অধ্যায় 150

150.1

ভীষ্ম উবাচ
কার্যতে যচ্চ ক্রিয়তে সচ্চাসচ্চ কৃতং ততঃ
তত্রাশ্বসীত সত্কৃত্বা অসত্কৃত্বা ন বিশ্বসেৎ

কাল এবাত্র কালেন নিগ্রহানুগ্রহৌ দদৎ
বুদ্ধিমাবিশ্য ভূতানাং ধর্মার্থেষু প্রবর্ততে

যদা ত্বস্য ভবেদ্বুদ্ধির্ধর্ম্যা চার্থপ্রদর্শিনী
তদাশ্বসীত ধর্মাত্মাদৃঢবুদ্ধির্ন বিশ্বসেৎ

এতাবন্মাত্রমেতদ্ধি ভূতানাং প্রাজ্ঞলক্ষণম্
কালয়ুক্তোঽপ্যুভয়বিচ্ছেষমর্থং সমাচরেৎ

যথা হ্যুপস্থিতৈশ্বর্যাঃ পূজয়ন্তে নরা নরান্
এবমেবাত্মনাত্মানং পূজয়ন্তীহ ধার্মিকাঃ

ন হ্যধর্মতয়া ধর্মং দদ্যাত্কালঃ কথংচন
তস্মাদ্বিশুদ্ধমাত্মানং জানীয়াদ্ধর্মচারিণম্

স্প্রষ্টুমপ্যসমর্থো হি জ্বলন্তমিব পাবকম্
অধর্মঃ সততো ধর্মং কালেন পরিরক্ষিতম্

কার্যাবেতৌ হি কালেন ধর্মো হি বিজয়াবহঃ
ত্রয়াণামপি লোকানামালোককরণো ভবেৎ

তত্র কশ্চিন্নয়েত্প্রাজ্ঞো গৃহীত্বৈব করে নরম্
উহ্যমানঃ স ধর্মেণ ধর্মে বহুভয়চ্ছলে