সূক্ত 83

83.1

পাশমোচনম্। ১-৪ শুনঃশেপঃ। বরুণঃ। অনুষ্টুপ্, ২ পথ্যাপঙ্ক্তিঃ, ৩ ত্রিষ্টুপ্, ৪ বৃহতীগর্ভা ত্রিষ্টুপ্।

অপ্সু তে রাজন্ বরুণ গৃহো হিরণ্যয়ো মিথঃ ।
ততো ধৃতব্রতো রাজা সর্বা ধামানি মুঞ্চতু ॥১॥

83.2

ধাম্নোধাম্নো রাজন্নিতো বরুণ মুঞ্চ নঃ ।
যদাপো অঘ্ন্যা ইতি বরুণেতি যদূচিম ততো বরুণ মুঞ্চ নঃ ॥২॥

83.3

উদুত্তমং বরুণ পাশমস্মদবাধমং বি মধ্যমং শ্রথায় ।
অধা বয়মাদিত্য ব্রতে তবানাগসো অদিতয়ে স্যাম ॥৩॥

83.4

প্রাস্মৎ পাশান্ বরুণ মুঞ্চ সর্বান্ য উত্তমা অধমা বারুণা যে ।
দুষ্বপ্ন্যং দুরিতং নি ষ্বাস্মদথ গচ্ছেম সুকৃতস্য লোকম্ ॥৪॥