠ উমাপতিঃ
বিশ্বরূপঃ স্বয়ংশ্রেষ্ঠো বলবীরো বলো গণঃ
17.41
গণকর্তা গণপতির্দিগ্বাসাঃ কাম্য এব চ
পবিত্রং পরমং মন্ত্রঃ সর্বভাবকরো হরঃ
17.42
কমণ্ডলুধরো ধন্বী বাণহস্তঃ কপালবান্
অশনী শতঘ্নী খড্গী পট্টিশী চায়ুধী মহান্
17.43
স্রুবহস্তঃ সুরূপশ্চ তেজস্তেজস্করো নিধিঃ
উষ্ণীষী চ সুবক্ত্রশ্চ উদগ্রো বিনতস্তথা
17.44
দীর্ঘশ্চ হরিকেশশ্চ সুতীর্থঃ কৃষ্ণ এব চ
সৃগালরূপঃ সর্বার্থো মুণ্ডঃ কুণ্ডী কমণ্ডলুঃ
17.45
অজশ্চ মৃগরূপশ্চ গন্ধধারী কপর্দ্যপি
ঊর্ধ্বরেতা ঊর্ধ্বলিঙ্গ ঊর্ধ্বশায়ী নভস্তলঃ
17.46
ত্রিজটশ্চীরবাসাশ্চ রুদ্রঃ সেনাপতির্বিভুঃ
অহশ্চরোঽথ নক্তং চ তিগ্মমন্যুঃ সুবর্চসঃ
17.47
গজহা দৈত্যহা লোকো লোকধাতা গুণাকরঃ
সিংহশার্দূলরূপশ্চ আর্দ্রচর্মাম্বরাবৃতঃ
17.48
কালয়োগী মহানাদঃ সর্ববাসশ্চতুষ্পথঃ
নিশাচরঃ প্রেতচারী ভূতচারী মহেশ্বরঃ
17.49
বহুভূতো বহুধনঃ সর্বাধারোঽমিতো গতিঃ
নৃত্যপ্রিয়ো নিত্যনর্তো নর্তকঃ সর্বলাসকঃ
17.50
ঘোরো মহাতপাঃ পাশো নিত্যো গিরিচরো নভঃ
সহস্রহস্তো বিজয়ো ব্যবসায়ো হ্যনিন্দিতঃ
17.51
অমর্ষণো মর্ষণাত্মা যজ্ঞহা কামনাশনঃ
দক্ষয়জ্ঞাপহারী চ সুসহো মধ্যমস্তথা
17.52
তেজোপহারী বলহা মুদিতোঽর্থো জিতো বরঃ
গম্ভীরঘোষো গম্ভীরো গম্ভীরবলবাহনঃ
17.53
ন্যগ্রোধরূপো ন্যগ্রোধো বৃক্ষকর্ণস্থিতির্বিভুঃ
তীক্ষ্ণতাপশ্চ হর্যশ্বঃ সহায়ঃ কর্মকালবিৎ
17.54
বিষ্ণুপ্রসাদিতো যজ্ঞঃ সমুদ্রো বডবামুখঃ
হুতাশনসহায়শ্চ প্রশান্তাত্মা হুতাশনঃ
17.55
উগ্রতেজা মহাতেজা জয়ো বিজয়কালবিৎ
জ্যোতিষাময়নং সিদ্ধিঃ সংধির্বিগ্রহ এব চ
17.56
শিখী দণ্ডী জটী জ্বালী মূর্তিজো মূর্ধগো বলী
বৈণবী পণবী তালী কালঃ কালকটংকটঃ
17.57
নক্ষত্রবিগ্রহবিধির্গুণবৃদ্ধির্লয়োঽগমঃ
প্রজাপতির্দিশাবাহুর্বিভাগঃ সর্বতোমুখঃ
17.58
বিমোচনঃ সুরগণো হিরণ্যকবচোদ্ভবঃ
মেঢ্রজো বলচারী চ মহাচারী স্তুতস্তথা
17.59
সর্বতূর্যনিনাদী চ সর্ববাদ্যপরিগ্রহঃ
ব্যালরূপো বিলাবাসী হেমমালী তরংগবিৎ
17.60
