সূক্ত 4

4.1

শত্রুদমনম্। ১-২৫ চাতনঃ। ইন্দ্রসোমৌ। জগতী, ৮-১৪, ১৬-১৭, ১৯, ২২, ২৪ ত্রিষ্টুপ্, ২০,২৩ ভুরিক্, ২৫ অনুষ্টুপ্।

ইন্দ্রাসোমা তপতং রক্ষ উব্জতং ন্যঽর্পয়তং বৃষণা তমোবৃধঃ ।
পরা শৃণীতমচিতো ন্যোঽষতং হতং নুদেথাং নি শিশীতমত্ত্রিণঃ ॥১॥

4.2

ইন্দ্রাসোমা সমঘশংসমভ্য১ঘং তপুর্যয়স্তু চরুরগ্নিমাঁ ইব ।
ব্রহ্মদ্বিষে ক্রব্যাদে ঘোরচক্ষসে দ্বেষো ধত্তমনবায়ং কিমীদিনে ॥২॥

4.3

ইন্দ্রাসোমা দুষ্কৃতো বব্রে অন্তরনারম্ভণে তমসি প্র বিধ্যতম্।
যতো নৈষাং পুনরেকশ্চনোদয়ৎ তদ্ বামস্তু সহসে মন্যুমচ্ছবঃ ॥৩॥

4.4

ইন্দ্রাসোমা বর্তয়তং দিবো বধং সং পৃথিব্যা অঘশংসায় তর্হণম্।
উৎ তক্ষতং স্বর্যং১ পর্বতেভ্যো যেন রক্ষো বাবৃধানং নিজূর্বথঃ ॥৪॥

4.5

ইন্দ্রাসোমা বর্তয়তং দিবস্পর্যগ্নিতপ্তেভির্যুবমশ্মহন্মভিঃ ।
তপুর্বধেভিরজরেভিরত্ত্রিণো নি পর্শানে বিধ্যতং যন্তু নিস্বরম্ ॥৫॥

4.6

ইন্দ্রাসোমা পরি বাং ভূতু বিশ্বত ইয়ং মতিঃ কক্ষ্যাশ্বেব বাজিনা ।
যাং বাং হোত্রাং পরিহিনোমি মেধয়েমা ব্রহ্মাণি নৃপতী ইব জিন্বতম্ ॥৬॥

4.7

প্রতি স্মরেথাং তুজয়দ্ভিরেবৈর্হতং দ্রুহো রক্ষসো ভঙ্গুরাবতঃ ।
ইন্দ্রাসোমা দুষ্কৃতে মা সুগং ভূদ্ যো মা কদা চিদভিদাসতি দ্রুহুঃ ॥৭॥

4.8

যো মা পাকেন মনসা চরন্তমভিচষ্টে অনৃতেভির্বচোভিঃ ।
আপ ইব কাশিনা সংগৃভীতা অসন্নস্ত্বসতঃ ইন্দ্র বক্তা ॥৮॥

4.9

যে পাকশংসং বিহরন্ত এবৈর্যে বা ভদ্রং দূষয়ন্তি স্বধাভিঃ ।
অহয়ে বা তান্ প্রদদাতু সোম আ বা দধাতু নিরৃতেরুপস্থে ॥৯॥

4.10

যো নো রসং দিপ্সতি পিত্বো অগ্নে অশ্বানাং গবাং যস্তনূনাম্।
রিপু স্তেন স্তেয়কৃদ্ দভ্রমেতু নি ষ হীয়তাং তন্বা৩ তনা চ ॥১০॥

4.11

পরঃ সো অস্তু তন্বা৩ তনা চ তিস্রঃ পৃথিবীরধো অস্তু বিশ্বাঃ ।
প্রতি শুষ্যতু যশো অস্য দেবা যো মা দিবা দিপ্সতি যশ্চ নক্তম্ ॥১১॥

4.12

সুবিজ্ঞানং চিকিতুষে জনায় সচ্চাসচ্চ বচসী পস্পৃধাতে ।
তয়োর্যৎ সত্যং যতরদৃজীয়স্তদিৎ সোমোঽবতি হন্ত্যসৎ ॥১২॥

