Utshovঅধ্যায় 288
288.1
যুধিষ্ঠির উবাচ
সত্যং ক্ষমাং দমং প্রজ্ঞাং প্রশংসন্তি পিতামহ
বিদ্বাংসো মনুজা লোকে কথমেতন্মতং তব
288.2
ভীষ্ম উবাচ
অত্র তে বর্তয়িষ্যেঽহমিতিহাসং পুরাতনম্
সাধ্যানামিহ সংবাদং হংসস্য চ যুধিষ্ঠির
288.3
হংসো ভূত্বাথ সৌবর্ণস্ত্বজো নিত্যঃ প্রজাপতিঃ
স বৈ পর্যেতি লোকাংস্ত্রীনথ সাধ্যানুপাগমৎ
288.4
সাধ্যা ঊচুঃ
শকুনে বয়ং স্ম দেবা বৈ সাধ্যাস্ত্বামনুয়ুজ্মহে
পৃচ্ছামস্ত্বাং মোক্ষধর্মং ভবাংশ্চ কিল মোক্ষবিৎ
288.5
শ্রুতোঽসি নঃ পণ্ডিতো ধীরবাদী; সাধুশব্দঃ পততে তে পতত্রিন্
কিং মন্যসে শ্রেষ্ঠতমং দ্বিজ ত্বং; কস্মিন্মনস্তে রমতে মহাত্মন্
288.6
তন্নঃ কার্যং পক্ষিবর প্রশাধি; যত্কার্যাণাং মন্যসে শ্রেষ্ঠমেকম্
যত্কৃত্বা বৈ পুরুষঃ সর্ববন্ধৈ;র্বিমুচ্যতে বিহগেন্দ্রেহ শীঘ্রম্
288.7
হংস উবাচ
ইদং কার্যমমৃতাশাঃ শৃণোমি; তপো দমঃ সত্যমাত্মাভিগুপ্তিঃ
গ্রন্থীন্বিমুচ্য হৃদয়স্য সর্বা;ন্প্রিয়াপ্রিয়ে স্বং বশমানয়ীত
288.8
নারুংতুদঃ স্যান্ন নৃশংসবাদী; ন হীনতঃ পরমভ্যাদদীত
যয়াস্য বাচা পর উদ্বিজেত; ন তাং বদেদ্রুশতীং পাপলোক্যাম্
288.9
বাক্সায়কা বদনান্নিষ্পতন্তি; যৈরাহতঃ শোচতি রাত্র্যহানি
পরস্য নামর্মসু তে পতন্তি; তান্পণ্ডিতো নাবসৃজেত্পরেষু
288.10
পরশ্চেদেনমতিবাদবাণৈ;র্ভৃশং বিধ্যেচ্ছম এবেহ কার্যঃ
সংরোষ্যমাণঃ প্রতিমৃষ্যতে যঃ; স আদত্তে সুকৃতং বৈ পরস্য
288.11
ক্ষেপাভিমানাদভিষঙ্গব্যলীকং; নিগৃহ্ণাতি জ্বলিতং যশ্চ মন্যুম্
অদুষ্টচেতা মুদিতোঽনসূয়ুঃ; স আদত্তে সুকৃতং বৈ পরেষাম্
288.12
আক্রুশ্যমানো ন বদামি কিংচি;ত্ক্ষমাম্যহং তাড্যমানশ্চ নিত্যম্
শ্রেষ্ঠং হ্যেতত্ক্ষমমপ্যাহুরার্যাঃ; সত্যং তথৈবার্জবমানৃশংস্যম্
288.13
বেদস্যোপনিষত্সত্যং সত্যস্যোপনিষদ্দমঃ
দমস্যোপনিষন্মোক্ষ এতত্সর্বানুশাসনম্
288.14
বাচো বেগং মনসঃ ক্রোধবেগং; বিবিত্সাবেগমুদরোপস্থবেগম্
এতান্বেগান্যো বিষহত্যুদীর্ণাং;স্তং মন্যেঽহং ব্রাহ্মণং বৈ মুনিং চ
288.15
অক্রোধনঃ ক্রুধ্যতাং বৈ বিশিষ্ট;স্তথা তিতিক্ষুরতিতিক্ষোর্বিশিষ্টঃ