ত্রিদশস্ত্রিকালধৃক্কর্মসর্ববন্ধবিমোচনঃ
বন্ধনস্ত্বসুরেন্দ্রাণাং যুধি শত্রুবিনাশনঃ
17.61
সাংখ্যপ্রসাদো দুর্বাসাঃ সর্বসাধুনিষেবিতঃ
প্রস্কন্দনো বিভাগশ্চ অতুল্যো যজ্ঞভাগবিৎ
17.62
সর্বাবাসঃ সর্বচারী দুর্বাসা বাসবোঽমরঃ
হেমো হেমকরো যজ্ঞঃ সর্বধারী ধরোত্তমঃ
17.63
লোহিতাক্ষো মহাক্ষশ্চ বিজয়াক্ষো বিশারদঃ
সংগ্রহো নিগ্রহঃ কর্তা সর্পচীরনিবাসনঃ
17.64
মুখ্যোঽমুখ্যশ্চ দেহশ্চ দেহর্দ্ধিঃ সর্বকামদঃ
সর্বকালপ্রসাদশ্চ সুবলো বলরূপধৃক্
17.65
আকাশনিধিরূপশ্চ নিপাতী উরগঃ খগঃ
রৌদ্ররূপোংঽশুরাদিত্যো বসুরশ্মিঃ সুবর্চসী
17.66
বসুবেগো মহাবেগো মনোবেগো নিশাচরঃ
সর্বাবাসী শ্রিয়াবাসী উপদেশকরো হরঃ
17.67
মুনিরাত্মপতির্লোকে সংভোজ্যশ্চ সহস্রদঃ
পক্ষী চ পক্ষিরূপী চ অতিদীপ্তো বিশাং পতিঃ
17.68
উন্মাদো মদনাকারো অর্থার্থকররোমশঃ
বামদেবশ্চ বামশ্চ প্রাগ্দক্ষিণ্যশ্চ বামনঃ
17.69
সিদ্ধয়োগাপহারী চ সিদ্ধঃ সর্বার্থসাধকঃ
ভিক্ষুশ্চ ভিক্ষুরূপশ্চ বিষাণী মৃদুরব্যয়ঃ
17.70
মহাসেনো বিশাখশ্চ ষষ্টিভাগো গবাং পতিঃ
বজ্রহস্তশ্চ বিষ্কম্ভী চমূস্তম্ভন এব চ
17.71
ঋতুরৃতুকরঃ কালো মধুর্মধুকরোঽচলঃ
বানস্পত্যো বাজসেনো নিত্যমাশ্রমপূজিতঃ
17.72
ব্রহ্মচারী লোকচারী সর্বচারী সুচারবিৎ
ঈশান ঈশ্বরঃ কালো নিশাচারী পিনাকধৃক্
17.73
নন্দীশ্বরশ্চ নন্দী চ নন্দনো নন্দিবর্ধনঃ
ভগস্যাক্ষিনিহন্তা চ কালো ব্রহ্মবিদাং বরঃ
17.74
চতুর্মুখো মহালিঙ্গশ্চারুলিঙ্গস্তথৈব চ
লিঙ্গাধ্যক্ষঃ সুরাধ্যক্ষো লোকাধ্যক্ষো যুগাবহঃ
17.75
বীজাধ্যক্ষো বীজকর্তা অধ্যাত্মানুগতো বলঃ
ইতিহাসকরঃ কল্পো গৌতমোঽথ জলেশ্বরঃ
17.76
দম্ভো হ্যদম্ভো বৈদম্ভো বশ্যো বশ্যকরঃ কবিঃ
লোককর্তা পশুপতির্মহাকর্তা মহৌষধিঃ
17.77
অক্ষরং পরমং ব্রহ্ম বলবাঞ্শক্র এব চ
নীতির্হ্যনীতিঃ শুদ্ধাত্মা শুদ্ধো মান্যো মনোগতিঃ
17.78
বহুপ্রসাদঃ স্বপনো দর্পণোঽথ ত্বমিত্রজিৎ
বেদকারঃ সূত্রকারো বিদ্বান্সমরমর্দনঃ
17.79
মহামেঘনিবাসী চ মহাঘোরো বশীকরঃ
