UtshovChapter 22
22.1
सूत उवाच
एवं स्तुतस्तदा कद्र्वा भगवान्हरिवाहनः
नीलजीमूतसंघातैर्व्योम सर्वं समावृणोत्
Suta uvacha
Evam stutastada kadrva bhagavanharivahanah
Nilajimutasanghatairvyoma sarvam samavrinot
22.2
ते मेघा मुमुचुस्तोयं प्रभूतं विद्युदुज्ज्वलाः
परस्परमिवात्यर्थं गर्जन्तः सततं दिवि
Te megha mumuchustoyam prabhutam vidyudujjvalah
Parasparamivatyartham garjantah satatam divi
22.3
संघातितमिवाकाशं जलदैः सुमहाद्भुतैः
सृजद्भिरतुलं तोयमजस्रं सुमहारवैः
Sanghatitamivakasham jaladaih sumahadbhutaih
Srijadbhiratulam toyamajasram sumaharavaih
22.4
संप्रनृत्तमिवाकाशं धारोर्मिभिरनेकशः
मेघस्तनितनिर्घोषमम्बरं समपद्यत
Sampranrittamivakasham dharormibhiranekashah
Meghastanitanirghoshamambaram samapadyata
22.5
नागानामुत्तमो हर्षस्तदा वर्षति वासवे
आपूर्यत मही चापि सलिलेन समन्ततः
Naganamuttamo harshastada varshati vasave
Apuryata mahi chapi salilena samantatah