Utshovঅধ্যায় 212
212.1
বৈশংপায়ন উবাচ
ততঃ সংবাদিতে তস্মিন্ননুজ্ঞাতো ধনংজয়ঃ
গতাং রৈবতকে কন্যাং বিদিত্বা জনমেজয়
212.2
বাসুদেবাভ্যনুজ্ঞাতঃ কথয়িত্বেতিকৃত্যতাম্
কৃষ্ণস্য মতমাজ্ঞায় প্রয়য়ৌ ভরতর্ষভঃ
212.3
রথেন কাঞ্চনাঙ্গেন কল্পিতেন যথাবিধি
সৈন্যসুগ্রীবয়ুক্তেন কিঙ্কিণীজালমালিনা
212.4
সর্বশস্ত্রোপপন্নেন জীমূতরবনাদিনা
জ্বলিতাগ্নিপ্রকাশেন দ্বিষতাং হর্ষঘাতিনা
212.5
সংনদ্ধঃ কবচী খড্গী বদ্ধগোধাঙ্গুলিত্রবান্
মৃগয়াব্যপদেশেন যৌগপদ্যেন ভারত
212.6
সুভদ্রা ত্বথ শৈলেন্দ্রমভ্যর্চ্য সহ রৈবতম্
দৈবতানি চ সর্বাণি ব্রাহ্মণান্স্বস্তি বাচ্য চ
212.7
প্রদক্ষিণং গিরিং কৃত্বা প্রয়য়ৌ দ্বারকাং প্রতি
তামভিদ্রুত্য কৌন্তেয়ঃ প্রসহ্যারোপয়দ্রথম্
212.8
ততঃ স পুরুষব্যাঘ্রস্তামাদায় শুচিস্মিতাম্
রথেনাকাশগেনৈব প্রয়য়ৌ স্বপুরং প্রতি
212.9
হ্রিয়মাণাং তু তাং দৃষ্ট্বা সুভদ্রাং সৈনিকো জনঃ
বিক্রোশন্প্রাদ্রবত্সর্বো দ্বারকামভিতঃ পুরীম্
212.10
তে সমাসাদ্য সহিতাঃ সুধর্মামভিতঃ সভাম্
সভাপালস্য তত্সর্বমাচখ্যুঃ পার্থবিক্রমম্
212.11
তেষাং শ্রুত্বা সভাপালো ভেরীং সাংনাহিকীং ততঃ
সমাজঘ্নে মহাঘোষাং জাম্বূনদপরিষ্কৃতাম্
212.12
ক্ষুব্ধাস্তেনাথ শব্দেন ভোজবৃষ্ণ্যন্ধকাস্তদা
অন্নপানমপাস্যাথ সমাপেতুঃ সভাং ততঃ
212.13
ততো জাম্বূনদাঙ্গানি স্পর্ধ্যাস্তরণবন্তি চ
মণিবিদ্রুমচিত্রাণি জ্বলিতাগ্নিপ্রভাণি চ
212.14
ভেজিরে পুরুষব্যাঘ্রা বৃষ্ণ্যন্ধকমহারথাঃ
সিংহাসনানি শতশো ধিষ্ণ্যানীব হুতাশনাঃ
212.15
তেষাং সমুপবিষ্টানাং দেবানামিব সংনয়ে
আচখ্যৌ চেষ্টিতং জিষ্ণোঃ সভাপালঃ সহানুগঃ
212.16
তচ্ছ্রুত্বা বৃষ্ণিবীরাস্তে মদরক্তান্তলোচনাঃ
অমৃষ্যমাণাঃ পার্থস্য সমুত্পেতুরহংকৃতাঃ
212.17
যোজয়ধ্বং রথানাশু প্রাসানাহরতেতি চ
ধনূংষি চ মহার্হাণি কবচানি বৃহন্তি চ
212.18
সূতানুচ্চুক্রুশুঃ কেচিদ্রথান্যোজয়তেতি চ
স্বয়ং চ তুরগান্কেচিন্নিন্যুর্হেমবিভূষিতান্
212.19
রথেষ্বানীয়মানেষু কবচেষু ধ্বজেষু চ
অভিক্রন্দে নৃবীরাণাং তদাসীত্সংকুলং মহৎ
212.20
বনমালী ততঃ ক্ষীবঃ কৈলাসশিখরোপমঃ
নীলবাসা মদোত্সিক্ত ইদং বচনমব্রবীৎ
212.21
কিমিদং কুরুথাপ্রজ্ঞাস্তূষ্ণীং ভূতে জনার্দনে
অস্য ভাবমবিজ্ঞায় সংক্রুদ্ধা মোঘগর্জিতাঃ
212.22
এষ তাবদভিপ্রায়মাখ্যাতু স্বং মহামতিঃ
যদস্য রুচিতং কর্তুং তত্কুরুধ্বমতন্দ্রিতাঃ
212.23
ততস্তে তদ্বচঃ শ্রুত্বা গ্রাহ্যরূপং হলায়ুধাৎ
তূষ্ণীং ভূতাস্ততঃ সর্বে সাধু সাধ্বিতি চাব্রুবন্
212.24
সমং বচো নিশম্যেতি বলদেবস্য ধীমতঃ
পুনরেব সভামধ্যে সর্বে তু সমুপাবিশন্
212.25
ততোঽব্রবীত্কামপালো বাসুদেবং পরংতপম্
কিমবাগুপবিষ্টোঽসি প্রেক্ষমাণো জনার্দন
212.26
সত্কৃতস্ত্বত্কৃতে পার্থঃ সর্বৈরস্মাভিরচ্যুত
ন চ সোঽর্হতি তাং পূজাং দুর্বুদ্ধিঃ কুলপাংসনঃ
212.27
কো হি তত্রৈব ভুক্ত্বান্নং ভাজনং ভেত্তুমর্হতি
মন্যমানঃ কুলে জাতমাত্মানং পুরুষঃ ক্বচিৎ
212.28
ঈপ্সমানশ্চ সংবন্ধং কৃতপূর্বং চ মানয়ন্
কো হি নাম ভবেনার্থী সাহসেন সমাচরেৎ
212.29
সোঽবমন্য চ নামাস্মাননাদৃত্য চ কেশবম্
প্রসহ্য হৃতবানদ্য সুভদ্রাং মৃত্যুমাত্মনঃ
212.30
কথং হি শিরসো মধ্যে পদং তেন কৃতং মম
মর্ষয়িষ্যামি গোবিন্দ পাদস্পর্শমিবোরগঃ
212.31
অদ্য নিষ্কৌরবামেকঃ করিষ্যামি বসুংধরাম্
ন হি মে মর্ষণীয়োঽয়মর্জুনস্য ব্যতিক্রমঃ
212.32
তং তথা গর্জমানং তু মেঘদুন্দুভিনিঃস্বনম্
অন্বপদ্যন্ত তে সর্বে ভোজবৃষ্ণ্যন্ধকাস্তদা