UtshovChapter 17
17.1
वासुदेव उवाच
ततः स प्रयतो भूत्वा मम तात युधिष्ठिर
प्राञ्जलिः प्राह विप्रर्षिर्नामसंहारमादितः
Vasudeva uvacha
Tatah sa prayato bhutva mama tata yudhishthira
Pranjalih praha viprarshirnamasanharamaditah
17.2
उपमन्युरुवाच
ब्रह्मप्रोक्तैरृषिप्रोक्तैर्वेदवेदाङ्गसंभवैः
सर्वलोकेषु विख्यातैः स्थाणुं स्तोष्यामि नामभिः
Upamanyuruvacha
Brahmaproktairrishiproktairvedavedangasambhavaih
Sarvalokeshu vikhyataih sthanum stoshyami namabhih
17.3
महद्भिर्विहितैः सत्यैः सिद्धैः सर्वार्थसाधकैः
ऋषिणा तण्डिना भक्त्या कृतैर्देवकृतात्मना
Mahadbhirvihitaih satyaih siddhaih sarvarthasadhakaih
Rishina tandina bhaktya kritairdevakritatmana
17.4
यथोक्तैर्लोकविख्यातैर्मुनिभिस्तत्त्वदर्शिभिः
प्रवरं प्रथमं स्वर्ग्यं सर्वभूतहितं शुभम्
श्रुतैः सर्वत्र जगति ब्रह्मलोकावतारितैः
Yathoktairlokavikhyatairmunibhistattvadarshibhih
Pravaram prathamam svargyam sarvabhutahitam shubham
Shrutaih sarvatra jagati brahmalokavataritaih
17.5
यत्तद्रहस्यं परमं ब्रह्मप्रोक्तं सनातनम्
वक्ष्ये यदुकुलश्रेष्ठ शृणुष्वावहितो मम
Yattadrahasyam paramam brahmaproktam sanatanam
Vakshye yadukulashreshtha shrinushvavahito mama
17.6
परत्वेन भवं देवं भक्तस्त्वं परमेश्वरम्
तेन ते श्रावयिष्यामि यत्तद्ब्रह्म सनातनम्
Paratvena bhavam devam bhaktastvam parameshvaram
Tena te shravayishyami yattadbrahma sanatanam
17.7
न शक्यं विस्तरात्कृत्स्नं वक्तुं शर्वस्य केनचित्
युक्तेनापि विभूतीनामपि वर्षशतैरपि
Na shakyam vistaratkritsnam vaktum sharvasya kenachit
Yuktenapi vibhutinamapi varshashatairapi
17.8
यस्यादिर्मध्यमन्तश्च सुरैरपि न गम्यते
कस्तस्य शक्नुयाद्वक्तुं गुणान्कार्त्स्न्येन माधव
Yasyadirmadhyamantashcha surairapi na gamyate
Kastasya shaknuyadvaktum gunankartsnyena madhava
17.9
किं तु देवस्य महतः संक्षिप्तार्थपदाक्षरम्
शक्तितश्चरितं वक्ष्ये प्रसादात्तस्य चैव हि
Kim tu devasya mahatah sankshiptarthapadaksharam
Shaktitashcharitam vakshye prasadattasya chaiva hi
17.10
अप्राप्येह ततोऽनुज्ञां न शक्यः स्तोतुमीश्वरः
यदा तेनाभ्यनुज्ञातः स्तुवत्येव सदा भवम्
Aprapyeha tatonugyam na shakyah stotumishvarah
Yada tenabhyanugyatah stuvatyeva sada bhavam
17.11
अनादिनिधनस्याहं सर्वयोनेर्महात्मनः
नाम्नां कंचित्समुद्देशं वक्ष्ये ह्यव्यक्तयोनिनः
Anadinidhanasyaham sarvayonermahatmanah
Namnam kanchitsamuddesham vakshye hyavyaktayoninah
17.12
वरदस्य वरेण्यस्य विश्वरूपस्य धीमतः
शृणु नामसमुद्देशं यदुक्तं पद्मयोनिना
Varadasya varenyasya vishvarupasya dhimatah
Shrinu namasamuddesham yaduktam padmayonina
17.13
दश नामसहस्राणि यान्याह प्रपितामहः
तानि निर्मथ्य मनसा दध्नो घृतमिवोद्धृतम्
Dasha namasahasrani yanyaha prapitamahah
Tani nirmathya manasa dadhno ghritamivoddhritam
17.14
गिरेः सारं यथा हेम पुष्पात्सारं यथा मधु
घृतात्सारं यथा मण्डस्तथैतत्सारमुद्धृतम्
Gireh saram yatha hema pushpatsaram yatha madhu
Ghritatsaram yatha mandastathaitatsaramuddhritam
17.15
सर्वपाप्मापहमिदं चतुर्वेदसमन्वितम्
प्रयत्नेनाधिगन्तव्यं धार्यं च प्रयतात्मना
शान्तिकं पौष्टिकं चैव रक्षोघ्नं पावनं महत्
Sarvapapmapahamidam chaturvedasamanvitam
Prayatnenadhigantavyam dharyam cha prayatatmana
Shantikam paushtikam chaiva rakshoghnam pavanam mahat
17.16
इदं भक्ताय दातव्यं श्रद्दधानास्तिकाय च
नाश्रद्दधानरूपाय नास्तिकायाजितात्मने
Idam bhaktaya datavyam shraddadhanastikaya cha
Nashraddadhanarupaya nastikayajitatmane
17.17
यश्चाभ्यसूयते देवं भूतात्मानं पिनाकिनम्
स कृष्ण नरकं याति सह पूर्वैः सहानुगैः
Yashchabhyasuyate devam bhutatmanam pinakinam
Sa krishna narakam yati saha purvaih sahanugaih
17.18
इदं ध्यानमिदं योगमिदं ध्येयमनुत्तमम्
इदं जप्यमिदं ज्ञानं रहस्यमिदमुत्तमम्
इदं ज्ञात्वान्तकालेऽपि गच्छेद्धि परमां गतिम्
Idam dhyanamidam yogamidam dhyeyamanuttamam
Idam japyamidam gyanam rahasyamidamuttamam
Idam gyatvantakalepi gachchheddhi paramam gatim
17.19
पवित्रं मङ्गलं पुण्यं कल्याणमिदमुत्तमम्
निगदिष्ये महाबाहो स्तवानामुत्तमं स्तवम्
Pavitram mangalam punyam kalyanamidamuttamam
Nigadishye mahabaho stavanamuttamam stavam
17.20
इदं ब्रह्मा पुरा कृत्वा सर्वलोकपितामहः
