Sukta 83

83.1

Pashamochanam, 1-4 shunahshepah, varunah, anushtup, 2 pathyapanktih, 3 trishtup, 4 brihatigarbha trishtup

अ॒प्सु ते॑ राजन् वरुण गृ॒हो हि॑र॒ण्ययो॑ मि॒थः ।
ततो॑ धृ॒तव्र॑तो॒ राजा॒ सर्वा॒ धामा॑नि मुञ्चतु ॥१॥

Apsu te rajan varuna griho hiranyayo mithah
Tato dhritavrato raja sarva dhamani munchatu

धाम्नो॑धाम्नो राजन्नि॒तो व॑रुण मुञ्च नः ।
यदापो॑ अ॒घ्न्या इति॒ वरु॒णेति॒ यदू॑चि॒म ततो॑ वरुण मुञ्च नः ॥२॥

Dhamnodhamno rajannito varuna muncha nah
Yadapo aghnya iti varuneti yaduchima tato varuna muncha nah

उदु॑त्त॒मं व॑रुण॒ पाश॑म॒स्मदवा॑ध॒मं वि म॑ध्य॒मं श्र॑थाय ।
अधा॑ व॒यमा॑दित्य व्र॒ते तवाना॑गसो॒ अदि॑तये स्याम ॥३॥

Uduttamam varuna pashamasmadavadhamam vi madhyamam shrathaya
Adha vayamaditya vrate tavanagaso aditaye syama

प्रास्मत् पाशा॑न् वरुण मुञ्च॒ सर्वा॒न् य उ॑त्त॒मा अ॑ध॒मा वा॑रु॒णा ये ।
दु॒ष्वप्न्यं॑ दुरि॒तं नि ष्वा॒स्मदथ॑ गच्छेम सुकृ॒तस्य॑ लो॒कम् ॥४॥

Prasmat pashan varuna muncha sarvan ya uttama adhama varuna ye
Dushvapnyam duritam ni shvasmadatha gachchhema sukritasya lokam