Chapter 352

352.1

ब्राह्मण उवाच
आश्चर्यं नात्र संदेहः सुप्रीतोऽस्मि भुजंगम
अन्वर्थोपगतैर्वाक्यैः पन्थानं चास्मि दर्शितः

Brahmana uvacha
Ashcharyam natra sandehah supritosmi bhujangama
Anvarthopagatairvakyaih panthanam chasmi darshitah

स्वस्ति तेऽस्तु गमिष्यामि साधो भुजगसत्तम
स्मरणीयोऽस्मि भवता संप्रेषणनियोजनैः

Svasti testu gamishyami sadho bhujagasattama
Smaraniyosmi bhavata sampreshananiyojanaih

नाग उवाच
अनुक्त्वा मद्गतं कार्यं क्वेदानीं प्रस्थितो भवान्
उच्यतां द्विज यत्कार्यं यदर्थं त्वमिहागतः

Naga uvacha
Anuktva madgatam karyam kvedanim prasthito bhavan
Uchyatam dvija yatkaryam yadartham tvamihagatah

उक्तानुक्ते कृते कार्ये मामामन्त्र्य द्विजर्षभ
मया प्रत्यभ्यनुज्ञातस्ततो यास्यसि ब्राह्मण

Uktanukte krite karye mamamantrya dvijarshabha
Maya pratyabhyanugyatastato yasyasi brahmana

न हि मां केवलं दृष्ट्वा त्यक्त्वा प्रणयवानिह
गन्तुमर्हसि विप्रर्षे वृक्षमूलगतो यथा

Na hi mam kevalam drishtva tyaktva pranayavaniha
Gantumarhasi viprarshe vrikshamulagato yatha

त्वयि चाहं द्विजश्रेष्ठ भवान्मयि न संशयः
लोकोऽयं भवतः सर्वः का चिन्ता मयि तेऽनघ

Tvayi chaham dvijashreshtha bhavanmayi na sanshayah
Lokoyam bhavatah sarvah ka chinta mayi tenagha

ब्राह्मण उवाच
एवमेतन्महाप्राज्ञ विज्ञातार्थ भुजंगम
नातिरिक्तास्त्वया देवाः सर्वथैव यथातथम्

Brahmana uvacha
Evametanmahapragya vigyatartha bhujangama
Natiriktastvaya devah sarvathaiva yathatatham

य एवाहं स एव त्वमेवमेतद्भुजंगम
अहं भवांश्च भूतानि सर्वे सर्वत्रगाः सदा

Ya evaham sa eva tvamevametadbhujangama
Aham bhavanshcha bhutani sarve sarvatragah sada

आसीत्तु मे भोगपते संशयः पुण्यसंचये
सोऽहमुञ्छव्रतं साधो चरिष्याम्यर्थदर्शनम्

Asittu me bhogapate sanshayah punyasanchaye
Sohamunchhavratam sadho charishyamyarthadarshanam

एष मे निश्चयः साधो कृतः कारणवत्तरः
आमन्त्रयामि भद्रं ते कृतार्थोऽस्मि भुजंगम

Esha me nishchayah sadho kritah karanavattarah
Amantrayami bhadram te kritarthosmi bhujangama