Utshovঅধ্যায় 22
22.1
সূত উবাচ
এবং স্তুতস্তদা কদ্র্বা ভগবান্হরিবাহনঃ
নীলজীমূতসংঘাতৈর্ব্যোম সর্বং সমাবৃণোৎ
22.2
তে মেঘা মুমুচুস্তোয়ং প্রভূতং বিদ্যুদুজ্জ্বলাঃ
পরস্পরমিবাত্যর্থং গর্জন্তঃ সততং দিবি
22.3
সংঘাতিতমিবাকাশং জলদৈঃ সুমহাদ্ভুতৈঃ
সৃজদ্ভিরতুলং তোয়মজস্রং সুমহারবৈঃ
22.4
সংপ্রনৃত্তমিবাকাশং ধারোর্মিভিরনেকশঃ
মেঘস্তনিতনির্ঘোষমম্বরং সমপদ্যত
22.5
নাগানামুত্তমো হর্ষস্তদা বর্ষতি বাসবে
আপূর্যত মহী চাপি সলিলেন সমন্ততঃ