सर्वस्तवानां दिव्यानां राजत्वे समकल्पयत्
Idam brahma pura kritva sarvalokapitamahah
Sarvastavanam divyanam rajatve samakalpayat
17.21
तदाप्रभृति चैवायमीश्वरस्य महात्मनः
स्तवराजेति विख्यातो जगत्यमरपूजितः
ब्रह्मलोकादयं चैव स्तवराजोऽवतारितः
Tadaprabhriti chaivayamishvarasya mahatmanah
Stavarajeti vikhyato jagatyamarapujitah
Brahmalokadayam chaiva stavarajovataritah
17.22
यस्मात्तण्डिः पुरा प्राह तेन तण्डिकृतोऽभवत्
स्वर्गाच्चैवात्र भूलोकं तण्डिना ह्यवतारितः
Yasmattandih pura praha tena tandikritobhavat
Svargachchaivatra bhulokam tandina hyavataritah
17.23
सर्वमङ्गलमङ्गल्यं सर्वपापप्रणाशनम्
निगदिष्ये महाबाहो स्तवानामुत्तमं स्तवम्
Sarvamangalamangalyam sarvapapapranashanam
Nigadishye mahabaho stavanamuttamam stavam
17.24
ब्रह्मणामपि यद्ब्रह्म पराणामपि यत्परम्
तेजसामपि यत्तेजस्तपसामपि यत्तपः
Brahmanamapi yadbrahma paranamapi yatparam
Tejasamapi yattejastapasamapi yattapah
17.25
शान्तीनामपि या शान्तिर्द्युतीनामपि या द्युतिः
दान्तानामपि यो दान्तो धीमतामपि या च धीः
Shantinamapi ya shantirdyutinamapi ya dyutih
Dantanamapi yo danto dhimatamapi ya cha dhih
17.26
देवानामपि यो देवो मुनीनामपि यो मुनिः
यज्ञानामपि यो यज्ञः शिवानामपि यः शिवः
Devanamapi yo devo muninamapi yo munih
Yagyanamapi yo yagyah shivanamapi yah shivah
17.27
रुद्राणामपि यो रुद्रः प्रभुः प्रभवतामपि
योगिनामपि यो योगी कारणानां च कारणम्
Rudranamapi yo rudrah prabhuh prabhavatamapi
Yoginamapi yo yogi karananam cha karanam
17.28
यतो लोकाः संभवन्ति न भवन्ति यतः पुनः
सर्वभूतात्मभूतस्य हरस्यामिततेजसः
Yato lokah sambhavanti na bhavanti yatah punah
Sarvabhutatmabhutasya harasyamitatejasah
17.29
अष्टोत्तरसहस्रं तु नाम्नां शर्वस्य मे शृणु
यच्छ्रुत्वा मनुजश्रेष्ठ सर्वान्कामानवाप्स्यसि
Ashtottarasahasram tu namnam sharvasya me shrinu
Yachchhrutva manujashreshtha sarvankamanavapsyasi
17.30
स्थिरः स्थाणुः प्रभुर्भानुः प्रवरो वरदो वरः
सर्वात्मा सर्वविख्यातः सर्वः सर्वकरो भवः
Sthirah sthanuh prabhurbhanuh pravaro varado varah
Sarvatma sarvavikhyatah sarvah sarvakaro bhavah
17.31
जटी चर्मी शिखण्डी च सर्वाङ्गः सर्वभावनः
हरिश्च हरिणाक्षश्च सर्वभूतहरः प्रभुः
Jati charmi shikhandi cha sarvangah sarvabhavanah
Harishcha harinakshashcha sarvabhutaharah prabhuh
17.32
प्रवृत्तिश्च निवृत्तिश्च नियतः शाश्वतो ध्रुवः
श्मशानचारी भगवान्खचरो गोचरोऽर्दनः
Pravrittishcha nivrittishcha niyatah shashvato dhruvah
Shmashanachari bhagavankhacharo gocharordanah
17.33
अभिवाद्यो महाकर्मा तपस्वी भूतभावनः
उन्मत्तवेशप्रच्छन्नः सर्वलोकप्रजापतिः
Abhivadyo mahakarma tapasvi bhutabhavanah
Unmattaveshaprachchhannah sarvalokaprajapatih
17.34
महारूपो महाकायः सर्वरूपो महायशाः
महात्मा सर्वभूतश्च विरूपो वामनो मनुः
Maharupo mahakayah sarvarupo mahayashah
Mahatma sarvabhutashcha virupo vamano manuh
17.35
लोकपालोऽन्तर्हितात्मा प्रसादो हयगर्दभिः
पवित्रश्च महांश्चैव नियमो नियमाश्रयः
Lokapalontarhitatma prasado hayagardabhih
Pavitrashcha mahanshchaiva niyamo niyamashrayah
17.36
सर्वकर्मा स्वयंभूश्च आदिरादिकरो निधिः
सहस्राक्षो विरूपाक्षः सोमो नक्षत्रसाधकः
Sarvakarma svayambhushcha adiradikaro nidhih
Sahasraksho virupakshah somo nakshatrasadhakah
17.37
चन्द्रसूर्यगतिः केतुर्ग्रहो ग्रहपतिर्वरः
अद्रिरद्र्यालयः कर्ता मृगबाणार्पणोऽनघः
Chandrasuryagatih keturgraho grahapatirvarah
Adriradryalayah karta mrigabanarpanonaghah
17.38
महातपा घोरतपा अदीनो दीनसाधकः
संवत्सरकरो मन्त्रः प्रमाणं परमं तपः
Mahatapa ghoratapa adino dinasadhakah
Sanvatsarakaro mantrah pramanam paramam tapah
17.39
योगी योज्यो महाबीजो महारेता महातपाः
सुवर्णरेताः सर्वज्ञः सुबीजो वृषवाहनः
Yogi yojyo mahabijo mahareta mahatapah
Suvarnaretah sarvagyah subijo vrishavahanah
17.40
दशबाहुस्त्वनिमिषो नीलकण्ठ उमापतिः
विश्वरूपः स्वयंश्रेष्ठो बलवीरो बलो गणः
Dashabahustvanimisho nilakantha umapatih
Vishvarupah svayanshreshtho balaviro balo ganah
17.41
गणकर्ता गणपतिर्दिग्वासाः काम्य एव च
पवित्रं परमं मन्त्रः सर्वभावकरो हरः
Ganakarta ganapatirdigvasah kamya eva cha
Pavitram paramam mantrah sarvabhavakaro harah
17.42
