UtshovChapter 280
280.1
पराशर उवाच
मनोरथरथं प्राप्य इन्द्रियार्थहयं नरः
रश्मिभिर्ज्ञानसंभूतैर्यो गच्छति स बुद्धिमान्
Parashara uvacha
Manoratharatham prapya indriyarthahayam narah
Rashmibhirgyanasambhutairyo gachchhati sa buddhiman
280.2
सेवाश्रितेन मनसा वृत्तिहीनस्य शस्यते
द्विजातिहस्तान्निर्वृत्ता न तु तुल्यात्परस्परम्
Sevashritena manasa vrittihinasya shasyate
Dvijatihastannirvritta na tu tulyatparasparam
280.3
आयुर्नसुलभं लब्ध्वा नावकर्षेद्विशां पते
उत्कर्षार्थं प्रयतते नरः पुण्येन कर्मणा
Ayurnasulabham labdhva navakarshedvisham pate
Utkarshartham prayatate narah punyena karmana
280.4
वर्णेभ्योऽपि परिभ्रष्टः स वै संमानमर्हति
न तु यः सत्क्रियां प्राप्य राजसं कर्म सेवते
Varnebhyopi paribhrashtah sa vai sammanamarhati
Na tu yah satkriyam prapya rajasam karma sevate
280.5
वर्णोत्कर्षमवाप्नोति नरः पुण्येन कर्मणा
दुर्लभं तमलब्धा हि हन्यात्पापेन कर्मणा
Varnotkarshamavapnoti narah punyena karmana
Durlabham tamalabdha hi hanyatpapena karmana
280.6
अज्ञानाद्धि कृतं पापं तपसैवाभिनिर्णुदेत्
पापं हि कर्म फलति पापमेव स्वयं कृतम्
तस्मात्पापं न सेवेत कर्म दुःखफलोदयम्
Agyanaddhi kritam papam tapasaivabhinirnudet
Papam hi karma phalati papameva svayam kritam
Tasmatpapam na seveta karma duhkhaphalodayam
280.7
पापानुबन्धं यत्कर्म यद्यपि स्यान्महाफलम्
न तत्सेवेत मेधावी शुचिः कुसलिलं यथा
Papanubandham yatkarma yadyapi syanmahaphalam
Na tatseveta medhavi shuchih kusalilam yatha
280.8
किंकष्टमनुपश्यामि फलं पापस्य कर्मणः
प्रत्यापन्नस्य हि सतो नात्मा तावद्विरोचते
Kinkashtamanupashyami phalam papasya karmanah
Pratyapannasya hi sato natma tavadvirochate
280.9
प्रत्यापत्तिश्च यस्येह बालिशस्य न जायते
तस्यापि सुमहांस्तापः प्रस्थितस्योपजायते
Pratyapattishcha yasyeha balishasya na jayate
Tasyapi sumahanstapah prasthitasyopajayate
280.10
विरक्तं शोध्यते वस्त्रं न तु कृष्णोपसंहितम्
प्रयत्नेन मनुष्येन्द्र पापमेवं निबोध मे
Viraktam shodhyate vastram na tu krishnopasanhitam
Prayatnena manushyendra papamevam nibodha me
280.11
स्वयं कृत्वा तु यः पापं शुभमेवानुतिष्ठति
प्रायश्चित्तं नरः कर्तुमुभयं सोऽश्नुते पृथक्
Svayam kritva tu yah papam shubhamevanutishthati
Prayashchittam narah kartumubhayam soshnute prithak
280.12
अज्ञानात्तु कृतां हिंसामहिंसा व्यपकर्षति
ब्राह्मणाः शास्त्रनिर्देशादित्याहुर्ब्रह्मवादिनः
Agyanattu kritam hinsamahinsa vyapakarshati
Brahmanah shastranirdeshadityahurbrahmavadinah
280.13
तथा कामकृतं चास्य विहिंसैवापकर्षति
इत्याहुर्धर्मशास्त्रज्ञा ब्राह्मणा वेदपारगाः
Tatha kamakritam chasya vihinsaivapakarshati
Ityahurdharmashastragya brahmana vedaparagah
280.14
अहं तु तावत्पश्यामि कर्म यद्वर्तते कृतम्
गुणयुक्तं प्रकाशं च पापेनानुपसंहितम्
Aham tu tavatpashyami karma yadvartate kritam
Gunayuktam prakasham cha papenanupasanhitam
280.15
यथा सूक्ष्माणि कर्माणि फलन्तीह यथातथम्
बुद्धियुक्तानि तानीह कृतानि मनसा सह
Yatha sukshmani karmani phalantiha yathatatham
Buddhiyuktani taniha kritani manasa saha
280.16
भवत्यल्पफलं कर्म सेवितं नित्यमुल्बणम्
अबुद्धिपूर्वं धर्मज्ञ कृतमुग्रेण कर्मणा
Bhavatyalpaphalam karma sevitam nityamulbanam
Abuddhipurvam dharmagya kritamugrena karmana
280.17
कृतानि यानि कर्माणि दैवतैर्मुनिभिस्तथा
नाचरेत्तानि धर्मात्मा श्रुत्वा चापि न कुत्सयेत्
Kritani yani karmani daivatairmunibhistatha
Nacharettani dharmatma shrutva chapi na kutsayet
280.18
संचिन्त्य मनसा राजन्विदित्वा शक्तिमात्मनः
करोति यः शुभं कर्म स वै भद्राणि पश्यति
Sanchintya manasa rajanviditva shaktimatmanah
Karoti yah shubham karma sa vai bhadrani pashyati
280.19
नवे कपाले सलिलं संन्यस्तं हीयते यथा
नवेतरे तथाभावं प्राप्नोति सुखभावितम्
Nave kapale salilam sannyastam hiyate yatha
Navetare tathabhavam prapnoti sukhabhavitam
280.20
सतोयेऽन्यत्तु यत्तोयं तस्मिन्नेव प्रसिच्यते
वृद्धे वृद्धिमवाप्नोति सलिले सलिलं यथा
Satoyenyattu yattoyam tasminneva prasichyate
Vriddhe vriddhimavapnoti salile salilam yatha
280.21
एवं कर्माणि यानीह बुद्धियुक्तानि भूपते
नसमानीह हीनानि तानि पुण्यतमान्यपि
Evam karmani yaniha buddhiyuktani bhupate
Nasamaniha hinani tani punyatamanyapi
280.22
राज्ञा जेतव्याः सायुधाश्चोन्नताश्च; सम्यक्कर्तव्यं पालनं च प्रजानाम्
अग्निश्चेयो बहुभिश्चापि यज्ञै;रन्ते मध्ये वा वनमाश्रित्य स्थेयम्
Ragya jetavyah sayudhashchonnatashcha; samyakkartavyam palanam cha prajanam
Agnishcheyo bahubhishchapi yagyai;rante madhye va vanamashritya stheyam
280.23
दमान्वितः पुरुषो धर्मशीलो; भूतानि चात्मानमिवानुपश्येत्
गरीयसः पूजयेदात्मशक्त्या; सत्येन शीलेन सुखं नरेन्द्र
Damanvitah purusho dharmashilo; bhutani chatmanamivanupashyet
Gariyasah pujayedatmashaktya; satyena shilena sukham narendra