অমানুষান্মানুষো বৈ বিশিষ্ট;স্তথাজ্ঞানাজ্জ্ঞানবান্বৈ প্রধানঃ
288.16
আক্রুশ্যমানো নাক্রোশেন্মন্যুরেব তিতিক্ষতঃ
আক্রোষ্টারং নির্দহতি সুকৃতং চাস্য বিন্দতি
288.17
যো নাত্যুক্তঃ প্রাহ রূক্ষং প্রিয়ং বা; যো বা হতো ন প্রতিহন্তি ধৈর্যাৎ
পাপং চ যো নেচ্ছতি তস্য হন্তু;স্তস্মৈ দেবাঃ স্পৃহয়ন্তে সদৈব
288.18
পাপীয়সঃ ক্ষমেতৈব শ্রেয়সঃ সদৃশস্য চ
বিমানিতো হতোঽঽক্রুষ্ট এবং সিদ্ধিং গমিষ্যতি
288.19
সদাহমার্যান্নিভৃতোঽপ্যুপাসে; ন মে বিবিত্সা ন চ মেঽস্তি রোষঃ
ন চাপ্যহং লিপ্সমানঃ পরৈমি; ন চৈব কিংচিদ্বিষমেণ যামি
288.20
নাহং শপ্তঃ প্রতিশপামি কিংচি;দ্দমং দ্বারং হ্যমৃতস্যেহ বেদ্মি
গুহ্যং ব্রহ্ম তদিদং বো ব্রবীমি; ন মানুষাচ্ছ্রেষ্ঠতরং হি কিংচিৎ
288.21
বিমুচ্যমানঃ পাপেভ্যো ঘনেভ্য ইব চন্দ্রমাঃ
বিরজাঃ কালমাকাঙ্ক্ষন্ধীরো ধৈর্যেণ সিধ্যতি
288.22
যঃ সর্বেষাং ভবতি হ্যর্চনীয়; উত্সেচনে স্তম্ভ ইবাভিজাতঃ
যস্মৈ বাচং সুপ্রশস্তাং বদন্তি; স বৈ দেবান্গচ্ছতি সংয়তাত্মা
288.23
ন তথা বক্তুমিচ্ছন্তি কল্যাণান্পুরুষে গুণান্
যথৈষাং বক্তুমিচ্ছন্তি নৈর্গুণ্যমনুয়ুঞ্জকাঃ
288.24
যস্য বাঙ্মনসী গুপ্তে সম্যক্প্রণিহিতে সদা
বেদাস্তপশ্চ ত্যাগশ্চ স ইদং সর্বমাপ্নুয়াৎ
288.25
আক্রোশনাবমানাভ্যামবুধাদ্বর্ধতে বুধঃ
তস্মান্ন বর্ধয়েদন্যং ন চাত্মানং বিহিংসয়েৎ
288.26
অমৃতস্যেব সংতৃপ্যেদবমানস্য বৈ দ্বিজঃ
সুখং হ্যবমতঃ শেতে যোঽবমন্তা স নশ্যতি
288.27
যত্ক্রোধনো যজতে যদ্দদাতি; যদ্বা তপস্তপ্যতি যজ্জুহোতি
বৈবস্বতস্তদ্ধরতেঽস্য সর্বং; মোঘঃ শ্রমো ভবতি ক্রোধনস্য
288.28
চত্বারি যস্য দ্বারাণি সুগুপ্তান্যমরোত্তমাঃ
উপস্থমুদরং হস্তৌ বাক্চতুর্থী স ধর্মবিৎ
288.29
সত্যং দমং হ্যার্জবমানৃশংস্যং; ধৃতিং তিতিক্ষামভিসেবমানঃ
স্বাধ্যায়নিত্যোঽস্পৃহয়ন্পরেষা;মেকান্তশীল্যূর্ধ্বগতির্ভবেত্সঃ
288.30
সর্বানেতাননুচরন্বত্সবচ্চতুরঃ স্তনান্
ন পাবনতমং কিংচিত্সত্যাদধ্যগমং ক্বচিৎ
288.31
