UtshovChapter 353
353.1
भीष्म उवाच
स चामन्त्र्योरगश्रेष्ठं ब्राह्मणः कृतनिश्चयः
दीक्षाकाङ्क्षी तदा राजंश्च्यवनं भार्गवं श्रितः
Bhishma uvacha
Sa chamantryoragashreshtham brahmanah kritanishchayah
Dikshakankshi tada rajanshchyavanam bhargavam shritah
353.2
स तेन कृतसंस्कारो धर्ममेवोपतस्थिवान्
तथैव च कथामेतां राजन्कथितवांस्तदा
Sa tena kritasanskaro dharmamevopatasthivan
Tathaiva cha kathametam rajankathitavanstada
353.3
भार्गवेणापि राजेन्द्र जनकस्य निवेशने
कथैषा कथिता पुण्या नारदाय महात्मने
Bhargavenapi rajendra janakasya niveshane
Kathaisha kathita punya naradaya mahatmane
353.4
नारदेनापि राजेन्द्र देवेन्द्रस्य निवेशने
कथिता भरतश्रेष्ठ पृष्टेनाक्लिष्टकर्मणा
Naradenapi rajendra devendrasya niveshane
Kathita bharatashreshtha prishtenaklishtakarmana
353.5
देवराजेन च पुरा कथैषा कथिता शुभा
समस्तेभ्यः प्रशस्तेभ्यो वसुभ्यो वसुधाधिप
Devarajena cha pura kathaisha kathita shubha
Samastebhyah prashastebhyo vasubhyo vasudhadhipa
353.6
यदा च मम रामेण युद्धमासीत्सुदारुणम्
वसुभिश्च तदा राजन्कथेयं कथिता मम
Yada cha mama ramena yuddhamasitsudarunam
Vasubhishcha tada rajankatheyam kathita mama
353.7
पृच्छमानाय तत्त्वेन मया तुभ्यं विशां पते
कथेयं कथिता पुण्या धर्म्या धर्मभृतां वर
Prichchhamanaya tattvena maya tubhyam visham pate
Katheyam kathita punya dharmya dharmabhritam vara
353.8
तदेष परमो धर्मो यन्मां पृच्छसि भारत
असन्नधीरनाकाङ्क्षी धर्मार्थकरणे नृप
Tadesha paramo dharmo yanmam prichchhasi bharata
Asannadhiranakankshi dharmarthakarane nripa
353.9
स च किल कृतनिश्चयो द्विजाग्र्यो; भुजगपतिप्रतिदेशितार्थकृत्यः
यमनियमसमाहितो वनान्तं; परिगणितोञ्छशिलाशनः प्रविष्टः
Sa cha kila kritanishchayo dvijagryo; bhujagapatipratideshitarthakrityah
Yamaniyamasamahito vanantam; pariganitonchhashilashanah pravishtah