कमण्डलुधरो धन्वी बाणहस्तः कपालवान्
अशनी शतघ्नी खड्गी पट्टिशी चायुधी महान्
Kamandaludharo dhanvi banahastah kapalavan
Ashani shataghni khadgi pattishi chayudhi mahan
17.43
स्रुवहस्तः सुरूपश्च तेजस्तेजस्करो निधिः
उष्णीषी च सुवक्त्रश्च उदग्रो विनतस्तथा
Sruvahastah surupashcha tejastejaskaro nidhih
Ushnishi cha suvaktrashcha udagro vinatastatha
17.44
दीर्घश्च हरिकेशश्च सुतीर्थः कृष्ण एव च
सृगालरूपः सर्वार्थो मुण्डः कुण्डी कमण्डलुः
Dirghashcha harikeshashcha sutirthah krishna eva cha
Srigalarupah sarvartho mundah kundi kamandaluh
17.45
अजश्च मृगरूपश्च गन्धधारी कपर्द्यपि
ऊर्ध्वरेता ऊर्ध्वलिङ्ग ऊर्ध्वशायी नभस्तलः
Ajashcha mrigarupashcha gandhadhari kapardyapi
Urdhvareta urdhvalinga urdhvashayi nabhastalah
17.46
त्रिजटश्चीरवासाश्च रुद्रः सेनापतिर्विभुः
अहश्चरोऽथ नक्तं च तिग्ममन्युः सुवर्चसः
Trijatashchiravasashcha rudrah senapatirvibhuh
Ahashcharotha naktam cha tigmamanyuh suvarchasah
17.47
गजहा दैत्यहा लोको लोकधाता गुणाकरः
सिंहशार्दूलरूपश्च आर्द्रचर्माम्बरावृतः
Gajaha daityaha loko lokadhata gunakarah
Sinhashardularupashcha ardracharmambaravritah
17.48
कालयोगी महानादः सर्ववासश्चतुष्पथः
निशाचरः प्रेतचारी भूतचारी महेश्वरः
Kalayogi mahanadah sarvavasashchatushpathah
Nishacharah pretachari bhutachari maheshvarah
17.49
बहुभूतो बहुधनः सर्वाधारोऽमितो गतिः
नृत्यप्रियो नित्यनर्तो नर्तकः सर्वलासकः
Bahubhuto bahudhanah sarvadharomito gatih
Nrityapriyo nityanarto nartakah sarvalasakah
17.50
घोरो महातपाः पाशो नित्यो गिरिचरो नभः
सहस्रहस्तो विजयो व्यवसायो ह्यनिन्दितः
Ghoro mahatapah pasho nityo giricharo nabhah
Sahasrahasto vijayo vyavasayo hyaninditah
17.51
अमर्षणो मर्षणात्मा यज्ञहा कामनाशनः
दक्षयज्ञापहारी च सुसहो मध्यमस्तथा
Amarshano marshanatma yagyaha kamanashanah
Dakshayagyapahari cha susaho madhyamastatha
17.52
तेजोपहारी बलहा मुदितोऽर्थो जितो वरः
गम्भीरघोषो गम्भीरो गम्भीरबलवाहनः
Tejopahari balaha muditortho jito varah
Gambhiraghosho gambhiro gambhirabalavahanah
17.53
न्यग्रोधरूपो न्यग्रोधो वृक्षकर्णस्थितिर्विभुः
तीक्ष्णतापश्च हर्यश्वः सहायः कर्मकालवित्
Nyagrodharupo nyagrodho vrikshakarnasthitirvibhuh
Tikshnatapashcha haryashvah sahayah karmakalavit
17.54
विष्णुप्रसादितो यज्ञः समुद्रो वडवामुखः
हुताशनसहायश्च प्रशान्तात्मा हुताशनः
Vishnuprasadito yagyah samudro vadavamukhah
Hutashanasahayashcha prashantatma hutashanah
17.55
उग्रतेजा महातेजा जयो विजयकालवित्
ज्योतिषामयनं सिद्धिः संधिर्विग्रह एव च
Ugrateja mahateja jayo vijayakalavit
Jyotishamayanam siddhih sandhirvigraha eva cha
17.56
शिखी दण्डी जटी ज्वाली मूर्तिजो मूर्धगो बली
वैणवी पणवी ताली कालः कालकटंकटः
Shikhi dandi jati jvali murtijo murdhago bali
Vainavi panavi tali kalah kalakatankatah
17.57
नक्षत्रविग्रहविधिर्गुणवृद्धिर्लयोऽगमः
प्रजापतिर्दिशाबाहुर्विभागः सर्वतोमुखः
Nakshatravigrahavidhirgunavriddhirlayogamah
Prajapatirdishabahurvibhagah sarvatomukhah
17.58
विमोचनः सुरगणो हिरण्यकवचोद्भवः
मेढ्रजो बलचारी च महाचारी स्तुतस्तथा
Vimochanah suragano hiranyakavachodbhavah
Medhrajo balachari cha mahachari stutastatha
17.59
सर्वतूर्यनिनादी च सर्ववाद्यपरिग्रहः
व्यालरूपो बिलावासी हेममाली तरंगवित्
Sarvaturyaninadi cha sarvavadyaparigrahah
Vyalarupo bilavasi hemamali tarangavit
17.60
त्रिदशस्त्रिकालधृक्कर्मसर्वबन्धविमोचनः
बन्धनस्त्वसुरेन्द्राणां युधि शत्रुविनाशनः
Tridashastrikaladhrikkarmasarvabandhavimochanah
Bandhanastvasurendranam yudhi shatruvinashanah
17.61
सांख्यप्रसादो दुर्वासाः सर्वसाधुनिषेवितः
प्रस्कन्दनो विभागश्च अतुल्यो यज्ञभागवित्
Sankhyaprasado durvasah sarvasadhunishevitah
Praskandano vibhagashcha atulyo yagyabhagavit
17.62
सर्वावासः सर्वचारी दुर्वासा वासवोऽमरः
हेमो हेमकरो यज्ञः सर्वधारी धरोत्तमः
Sarvavasah sarvachari durvasa vasavomarah
Hemo hemakaro yagyah sarvadhari dharottamah
17.63
लोहिताक्षो महाक्षश्च विजयाक्षो विशारदः
संग्रहो निग्रहः कर्ता सर्पचीरनिवासनः
Lohitaksho mahakshashcha vijayaksho visharadah
Sangraho nigrahah karta sarpachiranivasanah
17.64
मुख्योऽमुख्यश्च देहश्च देहर्द्धिः सर्वकामदः
