Utshovঅধ্যায় 12
12.1
রুরুরুবাচ
কথং হিংসিতবান্সর্পান্ক্ষত্রিয়ো জনমেজয়ঃ
সর্পা বা হিংসিতাস্তাত কিমর্থং দ্বিজসত্তম
12.2
কিমর্থং মোক্ষিতাশ্চৈব পন্নগাস্তেন শংস মে
আস্তীকেন তদাচক্ষ্ব শ্রোতুমিচ্ছাম্যশেষতঃ
12.3
ঋষিরুবাচ
শ্রোষ্যসি ত্বং রুরো সর্বমাস্তীকচরিতং মহৎ
ব্রাহ্মণানাং কথয়তামিত্যুক্ত্বান্তরধীয়ত
12.4
সূত উবাচ
রুরুশ্চাপি বনং সর্বং পর্যধাবত্সমন্ততঃ
তমৃষিং দ্রষ্টুমন্বিচ্ছন্সংশ্রান্তো ন্যপতদ্ভুবি
12.5
লব্ধসংজ্ঞো রুরুশ্চায়াত্তচ্চাচখ্যৌ পিতুস্তদা
পিতা চাস্য তদাখ্যানং পৃষ্টঃ সর্বং ন্যবেদয়ৎ