আচক্ষেঽহং মনুষ্যেভ্যো দেবেভ্যঃ প্রতিসংচরন্
সত্যং স্বর্গস্য সোপানং পারাবারস্য নৌরিব
288.32
যাদৃশৈঃ সংনিবসতি যাদৃশাংশ্চোপসেবতে
যাদৃগিচ্ছেচ্চ ভবিতুং তাদৃগ্ভবতি পূরুষঃ
288.33
যদি সন্তং সেবতে যদ্যসন্তং; তপস্বিনং যদি বা স্তেনমেব
বাসো যথা রঙ্গবশং প্রয়াতি; তথা স তেষাং বশমভ্যুপৈতি
288.34
সদা দেবাঃ সাধুভিঃ সংবদন্তে; ন মানুষং বিষয়ং যান্তি দ্রষ্টুম্
নেন্দুঃ সমঃ স্যাদসমো হি বায়ু;রুচ্চাবচং বিষয়ং যঃ স বেদ
288.35
অদুষ্টং বর্তমানে তু হৃদয়ান্তরপূরুষে
তেনৈব দেবাঃ প্রীয়ন্তে সতাং মার্গস্থিতেন বৈ
288.36
শিশ্নোদরে যেঽভিরতাঃ সদৈব; স্তেনা নরা বাক্পরুষাশ্চ নিত্যম্
অপেতদোষানিতি তান্বিদিত্বা; দূরাদ্দেবাঃ সংপরিবর্জয়ন্তি
288.37
ন বৈ দেবা হীনসত্ত্বেন তোষ্যাঃ; সর্বাশিনা দুষ্কৃতকর্মণা বা
সত্যব্রতা যে তু নরাঃ কৃতজ্ঞা; ধর্মে রতাস্তৈঃ সহ সংভজন্তে
288.38
অব্যাহৃতং ব্যাহৃতাচ্ছ্রেয় আহুঃ; সত্যং বদেদ্ব্যাহৃতং তদ্দ্বিতীয়ম্
ধর্মং বদেদ্ব্যাহৃতং তত্তৃতীয়ং; প্রিয়ং বদেদ্ব্যাহৃতং তচ্চতুর্থম্
288.39
সাধ্যা ঊচুঃ
কেনায়মাবৃতো লোকঃ কেন বা ন প্রকাশতে
কেন ত্যজতি মিত্রাণি কেন স্বর্গং ন গচ্ছতি
288.40
হংস উবাচ
অজ্ঞানেনাবৃতো লোকো মাত্সর্যান্ন প্রকাশতে
লোভাত্ত্যজতি মিত্রাণি সঙ্গাত্স্বর্গং ন গচ্ছতি
288.41
সাধ্যা ঊচুঃ
কঃ স্বিদেকো রমতে ব্রাহ্মণানাং; কঃ স্বিদেকো বহুভির্জোষমাস্তে
কঃ স্বিদেকো বলবান্দুর্বলোঽপি; কঃ স্বিদেষাং কলহং নান্ববৈতি
288.42
হংস উবাচ
প্রাজ্ঞ একো রমতে ব্রাহ্মণানাং; প্রাজ্ঞ একো বহুভির্জোষমাস্তে
প্রাজ্ঞ একো বলবান্দুর্বলোঽপি; প্রাজ্ঞ এষাং কলহং নান্ববৈতি
288.43
সাধ্যা ঊচুঃ
কিং ব্রাহ্মণানাং দেবত্বং কিং চ সাধুত্বমুচ্যতে
অসাধুত্বং চ কিং তেষাং কিমেষাং মানুষং মতম্
288.44
হংস উবাচ
স্বাধ্যায় এষাং দেবত্বং ব্রতং সাধুত্বমুচ্যতে
অসাধুত্বং পরীবাদো মৃত্যুর্মানুষমুচ্যতে
288.45
ভীষ্ম উবাচ
সংবাদ ইত্যয়ং শ্রেষ্ঠঃ সাধ্যানাং পরিকীর্তিতঃ
ক্ষেত্রং বৈ কর্মণাং যোনিঃ সদ্ভাবঃ সত্যমুচ্যতে