UtshovChapter 150
150.1
भीष्म उवाच
कार्यते यच्च क्रियते सच्चासच्च कृतं ततः
तत्राश्वसीत सत्कृत्वा असत्कृत्वा न विश्वसेत्
Bhishma uvacha
Karyate yachcha kriyate sachchasachcha kritam tatah
Tatrashvasita satkritva asatkritva na vishvaset
150.2
काल एवात्र कालेन निग्रहानुग्रहौ ददत्
बुद्धिमाविश्य भूतानां धर्मार्थेषु प्रवर्तते
Kala evatra kalena nigrahanugrahau dadat
Buddhimavishya bhutanam dharmartheshu pravartate
150.3
यदा त्वस्य भवेद्बुद्धिर्धर्म्या चार्थप्रदर्शिनी
तदाश्वसीत धर्मात्मादृढबुद्धिर्न विश्वसेत्
Yada tvasya bhavedbuddhirdharmya charthapradarshini
Tadashvasita dharmatmadridhabuddhirna vishvaset
150.4
एतावन्मात्रमेतद्धि भूतानां प्राज्ञलक्षणम्
कालयुक्तोऽप्युभयविच्छेषमर्थं समाचरेत्
Etavanmatrametaddhi bhutanam pragyalakshanam
Kalayuktopyubhayavichchheshamartham samacharet
150.5
यथा ह्युपस्थितैश्वर्याः पूजयन्ते नरा नरान्
एवमेवात्मनात्मानं पूजयन्तीह धार्मिकाः
Yatha hyupasthitaishvaryah pujayante nara naran
Evamevatmanatmanam pujayantiha dharmikah
150.6
न ह्यधर्मतया धर्मं दद्यात्कालः कथंचन
तस्माद्विशुद्धमात्मानं जानीयाद्धर्मचारिणम्
Na hyadharmataya dharmam dadyatkalah kathanchana
Tasmadvishuddhamatmanam janiyaddharmacharinam
150.7
स्प्रष्टुमप्यसमर्थो हि ज्वलन्तमिव पावकम्
अधर्मः सततो धर्मं कालेन परिरक्षितम्
Sprashtumapyasamartho hi jvalantamiva pavakam
Adharmah satato dharmam kalena parirakshitam
150.8
कार्यावेतौ हि कालेन धर्मो हि विजयावहः
त्रयाणामपि लोकानामालोककरणो भवेत्
Karyavetau hi kalena dharmo hi vijayavahah
Trayanamapi lokanamalokakarano bhavet
150.9
तत्र कश्चिन्नयेत्प्राज्ञो गृहीत्वैव करे नरम्
उह्यमानः स धर्मेण धर्मे बहुभयच्छले
Tatra kashchinnayetpragyo grihitvaiva kare naram
Uhyamanah sa dharmena dharme bahubhayachchhale