UtshovChapter 31
31.1
शौनक उवाच
भुजंगमानां शापस्य मात्रा चैव सुतेन च
विनतायास्त्वया प्रोक्तं कारणं सूतनन्दन
Shaunaka uvacha
Bhujangamanam shapasya matra chaiva sutena cha
Vinatayastvaya proktam karanam sutanandana
31.2
वरप्रदानं भर्त्रा च कद्रूविनतयोस्तथा
नामनी चैव ते प्रोक्ते पक्षिणोर्वैनतेययोः
Varapradanam bhartra cha kadruvinatayostatha
Namani chaiva te prokte pakshinorvainateyayoh
31.3
पन्नगानां तु नामानि न कीर्तयसि सूतज
प्राधान्येनापि नामानि श्रोतुमिच्छामहे वयम्
Pannaganam tu namani na kirtayasi sutaja
Pradhanyenapi namani shrotumichchhamahe vayam
31.4
सूत उवाच
बहुत्वान्नामधेयानि भुजगानां तपोधन
न कीर्तयिष्ये सर्वेषां प्राधान्येन तु मे शृणु
Suta uvacha
Bahutvannamadheyani bhujaganam tapodhana
Na kirtayishye sarvesham pradhanyena tu me shrinu
31.5
शेषः प्रथमतो जातो वासुकिस्तदनन्तरम्
ऐरावतस्तक्षकश्च कर्कोटकधनंजयौ
Sheshah prathamato jato vasukistadanantaram
Airavatastakshakashcha karkotakadhananjayau
31.6
कालियो मणिनागश्च नागश्चापूरणस्तथा
नागस्तथा पिञ्जरक एलापत्रोऽथ वामनः
Kaliyo maninagashcha nagashchapuranastatha
Nagastatha pinjaraka elapatrotha vamanah
31.7
नीलानीलौ तथा नागौ कल्माषशबलौ तथा
आर्यकश्चादिकश्चैव नागश्च शलपोतकः
Nilanilau tatha nagau kalmashashabalau tatha
Aryakashchadikashchaiva nagashcha shalapotakah
31.8
सुमनोमुखो दधिमुखस्तथा विमलपिण्डकः
आप्तः कोटनकश्चैव शङ्खो वालशिखस्तथा
Sumanomukho dadhimukhastatha vimalapindakah
Aptah kotanakashchaiva shankho valashikhastatha
31.9
निष्ठ्यूनको हेमगुहो नहुषः पिङ्गलस्तथा
बाह्यकर्णो हस्तिपदस्तथा मुद्गरपिण्डकः
Nishthyunako hemaguho nahushah pingalastatha
Bahyakarno hastipadastatha mudgarapindakah
31.10
कम्बलाश्वतरौ चापि नागः कालीयकस्तथा
वृत्तसंवर्तकौ नागौ द्वौ च पद्माविति श्रुतौ
Kambalashvatarau chapi nagah kaliyakastatha
Vrittasanvartakau nagau dvau cha padmaviti shrutau
31.11
नागः शङ्खनकश्चैव तथा च स्फण्डकोऽपरः
क्षेमकश्च महानागो नागः पिण्डारकस्तथा
Nagah shankhanakashchaiva tatha cha sphandakoparah
Kshemakashcha mahanago nagah pindarakastatha
31.12
करवीरः पुष्पदंष्ट्र एळको बिल्वपाण्डुकः
मूषकादः शङ्खशिराः पूर्णदंष्ट्रो हरिद्रकः
Karavirah pushpadanshtra elako bilvapandukah
Mushakadah shankhashirah purnadanshtro haridrakah
31.13
अपराजितो ज्योतिकश्च पन्नगः श्रीवहस्तथा
कौरव्यो धृतराष्ट्रश्च पुष्करः शल्यकस्तथा
Aparajito jyotikashcha pannagah shrivahastatha
Kauravyo dhritarashtrashcha pushkarah shalyakastatha
31.14
विरजाश्च सुबाहुश्च शालिपिण्डश्च वीर्यवान्
हस्तिभद्रः पिठरको मुखरः कोणवासनः
Virajashcha subahushcha shalipindashcha viryavan
Hastibhadrah pitharako mukharah konavasanah
31.15
कुञ्जरः कुररश्चैव तथा नागः प्रभाकरः
कुमुदः कुमुदाक्षश्च तित्तिरिर्हलिकस्तथा
कर्कराकर्करौ चोभौ कुण्डोदरमहोदरौ
Kunjarah kurarashchaiva tatha nagah prabhakarah
Kumudah kumudakshashcha tittirirhalikastatha
Karkarakarkarau chobhau kundodaramahodarau
31.16
एते प्राधान्यतो नागाः कीर्तिता द्विजसत्तम
बहुत्वान्नामधेयानामितरे न प्रकीर्तिताः
Ete pradhanyato nagah kirtita dvijasattama
Bahutvannamadheyanamitare na prakirtitah
31.17
एतेषां प्रसवो यश्च प्रसवस्य च संततिः
असंख्येयेति मत्वा तान्न ब्रवीमि द्विजोत्तम
Etesham prasavo yashcha prasavasya cha santatih
Asankhyeyeti matva tanna bravimi dvijottama
31.18
बहूनीह सहस्राणि प्रयुतान्यर्बुदानि च
अशक्यान्येव संख्यातुं भुजगानां तपोधन
Bahuniha sahasrani prayutanyarbudani cha
Ashakyanyeva sankhyatum bhujaganam tapodhana