অধ্যায় 351

351.1

সূর্য উবাচ
নৈষ দেবোঽনিলসখো নাসুরো ন চ পন্নগঃ
উঞ্ছবৃত্তিব্রতে সিদ্ধো মুনিরেষ দিবং গতঃ

এষ মূলফলাহারঃ শীর্ণপর্ণাশনস্তথা
অব্ভক্ষো বায়ুভক্ষশ্চ আসীদ্বিপ্রঃ সমাহিতঃ

ঋচশ্চানেন বিপ্রেণ সংহিতান্তরভিষ্টুতাঃ
স্বর্গদ্বারকৃতোদ্যোগো যেনাসৌ ত্রিদিবং গতঃ

অসন্নধীরনাকাঙ্ক্ষী নিত্যমুঞ্ছশিলাশনঃ
সর্বভূতহিতে যুক্ত এষ বিপ্রো ভুজংগম

ন হি দেবা ন গন্ধর্বা নাসুরা ন চ পন্নগাঃ
প্রভবন্তীহ ভূতানাং প্রাপ্তানাং পরমাং গতিম্

নাগ উবাচ
এতদেবংবিধং দৃষ্টমাশ্চর্যং তত্র মে দ্বিজ
সংসিদ্ধো মানুষঃ কায়ো যোঽসৌ সিদ্ধগতিং গতঃ
সূর্যেণ সহিতো ব্রহ্মন্পৃথিবীং পরিবর্ততে