सर्वकालप्रसादश्च सुबलो बलरूपधृक्
Mukhyomukhyashcha dehashcha deharddhih sarvakamadah
Sarvakalaprasadashcha subalo balarupadhrik
17.65
आकाशनिधिरूपश्च निपाती उरगः खगः
रौद्ररूपोंऽशुरादित्यो वसुरश्मिः सुवर्चसी
Akashanidhirupashcha nipati uragah khagah
Raudraruponshuradityo vasurashmih suvarchasi
17.66
वसुवेगो महावेगो मनोवेगो निशाचरः
सर्वावासी श्रियावासी उपदेशकरो हरः
Vasuvego mahavego manovego nishacharah
Sarvavasi shriyavasi upadeshakaro harah
17.67
मुनिरात्मपतिर्लोके संभोज्यश्च सहस्रदः
पक्षी च पक्षिरूपी च अतिदीप्तो विशां पतिः
Muniratmapatirloke sambhojyashcha sahasradah
Pakshi cha pakshirupi cha atidipto visham patih
17.68
उन्मादो मदनाकारो अर्थार्थकररोमशः
वामदेवश्च वामश्च प्राग्दक्षिण्यश्च वामनः
Unmado madanakaro artharthakararomashah
Vamadevashcha vamashcha pragdakshinyashcha vamanah
17.69
सिद्धयोगापहारी च सिद्धः सर्वार्थसाधकः
भिक्षुश्च भिक्षुरूपश्च विषाणी मृदुरव्ययः
Siddhayogapahari cha siddhah sarvarthasadhakah
Bhikshushcha bhikshurupashcha vishani mriduravyayah
17.70
महासेनो विशाखश्च षष्टिभागो गवां पतिः
वज्रहस्तश्च विष्कम्भी चमूस्तम्भन एव च
Mahaseno vishakhashcha shashtibhago gavam patih
Vajrahastashcha vishkambhi chamustambhana eva cha
17.71
ऋतुरृतुकरः कालो मधुर्मधुकरोऽचलः
वानस्पत्यो वाजसेनो नित्यमाश्रमपूजितः
Riturritukarah kalo madhurmadhukarochalah
Vanaspatyo vajaseno nityamashramapujitah
17.72
ब्रह्मचारी लोकचारी सर्वचारी सुचारवित्
ईशान ईश्वरः कालो निशाचारी पिनाकधृक्
Brahmachari lokachari sarvachari sucharavit
Ishana ishvarah kalo nishachari pinakadhrik
17.73
नन्दीश्वरश्च नन्दी च नन्दनो नन्दिवर्धनः
भगस्याक्षिनिहन्ता च कालो ब्रह्मविदां वरः
Nandishvarashcha nandi cha nandano nandivardhanah
Bhagasyakshinihanta cha kalo brahmavidam varah
17.74
चतुर्मुखो महालिङ्गश्चारुलिङ्गस्तथैव च
लिङ्गाध्यक्षः सुराध्यक्षो लोकाध्यक्षो युगावहः
Chaturmukho mahalingashcharulingastathaiva cha
Lingadhyakshah suradhyaksho lokadhyaksho yugavahah
17.75
बीजाध्यक्षो बीजकर्ता अध्यात्मानुगतो बलः
इतिहासकरः कल्पो गौतमोऽथ जलेश्वरः
Bijadhyaksho bijakarta adhyatmanugato balah
Itihasakarah kalpo gautamotha jaleshvarah
17.76
दम्भो ह्यदम्भो वैदम्भो वश्यो वश्यकरः कविः
लोककर्ता पशुपतिर्महाकर्ता महौषधिः
Dambho hyadambho vaidambho vashyo vashyakarah kavih
Lokakarta pashupatirmahakarta mahaushadhih
17.77
अक्षरं परमं ब्रह्म बलवाञ्शक्र एव च
नीतिर्ह्यनीतिः शुद्धात्मा शुद्धो मान्यो मनोगतिः
Aksharam paramam brahma balavanshakra eva cha
Nitirhyanitih shuddhatma shuddho manyo manogatih
17.78
बहुप्रसादः स्वपनो दर्पणोऽथ त्वमित्रजित्
वेदकारः सूत्रकारो विद्वान्समरमर्दनः
Bahuprasadah svapano darpanotha tvamitrajit
Vedakarah sutrakaro vidvansamaramardanah
17.79
महामेघनिवासी च महाघोरो वशीकरः
अग्निज्वालो महाज्वालो अतिधूम्रो हुतो हविः
Mahameghanivasi cha mahaghoro vashikarah
Agnijvalo mahajvalo atidhumro huto havih
17.80
वृषणः शंकरो नित्यो वर्चस्वी धूमकेतनः
नीलस्तथाङ्गलुब्धश्च शोभनो निरवग्रहः
Vrishanah shankaro nityo varchasvi dhumaketanah
Nilastathangalubdhashcha shobhano niravagrahah
17.81
स्वस्तिदः स्वस्तिभावश्च भागी भागकरो लघुः
उत्सङ्गश्च महाङ्गश्च महागर्भः परो युवा
Svastidah svastibhavashcha bhagi bhagakaro laghuh
Utsangashcha mahangashcha mahagarbhah paro yuva
17.82
कृष्णवर्णः सुवर्णश्च इन्द्रियः सर्वदेहिनाम्
महापादो महाहस्तो महाकायो महायशाः
Krishnavarnah suvarnashcha indriyah sarvadehinam
Mahapado mahahasto mahakayo mahayashah
17.83
महामूर्धा महामात्रो महानेत्रो दिगालयः
महादन्तो महाकर्णो महामेढ्रो महाहनुः
Mahamurdha mahamatro mahanetro digalayah
Mahadanto mahakarno mahamedhro mahahanuh
17.84
महानासो महाकम्बुर्महाग्रीवः श्मशानधृक्
महावक्षा महोरस्को अन्तरात्मा मृगालयः
Mahanaso mahakamburmahagrivah shmashanadhrik
Mahavaksha mahorasko antaratma mrigalayah
17.85
लम्बनो लम्बितोष्ठश्च महामायः पयोनिधिः
महादन्तो महादंष्ट्रो महाजिह्वो महामुखः
Lambano lambitoshthashcha mahamayah payonidhih
Mahadanto mahadanshtro mahajihvo mahamukhah
17.86
महानखो महारोमा महाकेशो महाजटः
असपत्नः प्रसादश्च प्रत्ययो गिरिसाधनः
