সূক্ত 82

82.1

অগ্নিঃ। ১-৬ শৌনকঃ (সংপত্কামঃ)। অগ্নিঃ। ত্রিষ্টুপ্, ২ ককুম্মতী বৃহতী, ৩ জগতী।

অভ্যঽর্চত সুষ্টুতিং গব্যমাজিমস্মাসু ভদ্রা দ্রবিণানি ধত্ত ।
ইমং যজ্ঞং নয়ত দেবতা নো ঘৃতস্য ধারা মধুমৎ পবন্তাম্ ॥১॥

82.2

ময্যগ্রে অগ্নিং গৃহ্ণামি সহ ক্ষত্রেণ বর্চসা বলেন ।
ময়ি প্রজাং ময্যায়ুর্দধামি স্বাহা ময্যগ্নিম্ ॥২॥

82.3

ইহৈবাগ্নে অধি ধারয়া রয়িং মা ত্বা নি ক্রন্ পূর্বচিত্তা নিকারিণঃ ।
ক্ষত্রেণাগ্নে সুয়মমস্তু তুভ্যমুপসত্তা বর্ধতাং তে অনিষ্টৃতঃ ॥৩॥

82.4

অন্বগ্নিরুষসামগ্রমখ্যদন্বহানি প্রথমো জাতবেদাঃ ।
অনু সূর্য উষসো অনু রশ্মীননু দ্যাবাপৃথিবী আ বিবেশ ॥৪॥

82.5

প্রত্যগ্নিরুষসামগ্রমখ্যৎ প্রত্যহানি প্রথমো জাতবেদাঃ ।
প্রতি সূর্যস্য পুরুধা চ রশ্মীন্ প্রতি দ্যাবাপৃথিবী আ ততান ॥৫॥

82.6

ঘৃতং তে অগ্নে দিব্যে সধস্থে ঘৃতেন ত্বাং মনুরদ্যা সমিন্ধে ।
ঘৃতং তে দেবীর্নপ্ত্য১আ বহন্তু ঘৃতং তুভ্যং দুহ্রতাং গাবো অগ্নে ॥৬॥