অগ্নিজ্বালো মহাজ্বালো অতিধূম্রো হুতো হবিঃ
17.80
বৃষণঃ শংকরো নিত্যো বর্চস্বী ধূমকেতনঃ
নীলস্তথাঙ্গলুব্ধশ্চ শোভনো নিরবগ্রহঃ
17.81
স্বস্তিদঃ স্বস্তিভাবশ্চ ভাগী ভাগকরো লঘুঃ
উত্সঙ্গশ্চ মহাঙ্গশ্চ মহাগর্ভঃ পরো যুবা
17.82
কৃষ্ণবর্ণঃ সুবর্ণশ্চ ইন্দ্রিয়ঃ সর্বদেহিনাম্
মহাপাদো মহাহস্তো মহাকায়ো মহায়শাঃ
17.83
মহামূর্ধা মহামাত্রো মহানেত্রো দিগালয়ঃ
মহাদন্তো মহাকর্ণো মহামেঢ্রো মহাহনুঃ
17.84
মহানাসো মহাকম্বুর্মহাগ্রীবঃ শ্মশানধৃক্
মহাবক্ষা মহোরস্কো অন্তরাত্মা মৃগালয়ঃ
17.85
লম্বনো লম্বিতোষ্ঠশ্চ মহামায়ঃ পয়োনিধিঃ
মহাদন্তো মহাদংষ্ট্রো মহাজিহ্বো মহামুখঃ
17.86
মহানখো মহারোমা মহাকেশো মহাজটঃ
অসপত্নঃ প্রসাদশ্চ প্রত্যয়ো গিরিসাধনঃ
17.87
স্নেহনোঽস্নেহনশ্চৈব অজিতশ্চ মহামুনিঃ
বৃক্ষাকারো বৃক্ষকেতুরনলো বায়ুবাহনঃ
17.88
মণ্ডলী মেরুধামা চ দেবদানবদর্পহা
অথর্বশীর্ষঃ সামাস্য ঋক্সহস্রামিতেক্ষণঃ
17.89
যজুঃপাদভুজো গুহ্যঃ প্রকাশো জঙ্গমস্তথা
অমোঘার্থঃ প্রসাদশ্চ অভিগম্যঃ সুদর্শনঃ
17.90
উপহারপ্রিয়ঃ শর্বঃ কনকঃ কাঞ্চনঃ স্থিরঃ
নাভির্নন্দিকরো ভাব্যঃ পুষ্করস্থপতিঃ স্থিরঃ
17.91
দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ
নক্তং কলিশ্চ কালশ্চ মকরঃ কালপূজিতঃ
17.92
সগণো গণকারশ্চ ভূতভাবনসারথিঃ
ভস্মশায়ী ভস্মগোপ্তা ভস্মভূতস্তরুর্গণঃ
17.93
অগণশ্চৈব লোপশ্চ মহাত্মা সর্বপূজিতঃ
শঙ্কুস্ত্রিশঙ্কুঃ সংপন্নঃ শুচির্ভূতনিষেবিতঃ
17.94
আশ্রমস্থঃ কপোতস্থো বিশ্বকর্মা পতির্বরঃ
শাখো বিশাখস্তাম্রোষ্ঠো হ্যম্বুজালঃ সুনিশ্চয়ঃ
17.95
কপিলোঽকপিলঃ শূর আয়ুশ্চৈব পরোঽপরঃ
গন্ধর্বো হ্যদিতিস্তার্ক্ষ্যঃ সুবিজ্ঞেয়ঃ সুসারথিঃ
17.96
পরশ্বধায়ুধো দেব অর্থকারী সুবান্ধবঃ
তুম্ববীণী মহাকোপ ঊর্ধ্বরেতা জলেশয়ঃ
17.97
উগ্রো বংশকরো বংশো বংশনাদো হ্যনিন্দিতঃ
সর্বাঙ্গরূপো মায়াবী সুহৃদো হ্যনিলোঽনলঃ
17.98
বন্ধনো বন্ধকর্তা চ সুবন্ধনবিমোচনঃ
স যজ্ঞারিঃ স কামারির্মহাদংষ্ট্রো মহায়ুধঃ
