Utshovঅধ্যায় 125
125.1
বৈশংপায়ন উবাচ
কুরুরাজে চ রঙ্গস্থে ভীমে চ বলিনাং বরে
পক্ষপাতকৃতস্নেহঃ স দ্বিধেবাভবজ্জনঃ
125.2
হা বীর কুরুরাজেতি হা ভীমেতি চ নর্দতাম্
পুরুষাণাং সুবিপুলাঃ প্রণাদাঃ সহসোত্থিতাঃ
125.3
ততঃ ক্ষুব্ধার্ণবনিভং রঙ্গমালোক্য বুদ্ধিমান্
ভারদ্বাজঃ প্রিয়ং পুত্রমশ্বত্থামানমব্রবীৎ
125.4
বারয়ৈতৌ মহাবীর্যৌ কৃতয়োগ্যাবুভাবপি
মা ভূদ্রঙ্গপ্রকোপোঽয়ং ভীমদুর্যোধনোদ্ভবঃ
125.5
ততস্তাবুদ্যতগদৌ গুরুপুত্রেণ বারিতৌ
যুগান্তানিলসংক্ষুব্ধৌ মহাবেগাবিবার্ণবৌ
125.6
ততো রঙ্গাঙ্গণগতো দ্রোণো বচনমব্রবীৎ
নিবার্য বাদিত্রগণং মহামেঘনিভস্বনম্
125.7
যো মে পুত্রাত্প্রিয়তরঃ সর্বাস্ত্রবিদুষাং বরঃ
ঐন্দ্রিরিন্দ্রানুজসমঃ স পার্থো দৃশ্যতামিতি
125.8
আচার্যবচনেনাথ কৃতস্বস্ত্যয়নো যুবা
বদ্ধগোধাঙ্গুলিত্রাণঃ পূর্ণতূণঃ সকার্মুকঃ
125.9
কাঞ্চনং কবচং বিভ্রত্প্রত্যদৃশ্যত ফল্গুনঃ
সার্কঃ সেন্দ্রায়ুধতডিত্সসংধ্য ইব তোয়দঃ
125.10
ততঃ সর্বস্য রঙ্গস্য সমুত্পিঞ্জোঽভবন্মহান্
প্রাবাদ্যন্ত চ বাদ্যানি সশঙ্খানি সমন্ততঃ
125.11
এষ কুন্তীসুতঃ শ্রীমানেষ পাণ্ডবমধ্যমঃ
এষ পুত্রো মহেন্দ্রস্য কুরূণামেষ রক্ষিতা
125.12
এষোঽস্ত্রবিদুষাং শ্রেষ্ঠ এষ ধর্মভৃতাং বরঃ
এষ শীলবতাং চাপি শীলজ্ঞাননিধিঃ পরঃ
125.13
ইত্যেবমতুলা বাচঃ শৃণ্বন্ত্যাঃ প্রেক্ষকেরিতাঃ
কুন্ত্যাঃ প্রস্নবসংমিশ্রৈরস্রৈঃ ক্লিন্নমুরোঽভবৎ
125.14
তেন শব্দেন মহতা পূর্ণশ্রুতিরথাব্রবীৎ
ধৃতরাষ্ট্রো নরশ্রেষ্ঠো বিদুরং হৃষ্টমানসঃ
125.15
ক্ষত্তঃ ক্ষুব্ধার্ণবনিভঃ কিমেষ সুমহাস্বনঃ
সহসৈবোত্থিতো রঙ্গে ভিন্দন্নিব নভস্তলম্
125.16
বিদুর উবাচ
এষ পার্থো মহারাজ ফল্গুনঃ পাণ্ডুনন্দনঃ
অবতীর্ণঃ সকবচস্তত্রৈষ সুমহাস্বনঃ
125.17
ধৃতরাষ্ট্র উবাচ
ধন্যোঽস্ম্যনুগৃহীতোঽস্মি রক্ষিতোঽস্মি মহামতে
পৃথারণিসমুদ্ভূতৈস্ত্রিভিঃ পাণ্ডববহ্নিভিঃ
125.18
বৈশংপায়ন উবাচ
তস্মিন্সমুদিতে রঙ্গে কথংচিত্পর্যবস্থিতে
দর্শয়ামাস বীভত্সুরাচার্যাদস্ত্রলাঘবম্
125.19
আগ্নেয়েনাসৃজদ্বহ্নিং বারুণেনাসৃজত্পয়ঃ
বায়ব্যেনাসৃজদ্বায়ুং পার্জন্যেনাসৃজদ্ঘনান্
125.20
ভৌমেন প্রাবিশদ্ভূমিং পার্বতেনাসৃজদ্গিরীন্
অন্তর্ধানেন চাস্ত্রেণ পুনরন্তর্হিতোঽভবৎ
125.21
ক্ষণাত্প্রাংশুঃ ক্ষণাদ্ধ্রস্বঃ ক্ষণাচ্চ রথধূর্গতঃ
ক্ষণেন রথমধ্যস্থঃ ক্ষণেনাবাপতন্মহীম্
125.22
সুকুমারং চ সূক্ষ্মং চ গুরুং চাপি গুরুপ্রিয়ঃ
সৌষ্ঠবেনাভিসংয়ুক্তঃ সোঽবিধ্যদ্বিবিধৈঃ শরৈঃ
125.23
ভ্রমতশ্চ বরাহস্য লোহস্য প্রমুখে সমম্
পঞ্চ বাণানসংসক্তান্স মুমোচৈকবাণবৎ
125.24
গব্যে বিষাণকোশে চ চলে রজ্জ্ববলম্বিতে
নিচখান মহাবীর্যঃ সায়কানেকবিংশতিম্
125.25
ইত্যেবমাদি সুমহত্খড্গে ধনুষি চাভবৎ
গদায়াং শস্ত্রকুশলো দর্শনানি ব্যদর্শয়ৎ
125.26
ততঃ সমাপ্তভূয়িষ্ঠে তস্মিন্কর্মণি ভারত
মন্দীভূতে সমাজে চ বাদিত্রস্য চ নিস্বনে
125.27
দ্বারদেশাত্সমুদ্ভূতো মাহাত্ম্য বলসূচকঃ
বজ্রনিষ্পেষসদৃশঃ শুশ্রুবে ভুজনিস্বনঃ
125.28
দীর্যন্তে কিং নু গিরয়ঃ কিং স্বিদ্ভূমির্বিদীর্যতে
কিং স্বিদাপূর্যতে ব্যোম জলভারঘনৈর্ঘনৈঃ
125.29
রঙ্গস্যৈবং মতিরভূত্ক্ষণেন বসুধাধিপ
দ্বারং চাভিমুখাঃ সর্বে বভূবুঃ প্রেক্ষকাস্তদা
125.30
পঞ্চভির্ভ্রাতৃভিঃ পার্থৈর্দ্রোণঃ পরিবৃতো বভৌ
পঞ্চতারেণ সংয়ুক্তঃ সাবিত্রেণেব চন্দ্রমাঃ
125.31
অশ্বত্থাম্না চ সহিতং ভ্রাতৄণাং শতমূর্জিতম্
দুর্যোধনমমিত্রঘ্নমুত্থিতং পর্যবারয়ৎ
125.32
স তৈস্তদা ভ্রাতৃভিরুদ্যতায়ুধৈ;র্বৃতো গদাপাণিরবস্থিতৈঃ স্থিতঃ
বভৌ যথা দানবসংক্ষয়ে পুরা; পুরংদরো দেবগণৈঃ সমাবৃতঃ