Mahanakho maharoma mahakesho mahajatah
Asapatnah prasadashcha pratyayo girisadhanah
17.87
स्नेहनोऽस्नेहनश्चैव अजितश्च महामुनिः
वृक्षाकारो वृक्षकेतुरनलो वायुवाहनः
Snehanosnehanashchaiva ajitashcha mahamunih
Vrikshakaro vrikshaketuranalo vayuvahanah
17.88
मण्डली मेरुधामा च देवदानवदर्पहा
अथर्वशीर्षः सामास्य ऋक्सहस्रामितेक्षणः
Mandali merudhama cha devadanavadarpaha
Atharvashirshah samasya riksahasramitekshanah
17.89
यजुःपादभुजो गुह्यः प्रकाशो जङ्गमस्तथा
अमोघार्थः प्रसादश्च अभिगम्यः सुदर्शनः
Yajuhpadabhujo guhyah prakasho jangamastatha
Amogharthah prasadashcha abhigamyah sudarshanah
17.90
उपहारप्रियः शर्वः कनकः काञ्चनः स्थिरः
नाभिर्नन्दिकरो भाव्यः पुष्करस्थपतिः स्थिरः
Upaharapriyah sharvah kanakah kanchanah sthirah
Nabhirnandikaro bhavyah pushkarasthapatih sthirah
17.91
द्वादशस्त्रासनश्चाद्यो यज्ञो यज्ञसमाहितः
नक्तं कलिश्च कालश्च मकरः कालपूजितः
Dvadashastrasanashchadyo yagyo yagyasamahitah
Naktam kalishcha kalashcha makarah kalapujitah
17.92
सगणो गणकारश्च भूतभावनसारथिः
भस्मशायी भस्मगोप्ता भस्मभूतस्तरुर्गणः
Sagano ganakarashcha bhutabhavanasarathih
Bhasmashayi bhasmagopta bhasmabhutastarurganah
17.93
अगणश्चैव लोपश्च महात्मा सर्वपूजितः
शङ्कुस्त्रिशङ्कुः संपन्नः शुचिर्भूतनिषेवितः
Aganashchaiva lopashcha mahatma sarvapujitah
Shankustrishankuh sampannah shuchirbhutanishevitah
17.94
आश्रमस्थः कपोतस्थो विश्वकर्मा पतिर्वरः
शाखो विशाखस्ताम्रोष्ठो ह्यम्बुजालः सुनिश्चयः
Ashramasthah kapotastho vishvakarma patirvarah
Shakho vishakhastamroshtho hyambujalah sunishchayah
17.95
कपिलोऽकपिलः शूर आयुश्चैव परोऽपरः
गन्धर्वो ह्यदितिस्तार्क्ष्यः सुविज्ञेयः सुसारथिः
Kapilokapilah shura ayushchaiva paroparah
Gandharvo hyaditistarkshyah suvigyeyah susarathih
17.96
परश्वधायुधो देव अर्थकारी सुबान्धवः
तुम्बवीणी महाकोप ऊर्ध्वरेता जलेशयः
Parashvadhayudho deva arthakari subandhavah
Tumbavini mahakopa urdhvareta jaleshayah
17.97
उग्रो वंशकरो वंशो वंशनादो ह्यनिन्दितः
सर्वाङ्गरूपो मायावी सुहृदो ह्यनिलोऽनलः
Ugro vanshakaro vansho vanshanado hyaninditah
Sarvangarupo mayavi suhrido hyanilonalah
17.98
बन्धनो बन्धकर्ता च सुबन्धनविमोचनः
स यज्ञारिः स कामारिर्महादंष्ट्रो महायुधः
Bandhano bandhakarta cha subandhanavimochanah
Sa yagyarih sa kamarirmahadanshtro mahayudhah
17.99
बाहुस्त्वनिन्दितः शर्वः शंकरः शंकरोऽधनः
अमरेशो महादेवो विश्वदेवः सुरारिहा
Bahustvaninditah sharvah shankarah shankarodhanah
Amaresho mahadevo vishvadevah surariha
17.100
अहिर्बुध्नो निरृतिश्च चेकितानो हरिस्तथा
अजैकपाच्च कापाली त्रिशङ्कुरजितः शिवः
Ahirbudhno nirritishcha chekitano haristatha
Ajaikapachcha kapali trishankurajitah shivah
17.101
धन्वन्तरिर्धूमकेतुः स्कन्दो वैश्रवणस्तथा
धाता शक्रश्च विष्णुश्च मित्रस्त्वष्टा ध्रुवो धरः
Dhanvantarirdhumaketuh skando vaishravanastatha
Dhata shakrashcha vishnushcha mitrastvashta dhruvo dharah
17.102
प्रभावः सर्वगो वायुरर्यमा सविता रविः
उदग्रश्च विधाता च मान्धाता भूतभावनः
Prabhavah sarvago vayuraryama savita ravih
Udagrashcha vidhata cha mandhata bhutabhavanah
17.103
रतितीर्थश्च वाग्मी च सर्वकामगुणावहः
पद्मगर्भो महागर्भश्चन्द्रवक्त्रो मनोरमः
Ratitirthashcha vagmi cha sarvakamagunavahah
Padmagarbho mahagarbhashchandravaktro manoramah
17.104
बलवांश्चोपशान्तश्च पुराणः पुण्यचञ्चुरी
कुरुकर्ता कालरूपी कुरुभूतो महेश्वरः
Balavanshchopashantashcha puranah punyachanchuri
Kurukarta kalarupi kurubhuto maheshvarah
17.105
सर्वाशयो दर्भशायी सर्वेषां प्राणिनां पतिः
देवदेवमुखोऽसक्तः सदसत्सर्वरत्नवित्
Sarvashayo darbhashayi sarvesham praninam patih
Devadevamukhosaktah sadasatsarvaratnavit
17.106
कैलासशिखरावासी हिमवद्गिरिसंश्रयः
कूलहारी कूलकर्ता बहुविद्यो बहुप्रदः
Kailasashikharavasi himavadgirisanshrayah
Kulahari kulakarta bahuvidyo bahupradah
17.107
वणिजो वर्धनो वृक्षो नकुलश्चन्दनश्छदः
सारग्रीवो महाजत्रुरलोलश्च महौषधः
Vanijo vardhano vriksho nakulashchandanashchhadah
Saragrivo mahajatruralolashcha mahaushadhah
17.108
सिद्धार्थकारी सिद्धार्थश्छन्दोव्याकरणोत्तरः
सिंहनादः सिंहदंष्ट्रः सिंहगः सिंहवाहनः