17.99
বাহুস্ত্বনিন্দিতঃ শর্বঃ শংকরঃ শংকরোঽধনঃ
অমরেশো মহাদেবো বিশ্বদেবঃ সুরারিহা
17.100
অহির্বুধ্নো নিরৃতিশ্চ চেকিতানো হরিস্তথা
অজৈকপাচ্চ কাপালী ত্রিশঙ্কুরজিতঃ শিবঃ
17.101
ধন্বন্তরির্ধূমকেতুঃ স্কন্দো বৈশ্রবণস্তথা
ধাতা শক্রশ্চ বিষ্ণুশ্চ মিত্রস্ত্বষ্টা ধ্রুবো ধরঃ
17.102
প্রভাবঃ সর্বগো বায়ুরর্যমা সবিতা রবিঃ
উদগ্রশ্চ বিধাতা চ মান্ধাতা ভূতভাবনঃ
17.103
রতিতীর্থশ্চ বাগ্মী চ সর্বকামগুণাবহঃ
পদ্মগর্ভো মহাগর্ভশ্চন্দ্রবক্ত্রো মনোরমঃ
17.104
বলবাংশ্চোপশান্তশ্চ পুরাণঃ পুণ্যচঞ্চুরী
কুরুকর্তা কালরূপী কুরুভূতো মহেশ্বরঃ
17.105
সর্বাশয়ো দর্ভশায়ী সর্বেষাং প্রাণিনাং পতিঃ
দেবদেবমুখোঽসক্তঃ সদসত্সর্বরত্নবিৎ
17.106
কৈলাসশিখরাবাসী হিমবদ্গিরিসংশ্রয়ঃ
কূলহারী কূলকর্তা বহুবিদ্যো বহুপ্রদঃ
17.107
বণিজো বর্ধনো বৃক্ষো নকুলশ্চন্দনশ্ছদঃ
সারগ্রীবো মহাজত্রুরলোলশ্চ মহৌষধঃ
17.108
সিদ্ধার্থকারী সিদ্ধার্থশ্ছন্দোব্যাকরণোত্তরঃ
সিংহনাদঃ সিংহদংষ্ট্রঃ সিংহগঃ সিংহবাহনঃ
17.109
প্রভাবাত্মা জগত্কালস্তালো লোকহিতস্তরুঃ
সারঙ্গো নবচক্রাঙ্গঃ কেতুমালী সভাবনঃ
17.110
ভূতালয়ো ভূতপতিরহোরাত্রমনিন্দিতঃ
বাহিতা সর্বভূতানাং নিলয়শ্চ বিভুর্ভবঃ
17.111
অমোঘঃ সংয়তো হ্যশ্বো ভোজনঃ প্রাণধারণঃ
ধৃতিমান্মতিমান্দক্ষঃ সত্কৃতশ্চ যুগাধিপঃ
17.112
গোপালির্গোপতির্গ্রামো গোচর্মবসনো হরঃ
হিরণ্যবাহুশ্চ তথা গুহাপালঃ প্রবেশিনাম্
17.113
প্রতিষ্ঠায়ী মহাহর্ষো জিতকামো জিতেন্দ্রিয়ঃ
গন্ধারশ্চ সুরালশ্চ তপঃকর্মরতির্ধনুঃ
17.114
মহাগীতো মহানৃত্তো হ্যপ্সরোগণসেবিতঃ
মহাকেতুর্ধনুর্ধাতুর্নৈকসানুচরশ্চলঃ
17.115
আবেদনীয় আবেশঃ সর্বগন্ধসুখাবহঃ
তোরণস্তারণো বায়ুঃ পরিধাবতি চৈকতঃ
17.116
সংয়োগো বর্ধনো বৃদ্ধো মহাবৃদ্ধো গণাধিপঃ
নিত্য আত্মসহায়শ্চ দেবাসুরপতিঃ পতিঃ
17.117
যুক্তশ্চ যুক্তবাহুশ্চ দ্বিবিধশ্চ সুপর্বণঃ
আষাঢশ্চ সুষাঢশ্চ ধ্রুবো হরিহণো হরঃ
17.118
