UtshovChapter 351
351.1
सूर्य उवाच
नैष देवोऽनिलसखो नासुरो न च पन्नगः
उञ्छवृत्तिव्रते सिद्धो मुनिरेष दिवं गतः
Surya uvacha
Naisha devonilasakho nasuro na cha pannagah
Unchhavrittivrate siddho muniresha divam gatah
351.2
एष मूलफलाहारः शीर्णपर्णाशनस्तथा
अब्भक्षो वायुभक्षश्च आसीद्विप्रः समाहितः
Esha mulaphalaharah shirnaparnashanastatha
Abbhaksho vayubhakshashcha asidviprah samahitah
351.3
ऋचश्चानेन विप्रेण संहितान्तरभिष्टुताः
स्वर्गद्वारकृतोद्योगो येनासौ त्रिदिवं गतः
Richashchanena viprena sanhitantarabhishtutah
Svargadvarakritodyogo yenasau tridivam gatah
351.4
असन्नधीरनाकाङ्क्षी नित्यमुञ्छशिलाशनः
सर्वभूतहिते युक्त एष विप्रो भुजंगम
Asannadhiranakankshi nityamunchhashilashanah
Sarvabhutahite yukta esha vipro bhujangama
351.5
न हि देवा न गन्धर्वा नासुरा न च पन्नगाः
प्रभवन्तीह भूतानां प्राप्तानां परमां गतिम्
Na hi deva na gandharva nasura na cha pannagah
Prabhavantiha bhutanam praptanam paramam gatim
351.6
नाग उवाच
एतदेवंविधं दृष्टमाश्चर्यं तत्र मे द्विज
संसिद्धो मानुषः कायो योऽसौ सिद्धगतिं गतः
सूर्येण सहितो ब्रह्मन्पृथिवीं परिवर्तते
Naga uvacha
Etadevanvidham drishtamashcharyam tatra me dvija
Sansiddho manushah kayo yosau siddhagatim gatah
Suryena sahito brahmanprithivim parivartate