Siddharthakari siddharthashchhandovyakaranottarah
Sinhanadah sinhadanshtrah sinhagah sinhavahanah
17.109
प्रभावात्मा जगत्कालस्तालो लोकहितस्तरुः
सारङ्गो नवचक्राङ्गः केतुमाली सभावनः
Prabhavatma jagatkalastalo lokahitastaruh
Sarango navachakrangah ketumali sabhavanah
17.110
भूतालयो भूतपतिरहोरात्रमनिन्दितः
वाहिता सर्वभूतानां निलयश्च विभुर्भवः
Bhutalayo bhutapatirahoratramaninditah
Vahita sarvabhutanam nilayashcha vibhurbhavah
17.111
अमोघः संयतो ह्यश्वो भोजनः प्राणधारणः
धृतिमान्मतिमान्दक्षः सत्कृतश्च युगाधिपः
Amoghah sanyato hyashvo bhojanah pranadharanah
Dhritimanmatimandakshah satkritashcha yugadhipah
17.112
गोपालिर्गोपतिर्ग्रामो गोचर्मवसनो हरः
हिरण्यबाहुश्च तथा गुहापालः प्रवेशिनाम्
Gopalirgopatirgramo gocharmavasano harah
Hiranyabahushcha tatha guhapalah praveshinam
17.113
प्रतिष्ठायी महाहर्षो जितकामो जितेन्द्रियः
गन्धारश्च सुरालश्च तपःकर्मरतिर्धनुः
Pratishthayi mahaharsho jitakamo jitendriyah
Gandharashcha suralashcha tapahkarmaratirdhanuh
17.114
महागीतो महानृत्तो ह्यप्सरोगणसेवितः
महाकेतुर्धनुर्धातुर्नैकसानुचरश्चलः
Mahagito mahanritto hyapsaroganasevitah
Mahaketurdhanurdhaturnaikasanucharashchalah
17.115
आवेदनीय आवेशः सर्वगन्धसुखावहः
तोरणस्तारणो वायुः परिधावति चैकतः
Avedaniya aveshah sarvagandhasukhavahah
Toranastarano vayuh paridhavati chaikatah
17.116
संयोगो वर्धनो वृद्धो महावृद्धो गणाधिपः
नित्य आत्मसहायश्च देवासुरपतिः पतिः
Sanyogo vardhano vriddho mahavriddho ganadhipah
Nitya atmasahayashcha devasurapatih patih
17.117
युक्तश्च युक्तबाहुश्च द्विविधश्च सुपर्वणः
आषाढश्च सुषाढश्च ध्रुवो हरिहणो हरः
Yuktashcha yuktabahushcha dvividhashcha suparvanah
Ashadhashcha sushadhashcha dhruvo harihano harah
17.118
वपुरावर्तमानेभ्यो वसुश्रेष्ठो महापथः
शिरोहारी विमर्षश्च सर्वलक्षणभूषितः
Vapuravartamanebhyo vasushreshtho mahapathah
Shirohari vimarshashcha sarvalakshanabhushitah
17.119
अक्षश्च रथयोगी च सर्वयोगी महाबलः
समाम्नायोऽसमाम्नायस्तीर्थदेवो महारथः
Akshashcha rathayogi cha sarvayogi mahabalah
Samamnayosamamnayastirthadevo maharathah
17.120
निर्जीवो जीवनो मन्त्रः शुभाक्षो बहुकर्कशः
रत्नप्रभूतो रक्ताङ्गो महार्णवनिपानवित्
Nirjivo jivano mantrah shubhaksho bahukarkashah
Ratnaprabhuto raktango maharnavanipanavit
17.121
मूलो विशालो ह्यमृतो व्यक्ताव्यक्तस्तपोनिधिः
आरोहणो निरोहश्च शैलहारी महातपाः
Mulo vishalo hyamrito vyaktavyaktastaponidhih
Arohano nirohashcha shailahari mahatapah
17.122
सेनाकल्पो महाकल्पो युगायुगकरो हरिः
युगरूपो महारूपः पवनो गहनो नगः
Senakalpo mahakalpo yugayugakaro harih
Yugarupo maharupah pavano gahano nagah
17.123
न्यायनिर्वापणः पादः पण्डितो ह्यचलोपमः
बहुमालो महामालः सुमालो बहुलोचनः
Nyayanirvapanah padah pandito hyachalopamah
Bahumalo mahamalah sumalo bahulochanah
17.124
विस्तारो लवणः कूपः कुसुमः सफलोदयः
वृषभो वृषभाङ्काङ्गो मणिबिल्वो जटाधरः
Vistaro lavanah kupah kusumah saphalodayah
Vrishabho vrishabhankango manibilvo jatadharah
17.125
इन्दुर्विसर्गः सुमुखः सुरः सर्वायुधः सहः
निवेदनः सुधाजातः सुगन्धारो महाधनुः
Indurvisargah sumukhah surah sarvayudhah sahah
Nivedanah sudhajatah sugandharo mahadhanuh
17.126
गन्धमाली च भगवानुत्थानः सर्वकर्मणाम्
मन्थानो बहुलो बाहुः सकलः सर्वलोचनः
Gandhamali cha bhagavanutthanah sarvakarmanam
Manthano bahulo bahuh sakalah sarvalochanah
17.127
तरस्ताली करस्ताली ऊर्ध्वसंहननो वहः
छत्रं सुच्छत्रो विख्यातः सर्वलोकाश्रयो महान्
Tarastali karastali urdhvasanhanano vahah
Chhatram suchchhatro vikhyatah sarvalokashrayo mahan
17.128
मुण्डो विरूपो विकृतो दण्डिमुण्डो विकुर्वणः
हर्यक्षः ककुभो वज्री दीप्तजिह्वः सहस्रपात्
Mundo virupo vikrito dandimundo vikurvanah
Haryakshah kakubho vajri diptajihvah sahasrapat
17.129
सहस्रमूर्धा देवेन्द्रः सर्वदेवमयो गुरुः
सहस्रबाहुः सर्वाङ्गः शरण्यः सर्वलोककृत्
Sahasramurdha devendrah sarvadevamayo guruh
Sahasrabahuh sarvangah sharanyah sarvalokakrit
17.130
पवित्रं त्रिमधुर्मन्त्रः कनिष्ठः कृष्णपिङ्गलः
ब्रह्मदण्डविनिर्माता शतघ्नी शतपाशधृक्
Pavitram trimadhurmantrah kanishthah krishnapingalah