বপুরাবর্তমানেভ্যো বসুশ্রেষ্ঠো মহাপথঃ
শিরোহারী বিমর্ষশ্চ সর্বলক্ষণভূষিতঃ
17.119
অক্ষশ্চ রথয়োগী চ সর্বয়োগী মহাবলঃ
সমাম্নায়োঽসমাম্নায়স্তীর্থদেবো মহারথঃ
17.120
নির্জীবো জীবনো মন্ত্রঃ শুভাক্ষো বহুকর্কশঃ
রত্নপ্রভূতো রক্তাঙ্গো মহার্ণবনিপানবিৎ
17.121
মূলো বিশালো হ্যমৃতো ব্যক্তাব্যক্তস্তপোনিধিঃ
আরোহণো নিরোহশ্চ শৈলহারী মহাতপাঃ
17.122
সেনাকল্পো মহাকল্পো যুগায়ুগকরো হরিঃ
যুগরূপো মহারূপঃ পবনো গহনো নগঃ
17.123
ন্যায়নির্বাপণঃ পাদঃ পণ্ডিতো হ্যচলোপমঃ
বহুমালো মহামালঃ সুমালো বহুলোচনঃ
17.124
বিস্তারো লবণঃ কূপঃ কুসুমঃ সফলোদয়ঃ
বৃষভো বৃষভাঙ্কাঙ্গো মণিবিল্বো জটাধরঃ
17.125
ইন্দুর্বিসর্গঃ সুমুখঃ সুরঃ সর্বায়ুধঃ সহঃ
নিবেদনঃ সুধাজাতঃ সুগন্ধারো মহাধনুঃ
17.126
গন্ধমালী চ ভগবানুত্থানঃ সর্বকর্মণাম্
মন্থানো বহুলো বাহুঃ সকলঃ সর্বলোচনঃ
17.127
তরস্তালী করস্তালী ঊর্ধ্বসংহননো বহঃ
ছত্রং সুচ্ছত্রো বিখ্যাতঃ সর্বলোকাশ্রয়ো মহান্
17.128
মুণ্ডো বিরূপো বিকৃতো দণ্ডিমুণ্ডো বিকুর্বণঃ
হর্যক্ষঃ ককুভো বজ্রী দীপ্তজিহ্বঃ সহস্রপাৎ
17.129
সহস্রমূর্ধা দেবেন্দ্রঃ সর্বদেবময়ো গুরুঃ
সহস্রবাহুঃ সর্বাঙ্গঃ শরণ্যঃ সর্বলোককৃৎ
17.130
পবিত্রং ত্রিমধুর্মন্ত্রঃ কনিষ্ঠঃ কৃষ্ণপিঙ্গলঃ
ব্রহ্মদণ্ডবিনির্মাতা শতঘ্নী শতপাশধৃক্
17.131
পদ্মগর্ভো মহাগর্ভো ব্রহ্মগর্ভো জলোদ্ভবঃ
গভস্তির্ব্রহ্মকৃদ্ব্রহ্মা ব্রহ্মবিদ্ব্রাহ্মণো গতিঃ
17.132
অনন্তরূপো নৈকাত্মা তিগ্মতেজাঃ স্বয়ংভুবঃ
ঊর্ধ্বগাত্মা পশুপতির্বাতরংহা মনোজবঃ
17.133
চন্দনী পদ্মমালাগ্র্যঃ সুরভ্যুত্তরণো নরঃ
কর্ণিকারমহাস্রগ্বী নীলমৌলিঃ পিনাকধৃক্
17.134
উমাপতিরুমাকান্তো জাহ্নবীধৃগুমাধবঃ
বরো বরাহো বরদো বরেশঃ সুমহাস্বনঃ
17.135
মহাপ্রসাদো দমনঃ শত্রুহা শ্বেতপিঙ্গলঃ
প্রীতাত্মা প্রয়তাত্মা চ সংয়তাত্মা প্রধানধৃক্
17.136
সর্বপার্শ্বসুতস্তার্ক্ষ্যো ধর্মসাধারণো বরঃ
চরাচরাত্মা সূক্ষ্মাত্মা সুবৃষো গোবৃষেশ্বরঃ
17.137
