অধ্যায় 31

31.1

শৌনক উবাচ
ভুজংগমানাং শাপস্য মাত্রা চৈব সুতেন চ
বিনতায়াস্ত্বয়া প্রোক্তং কারণং সূতনন্দন

বরপ্রদানং ভর্ত্রা চ কদ্রূবিনতয়োস্তথা
নামনী চৈব তে প্রোক্তে পক্ষিণোর্বৈনতেয়য়োঃ

পন্নগানাং তু নামানি ন কীর্তয়সি সূতজ
প্রাধান্যেনাপি নামানি শ্রোতুমিচ্ছামহে বয়ম্

সূত উবাচ
বহুত্বান্নামধেয়ানি ভুজগানাং তপোধন
ন কীর্তয়িষ্যে সর্বেষাং প্রাধান্যেন তু মে শৃণু

শেষঃ প্রথমতো জাতো বাসুকিস্তদনন্তরম্
ঐরাবতস্তক্ষকশ্চ কর্কোটকধনংজয়ৌ

কালিয়ো মণিনাগশ্চ নাগশ্চাপূরণস্তথা
নাগস্তথা পিঞ্জরক এলাপত্রোঽথ বামনঃ

নীলানীলৌ তথা নাগৌ কল্মাষশবলৌ তথা
আর্যকশ্চাদিকশ্চৈব নাগশ্চ শলপোতকঃ

সুমনোমুখো দধিমুখস্তথা বিমলপিণ্ডকঃ
আপ্তঃ কোটনকশ্চৈব শঙ্খো বালশিখস্তথা

নিষ্ঠ্যূনকো হেমগুহো নহুষঃ পিঙ্গলস্তথা
বাহ্যকর্ণো হস্তিপদস্তথা মুদ্গরপিণ্ডকঃ

কম্বলাশ্বতরৌ চাপি নাগঃ কালীয়কস্তথা
বৃত্তসংবর্তকৌ নাগৌ দ্বৌ চ পদ্মাবিতি শ্রুতৌ

নাগঃ শঙ্খনকশ্চৈব তথা চ স্ফণ্ডকোঽপরঃ
ক্ষেমকশ্চ মহানাগো নাগঃ পিণ্ডারকস্তথা

করবীরঃ পুষ্পদংষ্ট্র এলকো বিল্বপাণ্ডুকঃ
মূষকাদঃ শঙ্খশিরাঃ পূর্ণদংষ্ট্রো হরিদ্রকঃ

অপরাজিতো জ্যোতিকশ্চ পন্নগঃ শ্রীবহস্তথা
কৌরব্যো ধৃতরাষ্ট্রশ্চ পুষ্করঃ শল্যকস্তথা

বিরজাশ্চ সুবাহুশ্চ শালিপিণ্ডশ্চ বীর্যবান্
হস্তিভদ্রঃ পিঠরকো মুখরঃ কোণবাসনঃ

কুঞ্জরঃ কুররশ্চৈব তথা নাগঃ প্রভাকরঃ
কুমুদঃ কুমুদাক্ষশ্চ তিত্তিরির্হলিকস্তথা
কর্করাকর্করৌ চোভৌ কুণ্ডোদরমহোদরৌ

এতে প্রাধান্যতো নাগাঃ কীর্তিতা দ্বিজসত্তম
বহুত্বান্নামধেয়ানামিতরে ন প্রকীর্তিতাঃ

এতেষাং প্রসবো যশ্চ প্রসবস্য চ সংততিঃ
অসংখ্যেয়েতি মত্বা তান্ন ব্রবীমি দ্বিজোত্তম

বহূনীহ সহস্রাণি প্রয়ুতান্যর্বুদানি চ
অশক্যান্যেব সংখ্যাতুং ভুজগানাং তপোধন