Brahmadandavinirmata shataghni shatapashadhrik
17.131
पद्मगर्भो महागर्भो ब्रह्मगर्भो जलोद्भवः
गभस्तिर्ब्रह्मकृद्ब्रह्मा ब्रह्मविद्ब्राह्मणो गतिः
Padmagarbho mahagarbho brahmagarbho jalodbhavah
Gabhastirbrahmakridbrahma brahmavidbrahmano gatih
17.132
अनन्तरूपो नैकात्मा तिग्मतेजाः स्वयंभुवः
ऊर्ध्वगात्मा पशुपतिर्वातरंहा मनोजवः
Anantarupo naikatma tigmatejah svayambhuvah
Urdhvagatma pashupatirvataranha manojavah
17.133
चन्दनी पद्ममालाग्र्यः सुरभ्युत्तरणो नरः
कर्णिकारमहास्रग्वी नीलमौलिः पिनाकधृक्
Chandani padmamalagryah surabhyuttarano narah
Karnikaramahasragvi nilamaulih pinakadhrik
17.134
उमापतिरुमाकान्तो जाह्नवीधृगुमाधवः
वरो वराहो वरदो वरेशः सुमहास्वनः
Umapatirumakanto jahnavidhrigumadhavah
Varo varaho varado vareshah sumahasvanah
17.135
महाप्रसादो दमनः शत्रुहा श्वेतपिङ्गलः
प्रीतात्मा प्रयतात्मा च संयतात्मा प्रधानधृक्
Mahaprasado damanah shatruha shvetapingalah
Pritatma prayatatma cha sanyatatma pradhanadhrik
17.136
सर्वपार्श्वसुतस्तार्क्ष्यो धर्मसाधारणो वरः
चराचरात्मा सूक्ष्मात्मा सुवृषो गोवृषेश्वरः
Sarvaparshvasutastarkshyo dharmasadharano varah
Characharatma sukshmatma suvrisho govrisheshvarah
17.137
साध्यर्षिर्वसुरादित्यो विवस्वान्सविता मृडः
व्यासः सर्वस्य संक्षेपो विस्तरः पर्ययो नयः
Sadhyarshirvasuradityo vivasvansavita mridah
Vyasah sarvasya sankshepo vistarah paryayo nayah
17.138
ऋतुः संवत्सरो मासः पक्षः संख्यासमापनः
कला काष्ठा लवो मात्रा मुहूर्तोऽहः क्षपाः क्षणाः
Rituh sanvatsaro masah pakshah sankhyasamapanah
Kala kashtha lavo matra muhurtohah kshapah kshanah
17.139
विश्वक्षेत्रं प्रजाबीजं लिङ्गमाद्यस्त्वनिन्दितः
सदसद्व्यक्तमव्यक्तं पिता माता पितामहः
Vishvakshetram prajabijam lingamadyastvaninditah
Sadasadvyaktamavyaktam pita mata pitamahah
17.140
स्वर्गद्वारं प्रजाद्वारं मोक्षद्वारं त्रिविष्टपम्
निर्वाणं ह्लादनं चैव ब्रह्मलोकः परा गतिः
Svargadvaram prajadvaram mokshadvaram trivishtapam
Nirvanam hladanam chaiva brahmalokah para gatih
17.141
देवासुरविनिर्माता देवासुरपरायणः
देवासुरगुरुर्देवो देवासुरनमस्कृतः
Devasuravinirmata devasuraparayanah
Devasuragururdevo devasuranamaskritah
17.142
देवासुरमहामात्रो देवासुरगणाश्रयः
देवासुरगणाध्यक्षो देवासुरगणाग्रणीः
Devasuramahamatro devasuraganashrayah
Devasuraganadhyaksho devasuraganagranih
17.143
देवातिदेवो देवर्षिर्देवासुरवरप्रदः
देवासुरेश्वरो देवो देवासुरमहेश्वरः
Devatidevo devarshirdevasuravarapradah
Devasureshvaro devo devasuramaheshvarah
17.144
सर्वदेवमयोऽचिन्त्यो देवतात्मात्मसंभवः
उद्भिदस्त्रिक्रमो वैद्यो विरजो विरजोम्बरः
Sarvadevamayochintyo devatatmatmasambhavah
Udbhidastrikramo vaidyo virajo virajombarah
17.145
ईड्यो हस्ती सुरव्याघ्रो देवसिंहो नरर्षभः
विबुधाग्रवरः श्रेष्ठः सर्वदेवोत्तमोत्तमः
Idyo hasti suravyaghro devasinho nararshabhah
Vibudhagravarah shreshthah sarvadevottamottamah
17.146
प्रयुक्तः शोभनो वज्र ईशानः प्रभुरव्ययः
गुरुः कान्तो निजः सर्गः पवित्रः सर्ववाहनः
Prayuktah shobhano vajra ishanah prabhuravyayah
Guruh kanto nijah sargah pavitrah sarvavahanah
17.147
शृङ्गी शृङ्गप्रियो बभ्रू राजराजो निरामयः
अभिरामः सुरगणो विरामः सर्वसाधनः
Shringi shringapriyo babhru rajarajo niramayah
Abhiramah suragano viramah sarvasadhanah
17.148
ललाटाक्षो विश्वदेहो हरिणो ब्रह्मवर्चसः
स्थावराणां पतिश्चैव नियमेन्द्रियवर्धनः
Lalataksho vishvadeho harino brahmavarchasah
Sthavaranam patishchaiva niyamendriyavardhanah
17.149
सिद्धार्थः सर्वभूतार्थोऽचिन्त्यः सत्यव्रतः शुचिः
व्रताधिपः परं ब्रह्म मुक्तानां परमा गतिः
Siddharthah sarvabhutarthochintyah satyavratah shuchih
Vratadhipah param brahma muktanam parama gatih
17.150
विमुक्तो मुक्ततेजाश्च श्रीमाञ्श्रीवर्धनो जगत्
यथाप्रधानं भगवानिति भक्त्या स्तुतो मया
Vimukto muktatejashcha shrimanshrivardhano jagat
Yathapradhanam bhagavaniti bhaktya stuto maya
17.151
यं न ब्रह्मादयो देवा विदुर्यं न महर्षयः
तं स्तव्यमर्च्यं वन्द्यं च कः स्तोष्यति जगत्पतिम्
Yam na brahmadayo deva viduryam na maharshayah
Tam stavyamarchyam vandyam cha kah stoshyati jagatpatim
17.152
भक्तिमेव पुरस्कृत्य मया यज्ञपतिर्वसुः