সাধ্যর্ষির্বসুরাদিত্যো বিবস্বান্সবিতা মৃডঃ
ব্যাসঃ সর্বস্য সংক্ষেপো বিস্তরঃ পর্যয়ো নয়ঃ
17.138
ঋতুঃ সংবত্সরো মাসঃ পক্ষঃ সংখ্যাসমাপনঃ
কলা কাষ্ঠা লবো মাত্রা মুহূর্তোঽহঃ ক্ষপাঃ ক্ষণাঃ
17.139
বিশ্বক্ষেত্রং প্রজাবীজং লিঙ্গমাদ্যস্ত্বনিন্দিতঃ
সদসদ্ব্যক্তমব্যক্তং পিতা মাতা পিতামহঃ
17.140
স্বর্গদ্বারং প্রজাদ্বারং মোক্ষদ্বারং ত্রিবিষ্টপম্
নির্বাণং হ্লাদনং চৈব ব্রহ্মলোকঃ পরা গতিঃ
17.141
দেবাসুরবিনির্মাতা দেবাসুরপরায়ণঃ
দেবাসুরগুরুর্দেবো দেবাসুরনমস্কৃতঃ
17.142
দেবাসুরমহামাত্রো দেবাসুরগণাশ্রয়ঃ
দেবাসুরগণাধ্যক্ষো দেবাসুরগণাগ্রণীঃ
17.143
দেবাতিদেবো দেবর্ষির্দেবাসুরবরপ্রদঃ
দেবাসুরেশ্বরো দেবো দেবাসুরমহেশ্বরঃ
17.144
সর্বদেবময়োঽচিন্ত্যো দেবতাত্মাত্মসংভবঃ
উদ্ভিদস্ত্রিক্রমো বৈদ্যো বিরজো বিরজোম্বরঃ
17.145
ঈড্যো হস্তী সুরব্যাঘ্রো দেবসিংহো নরর্ষভঃ
বিবুধাগ্রবরঃ শ্রেষ্ঠঃ সর্বদেবোত্তমোত্তমঃ
17.146
প্রয়ুক্তঃ শোভনো বজ্র ঈশানঃ প্রভুরব্যয়ঃ
গুরুঃ কান্তো নিজঃ সর্গঃ পবিত্রঃ সর্ববাহনঃ
17.147
শৃঙ্গী শৃঙ্গপ্রিয়ো বভ্রূ রাজরাজো নিরাময়ঃ
অভিরামঃ সুরগণো বিরামঃ সর্বসাধনঃ
17.148
ললাটাক্ষো বিশ্বদেহো হরিণো ব্রহ্মবর্চসঃ
স্থাবরাণাং পতিশ্চৈব নিয়মেন্দ্রিয়বর্ধনঃ
17.149
সিদ্ধার্থঃ সর্বভূতার্থোঽচিন্ত্যঃ সত্যব্রতঃ শুচিঃ
ব্রতাধিপঃ পরং ব্রহ্ম মুক্তানাং পরমা গতিঃ
17.150
বিমুক্তো মুক্ততেজাশ্চ শ্রীমাঞ্শ্রীবর্ধনো জগৎ
যথাপ্রধানং ভগবানিতি ভক্ত্যা স্তুতো ময়া
17.151
যং ন ব্রহ্মাদয়ো দেবা বিদুর্যং ন মহর্ষয়ঃ
তং স্তব্যমর্চ্যং বন্দ্যং চ কঃ স্তোষ্যতি জগত্পতিম্
17.152
ভক্তিমেব পুরস্কৃত্য ময়া যজ্ঞপতির্বসুঃ
ততোঽভ্যনুজ্ঞাং প্রাপ্যৈব স্তুতো মতিমতাং বরঃ
17.153
শিবমেভিঃ স্তুবন্দেবং নামভিঃ পুষ্টিবর্ধনৈঃ
নিত্যয়ুক্তঃ শুচির্ভূত্বা প্রাপ্নোত্যাত্মানমাত্মনা
17.154
এতদ্ধি পরমং ব্রহ্ম স্বয়ং গীতং স্বয়ংভুবা
ঋষয়শ্চৈব দেবাশ্চ স্তুবন্ত্যেতেন তত্পরম্
17.155