4.13

ন বা উ সোমো বৃজিনং হিনোতি ন ক্ষত্রিয়ং মিথুয়া ধারয়ন্তম্।
হন্তি রক্ষো হন্ত্যাসদ্ বদন্তমুভাবিন্দ্রস্য প্রসিতৌ শয়াতে ॥১৩॥

4.14

যদি বাহমনৃতদেবো অস্মি মোঘং বা দেবাঁ অপ্যূহে অগ্নে ।
কিমস্মভ্যং জাতবেদো হৃণীষে দ্রোঘবাচস্তে নিরৃথং সচন্তাম্ ॥১৪॥

4.15

অদ্যা মুরীয় যদি যাতুধানো অস্মি যদি বায়ুস্ততপ পুরুষস্য ।
অধা স বীরৈর্দশভির্বি যূয়া যো মা মোঘং যাতুধানেত্যাহ ॥১৫॥

4.16

যো মায়াতুং যাতুধানেত্যাহ যো বা রক্ষাঃ শুচিরস্মীত্যাহ ।
ইন্দ্রস্তং হন্তু মহতা বধেন বিশ্বস্য জন্তোরধমস্পদীষ্ট ॥১৬॥

4.17

প্র যা জিগাতি খর্গলেব নক্তমপ দ্রুহুস্তন্বং১গূহমানা ।
বব্রমনন্তমব সা পদীষ্ট গ্রাবাণো ঘ্নন্তু রক্ষস উপব্দৈঃ ॥১৭॥

4.18

বি তিষ্ঠধ্বং মরুতো বিক্ষ্বি৩ছত গৃভায়ত রক্ষসঃ সং পিনষ্টন।
বয়ো যে ভূত্বা পতয়ন্তি নক্তভির্যে বা রিপো দধিরে দেবে অধ্বরে ॥১৮॥

4.19

প্র বর্তয় দিবোঽশ্মানমিন্দ্র সোমশিতং মঘবন্ত্সং শিশাধি ।
প্রাক্তো অপাক্তোঅধরাদুদক্তোঽভিজহি রক্ষসঃ পর্বতেন ॥১৯॥

4.20

এত উ ত্যে পতয়ন্তি শ্বয়াতব ইন্দ্রং দিপ্সন্তি দিপ্সবোঽদাভ্যম্।
শিশীতে শক্রঃ পিশুনেভ্যো বধং নুনং সৃজদশনিং যাতুমদ্ভ্যঃ ॥২০॥

4.21

ইন্দ্রো যাতূনামভবৎ পরাশরো হবির্মথীনামভ্যা৩বিবাসতাম্।
অভীদু শক্রঃ পরশুর্যথা বনং পাত্রেব ভিন্দন্ত্সত এতু রক্ষসঃ ॥২১॥

4.22

উলূকয়াতুং শুশুলূকয়াতুং জহি শ্বয়াতুমুত কোকয়াতুম্।
সুপর্ণয়াতুমুত গৃধ্রয়াতুং দৃষদেব প্র মৃণ রক্ষ ইন্দ্র ॥২২॥

4.23

মা নো রক্ষো অভি নড্ যাতুমাবদপোচ্ছন্তু মিথুনা যে কিমীদিনঃ ।
পৃথিবী নঃ পার্থিবাৎ পাত্বংহসোঽন্তরিক্ষং দিব্যাৎ পাত্বস্মান্ ॥২৩॥

4.24

ইন্দ্র জহি পুমাংসং যাতুধানমুত স্ত্রিয়ং মায়য়া শাশদানাম্।
বিগ্রীবাসো মূরদেবা ঋদন্তু মা তে দৃশন্ত্সূর্যমুচ্চরন্তম্ ॥২৪॥

4.25

প্রতি চক্ষ্ব বি চক্ষ্বেন্দ্রশ্চ সোম জাগৃতম্।
রক্ষোভ্যো বধমস্যতমশনিং যাতুমদ্ভ্যঃ ॥২৫॥