সূক্ত 81

81.1

সূর্যাচন্দ্রমসৌ। ১-৬ অথর্বা। সাবিত্রী, সূর্যঃ, চন্দ্রমাঃ। ত্রিষ্টুপ্, ৩ অনুষ্টুপ্, ৪ আস্তারপঙ্ক্তিঃ, ৫ সম্রাডাস্তারপঙ্ক্তিঃ।

পূর্বাপরং চরতো মায়য়ৈতৌ শিশূ ক্রীডন্তৌ পরি যাতোঽর্ণবম্।
বিশ্বান্যো ভুবনা বিচষ্ট ঋতূঁরন্যো বিদধজ্জায়সে নবঃ ॥১॥

81.2

নবোনবো ভবসি জায়মানোঽহ্নাং কেতুরুষসামেষ্যগ্রম্।
ভাগং দেবেভ্যো বি দধাস্যায়ন্ প্র চন্দ্রমস্তিরসে দীর্ঘমায়ুঃ ॥২॥

81.3

সোমস্যাংশো যুধাং পতেঽনূনো নাম বা অসি ।
অনূনং দর্শ মা কৃধি প্রজয়া চ ধনেন চ ॥৩॥

81.4

দর্শোঽসি দর্শতোঽসি সমগ্রোঽসি সমন্তঃ ।
সমগ্রঃ সমন্তো ভূয়াসং গোভিরশ্বৈঃ প্রজয়া পশুভির্গৃহৈর্ধনেন ॥৪॥

81.5

যো৩ঽস্মান্ দ্বেষ্টি যং বয়ং দ্বিষ্মস্তস্য ত্বং প্রাণেনা প্যায়স্ব ।
আ বয়ং প্যাসিষীমহি গোভিরশ্বৈঃ প্রজয়া পশুভির্গৃহৈর্ধনেন ॥৫॥

81.6

যং দেবা অংশুমাপ্যায়য়ন্তি যমক্ষিতমক্ষিতা ভক্ষয়ন্তি ।
তেনাস্মানিন্দ্রো বরুণো বৃহস্পতিরা প্যায়য়ন্তু ভুবনস্য গোপাঃ ॥৬॥