ततोऽभ्यनुज्ञां प्राप्यैव स्तुतो मतिमतां वरः
Bhaktimeva puraskritya maya yagyapatirvasuh
Tatobhyanugyam prapyaiva stuto matimatam varah
17.153
शिवमेभिः स्तुवन्देवं नामभिः पुष्टिवर्धनैः
नित्ययुक्तः शुचिर्भूत्वा प्राप्नोत्यात्मानमात्मना
Shivamebhih stuvandevam namabhih pushtivardhanaih
Nityayuktah shuchirbhutva prapnotyatmanamatmana
17.154
एतद्धि परमं ब्रह्म स्वयं गीतं स्वयंभुवा
ऋषयश्चैव देवाश्च स्तुवन्त्येतेन तत्परम्
Etaddhi paramam brahma svayam gitam svayambhuva
Rishayashchaiva devashcha stuvantyetena tatparam
17.155
स्तूयमानो महादेवः प्रीयते चात्मनामभिः
भक्तानुकम्पी भगवानात्मसंस्थान्करोति तान्
Stuyamano mahadevah priyate chatmanamabhih
Bhaktanukampi bhagavanatmasansthankaroti tan
17.156
तथैव च मनुष्येषु ये मनुष्याः प्रधानतः
आस्तिकाः श्रद्दधानाश्च बहुभिर्जन्मभिः स्तवैः
Tathaiva cha manushyeshu ye manushyah pradhanatah
Astikah shraddadhanashcha bahubhirjanmabhih stavaih
17.157
जाग्रतश्च स्वपन्तश्च व्रजन्तः पथि संस्थिताः
स्तुवन्ति स्तूयमानाश्च तुष्यन्ति च रमन्ति च
जन्मकोटिसहस्रेषु नानासंसारयोनिषु
Jagratashcha svapantashcha vrajantah pathi sansthitah
Stuvanti stuyamanashcha tushyanti cha ramanti cha
Janmakotisahasreshu nanasansarayonishu
17.158
जन्तोर्विशुद्धपापस्य भवे भक्तिः प्रजायते
उत्पन्ना च भवे भक्तिरनन्या सर्वभावतः
Jantorvishuddhapapasya bhave bhaktih prajayate
Utpanna cha bhave bhaktirananya sarvabhavatah
17.159
कारणं भावितं तस्य सर्वमुक्तस्य सर्वतः
एतद्देवेषु दुष्प्रापं मनुष्येषु न लभ्यते
Karanam bhavitam tasya sarvamuktasya sarvatah
Etaddeveshu dushprapam manushyeshu na labhyate
17.160
निर्विघ्ना निश्चला रुद्रे भक्तिरव्यभिचारिणी
तस्यैव च प्रसादेन भक्तिरुत्पद्यते नृणाम्
यया यान्ति परां सिद्धिं तद्भावगतचेतसः
Nirvighna nishchala rudre bhaktiravyabhicharini
Tasyaiva cha prasadena bhaktirutpadyate nrinam
Yaya yanti param siddhim tadbhavagatachetasah
17.161
ये सर्वभावोपगताः परत्वेनाभवन्नराः
प्रपन्नवत्सलो देवः संसारात्तान्समुद्धरेत्
Ye sarvabhavopagatah paratvenabhavannarah
Prapannavatsalo devah sansarattansamuddharet
17.162
एवमन्ये न कुर्वन्ति देवाः संसारमोचनम्
मनुष्याणां महादेवादन्यत्रापि तपोबलात्
Evamanye na kurvanti devah sansaramochanam
Manushyanam mahadevadanyatrapi tapobalat
17.163
इति तेनेन्द्रकल्पेन भगवान्सदसत्पतिः
कृत्तिवासाः स्तुतः कृष्ण तण्डिना शुद्धबुद्धिना
Iti tenendrakalpena bhagavansadasatpatih
Krittivasah stutah krishna tandina shuddhabuddhina
17.164
स्तवमेतं भगवतो ब्रह्मा स्वयमधारयत्
ब्रह्मा प्रोवाच शक्राय शक्रः प्रोवाच मृत्यवे
Stavametam bhagavato brahma svayamadharayat
Brahma provacha shakraya shakrah provacha mrityave
17.165
मृत्युः प्रोवाच रुद्राणां रुद्रेभ्यस्तण्डिमागमत्
महता तपसा प्राप्तस्तण्डिना ब्रह्मसद्मनि
Mrityuh provacha rudranam rudrebhyastandimagamat
Mahata tapasa praptastandina brahmasadmani
17.166
तण्डिः प्रोवाच शुक्राय गौतमायाह भार्गवः
वैवस्वताय मनवे गौतमः प्राह माधव
Tandih provacha shukraya gautamayaha bhargavah
Vaivasvataya manave gautamah praha madhava
17.167
नारायणाय साध्याय मनुरिष्टाय धीमते
यमाय प्राह भगवान्साध्यो नारायणोऽच्युतः
Narayanaya sadhyaya manurishtaya dhimate
Yamaya praha bhagavansadhyo narayanochyutah
17.168
नाचिकेताय भगवानाह वैवस्वतो यमः
मार्कण्डेयाय वार्ष्णेय नाचिकेतोऽभ्यभाषत
Nachiketaya bhagavanaha vaivasvato yamah
Markandeyaya varshneya nachiketobhyabhashata
17.169
मार्कण्डेयान्मया प्राप्तं नियमेन जनार्दन
तवाप्यहममित्रघ्न स्तवं दद्म्यद्य विश्रुतम्
स्वर्ग्यमारोग्यमायुष्यं धन्यं बल्यं तथैव च
Markandeyanmaya praptam niyamena janardana
Tavapyahamamitraghna stavam dadmyadya vishrutam
Svargyamarogyamayushyam dhanyam balyam tathaiva cha
17.170
न तस्य विघ्नं कुर्वन्ति दानवा यक्षराक्षसाः
पिशाचा यातुधानाश्च गुह्यका भुजगा अपि
Na tasya vighnam kurvanti danava yaksharakshasah
Pishacha yatudhanashcha guhyaka bhujaga api
17.171
यः पठेत शुचिर्भूत्वा ब्रह्मचारी जितेन्द्रियः
अभग्नयोगो वर्षं तु सोऽश्वमेधफलं लभेत्
Yah patheta shuchirbhutva brahmachari jitendriyah
Abhagnayogo varsham tu soshvamedhaphalam labhet