স্তূয়মানো মহাদেবঃ প্রীয়তে চাত্মনামভিঃ
ভক্তানুকম্পী ভগবানাত্মসংস্থান্করোতি তান্
17.156
তথৈব চ মনুষ্যেষু যে মনুষ্যাঃ প্রধানতঃ
আস্তিকাঃ শ্রদ্দধানাশ্চ বহুভির্জন্মভিঃ স্তবৈঃ
17.157
জাগ্রতশ্চ স্বপন্তশ্চ ব্রজন্তঃ পথি সংস্থিতাঃ
স্তুবন্তি স্তূয়মানাশ্চ তুষ্যন্তি চ রমন্তি চ
জন্মকোটিসহস্রেষু নানাসংসারয়োনিষু
17.158
জন্তোর্বিশুদ্ধপাপস্য ভবে ভক্তিঃ প্রজায়তে
উত্পন্না চ ভবে ভক্তিরনন্যা সর্বভাবতঃ
17.159
কারণং ভাবিতং তস্য সর্বমুক্তস্য সর্বতঃ
এতদ্দেবেষু দুষ্প্রাপং মনুষ্যেষু ন লভ্যতে
17.160
নির্বিঘ্না নিশ্চলা রুদ্রে ভক্তিরব্যভিচারিণী
তস্যৈব চ প্রসাদেন ভক্তিরুত্পদ্যতে নৃণাম্
যয়া যান্তি পরাং সিদ্ধিং তদ্ভাবগতচেতসঃ
17.161
যে সর্বভাবোপগতাঃ পরত্বেনাভবন্নরাঃ
প্রপন্নবত্সলো দেবঃ সংসারাত্তান্সমুদ্ধরেৎ
17.162
এবমন্যে ন কুর্বন্তি দেবাঃ সংসারমোচনম্
মনুষ্যাণাং মহাদেবাদন্যত্রাপি তপোবলাৎ
17.163
ইতি তেনেন্দ্রকল্পেন ভগবান্সদসত্পতিঃ
কৃত্তিবাসাঃ স্তুতঃ কৃষ্ণ তণ্ডিনা শুদ্ধবুদ্ধিনা
17.164
স্তবমেতং ভগবতো ব্রহ্মা স্বয়মধারয়ৎ
ব্রহ্মা প্রোবাচ শক্রায় শক্রঃ প্রোবাচ মৃত্যবে
17.165
মৃত্যুঃ প্রোবাচ রুদ্রাণাং রুদ্রেভ্যস্তণ্ডিমাগমৎ
মহতা তপসা প্রাপ্তস্তণ্ডিনা ব্রহ্মসদ্মনি
17.166
তণ্ডিঃ প্রোবাচ শুক্রায় গৌতমায়াহ ভার্গবঃ
বৈবস্বতায় মনবে গৌতমঃ প্রাহ মাধব
17.167
নারায়ণায় সাধ্যায় মনুরিষ্টায় ধীমতে
যমায় প্রাহ ভগবান্সাধ্যো নারায়ণোঽচ্যুতঃ
17.168
নাচিকেতায় ভগবানাহ বৈবস্বতো যমঃ
মার্কণ্ডেয়ায় বার্ষ্ণেয় নাচিকেতোঽভ্যভাষত
17.169
মার্কণ্ডেয়ান্ময়া প্রাপ্তং নিয়মেন জনার্দন
তবাপ্যহমমিত্রঘ্ন স্তবং দদ্ম্যদ্য বিশ্রুতম্
স্বর্গ্যমারোগ্যমায়ুষ্যং ধন্যং বল্যং তথৈব চ
17.170
ন তস্য বিঘ্নং কুর্বন্তি দানবা যক্ষরাক্ষসাঃ
পিশাচা যাতুধানাশ্চ গুহ্যকা ভুজগা অপি
17.171
যঃ পঠেত শুচির্ভূত্বা ব্রহ্মচারী জিতেন্দ্রিয়ঃ
অভগ্নয়োগো বর্ষং তু সোঽশ্বমেধফলং লভেৎ