অধ্যায় 280

280.1

পরাশর উবাচ
মনোরথরথং প্রাপ্য ইন্দ্রিয়ার্থহয়ং নরঃ
রশ্মিভির্জ্ঞানসংভূতৈর্যো গচ্ছতি স বুদ্ধিমান্

সেবাশ্রিতেন মনসা বৃত্তিহীনস্য শস্যতে
দ্বিজাতিহস্তান্নির্বৃত্তা ন তু তুল্যাত্পরস্পরম্

আয়ুর্নসুলভং লব্ধ্বা নাবকর্ষেদ্বিশাং পতে
উত্কর্ষার্থং প্রয়ততে নরঃ পুণ্যেন কর্মণা

বর্ণেভ্যোঽপি পরিভ্রষ্টঃ স বৈ সংমানমর্হতি
ন তু যঃ সত্ক্রিয়াং প্রাপ্য রাজসং কর্ম সেবতে

বর্ণোত্কর্ষমবাপ্নোতি নরঃ পুণ্যেন কর্মণা
দুর্লভং তমলব্ধা হি হন্যাত্পাপেন কর্মণা

অজ্ঞানাদ্ধি কৃতং পাপং তপসৈবাভিনির্ণুদেৎ
পাপং হি কর্ম ফলতি পাপমেব স্বয়ং কৃতম্
তস্মাত্পাপং ন সেবেত কর্ম দুঃখফলোদয়ম্

পাপানুবন্ধং যত্কর্ম যদ্যপি স্যান্মহাফলম্
ন তত্সেবেত মেধাবী শুচিঃ কুসলিলং যথা

কিংকষ্টমনুপশ্যামি ফলং পাপস্য কর্মণঃ
প্রত্যাপন্নস্য হি সতো নাত্মা তাবদ্বিরোচতে

প্রত্যাপত্তিশ্চ যস্যেহ বালিশস্য ন জায়তে
তস্যাপি সুমহাংস্তাপঃ প্রস্থিতস্যোপজায়তে

বিরক্তং শোধ্যতে বস্ত্রং ন তু কৃষ্ণোপসংহিতম্
প্রয়ত্নেন মনুষ্যেন্দ্র পাপমেবং নিবোধ মে

স্বয়ং কৃত্বা তু যঃ পাপং শুভমেবানুতিষ্ঠতি
প্রায়শ্চিত্তং নরঃ কর্তুমুভয়ং সোঽশ্নুতে পৃথক্

অজ্ঞানাত্তু কৃতাং হিংসামহিংসা ব্যপকর্ষতি
ব্রাহ্মণাঃ শাস্ত্রনির্দেশাদিত্যাহুর্ব্রহ্মবাদিনঃ

তথা কামকৃতং চাস্য বিহিংসৈবাপকর্ষতি
ইত্যাহুর্ধর্মশাস্ত্রজ্ঞা ব্রাহ্মণা বেদপারগাঃ

অহং তু তাবত্পশ্যামি কর্ম যদ্বর্ততে কৃতম্
গুণয়ুক্তং প্রকাশং চ পাপেনানুপসংহিতম্

যথা সূক্ষ্মাণি কর্মাণি ফলন্তীহ যথাতথম্
বুদ্ধিয়ুক্তানি তানীহ কৃতানি মনসা সহ

ভবত্যল্পফলং কর্ম সেবিতং নিত্যমুল্বণম্
অবুদ্ধিপূর্বং ধর্মজ্ঞ কৃতমুগ্রেণ কর্মণা

কৃতানি যানি কর্মাণি দৈবতৈর্মুনিভিস্তথা
নাচরেত্তানি ধর্মাত্মা শ্রুত্বা চাপি ন কুত্সয়েৎ

সংচিন্ত্য মনসা রাজন্বিদিত্বা শক্তিমাত্মনঃ
করোতি যঃ শুভং কর্ম স বৈ ভদ্রাণি পশ্যতি

নবে কপালে সলিলং সংন্যস্তং হীয়তে যথা
নবেতরে তথাভাবং প্রাপ্নোতি সুখভাবিতম্

সতোয়েঽন্যত্তু যত্তোয়ং তস্মিন্নেব প্রসিচ্যতে
বৃদ্ধে বৃদ্ধিমবাপ্নোতি সলিলে সলিলং যথা

এবং কর্মাণি যানীহ বুদ্ধিয়ুক্তানি ভূপতে
নসমানীহ হীনানি তানি পুণ্যতমান্যপি

রাজ্ঞা জেতব্যাঃ সায়ুধাশ্চোন্নতাশ্চ; সম্যক্কর্তব্যং পালনং চ প্রজানাম্
অগ্নিশ্চেয়ো বহুভিশ্চাপি যজ্ঞৈ;রন্তে মধ্যে বা বনমাশ্রিত্য স্থেয়ম্

দমান্বিতঃ পুরুষো ধর্মশীলো; ভূতানি চাত্মানমিবানুপশ্যেৎ
গরীয়সঃ পূজয়েদাত্মশক্ত্যা; সত্যেন শীলেন সুখং নরেন্দ্র