Utshovঅধ্যায় 15
15.1
সূত উবাচ
এতস্মিন্নেব কালে তু ভগিন্যৌ তে তপোধন
অপশ্যতাং সমায়ান্তমুচ্চৈঃশ্রবসমন্তিকাৎ
15.2
যং তং দেবগণাঃ সর্বে হৃষ্টরূপা অপূজয়ন্
মথ্যমানেঽমৃতে জাতমশ্বরত্নমনুত্তমম্
15.3
মহৌঘবলমশ্বানামুত্তমং জবতাং বরম্
শ্রীমন্তমজরং দিব্যং সর্বলক্ষণলক্ষিতম্
15.4
শৌনক উবাচ
কথং তদমৃতং দেবৈর্মথিতং ক্ব চ শংস মে
যত্র জজ্ঞে মহাবীর্যঃ সোঽশ্বরাজো মহাদ্যুতিঃ
15.5
সূত উবাচ
জ্বলন্তমচলং মেরুং তেজোরাশিমনুত্তমম্
আক্ষিপন্তং প্রভাং ভানোঃ স্বশৃঙ্গৈঃ কাঞ্চনোজ্জ্বলৈঃ
15.6
কাঞ্চনাভরণং চিত্রং দেবগন্ধর্বসেবিতম্
অপ্রমেয়মনাধৃষ্যমধর্মবহুলৈর্জনৈঃ
15.7
ব্যালৈরাচরিতং ঘোরৈর্দিব্যৌষধিবিদীপিতম্
নাকমাবৃত্য তিষ্ঠন্তমুচ্ছ্রয়েণ মহাগিরিম্
15.8
অগম্যং মনসাপ্যন্যৈর্নদীবৃক্ষসমন্বিতম্
নানাপতগসংঘৈশ্চ নাদিতং সুমনোহরৈঃ
15.9
তস্য পৃষ্ঠমুপারুহ্য বহুরত্নাচিতং শুভম্
অনন্তকল্পমুদ্বিদ্ধং সুরাঃ সর্বে মহৌজসঃ
15.10
তে মন্ত্রয়িতুমারব্ধাস্তত্রাসীনা দিবৌকসঃ
অমৃতার্থে সমাগম্য তপোনিয়মসংস্থিতাঃ
15.11
তত্র নারায়ণো দেবো ব্রহ্মাণমিদমব্রবীৎ
চিন্তয়ত্সু সুরেষ্বেবং মন্ত্রয়ত্সু চ সর্বশঃ
15.12
দেবৈরসুরসংঘৈশ্চ মথ্যতাং কলশোদধিঃ
ভবিষ্যত্যমৃতং তত্র মথ্যমানে মহোদধৌ
15.13
সর্বৌষধীঃ সমাবাপ্য সর্বরত্নানি চৈব হি
মন্থধ্বমুদধিং দেবা বেত্স্যধ্বমমৃতং ততঃ