UtshovChapter 12
12.1
रुरुरुवाच
कथं हिंसितवान्सर्पान्क्षत्रियो जनमेजयः
सर्पा वा हिंसितास्तात किमर्थं द्विजसत्तम
Rururuvacha
Katham hinsitavansarpankshatriyo janamejayah
Sarpa va hinsitastata kimartham dvijasattama
12.2
किमर्थं मोक्षिताश्चैव पन्नगास्तेन शंस मे
आस्तीकेन तदाचक्ष्व श्रोतुमिच्छाम्यशेषतः
Kimartham mokshitashchaiva pannagastena shansa me
Astikena tadachakshva shrotumichchhamyasheshatah
12.3
ऋषिरुवाच
श्रोष्यसि त्वं रुरो सर्वमास्तीकचरितं महत्
ब्राह्मणानां कथयतामित्युक्त्वान्तरधीयत
Rishiruvacha
Shroshyasi tvam ruro sarvamastikacharitam mahat
Brahmananam kathayatamityuktvantaradhiyata
12.4
सूत उवाच
रुरुश्चापि वनं सर्वं पर्यधावत्समन्ततः
तमृषिं द्रष्टुमन्विच्छन्संश्रान्तो न्यपतद्भुवि
Suta uvacha
Rurushchapi vanam sarvam paryadhavatsamantatah
Tamrishim drashtumanvichchhansanshranto nyapatadbhuvi
12.5
लब्धसंज्ञो रुरुश्चायात्तच्चाचख्यौ पितुस्तदा
पिता चास्य तदाख्यानं पृष्टः सर्वं न्यवेदयत्
Labdhasangyo rurushchayattachchachakhyau pitustada
Pita chasya tadakhyanam prishtah sarvam nyavedayat