সূক্ত 6

6.1

ব্রহ্মবিদ্যা। ১-১৪ অথর্বা। সোমরুদ্রৌ। ১ ব্রহ্ম, ২ কর্মাণি, ৩-৪ রুদ্রগণাঃ, ৫-৮ সোমারুদ্রৌ, ৯ হেতিঃ, ১০-১৪ সর্বাত্মা রুদ্রঃ। ত্রিষ্টুপ্, ২ অনুষ্টুপ্, ৩ জগতী, ৪ অনুষ্টুবুষ্ণিক্-ত্রিষ্টুব্গর্ভা পঞ্চপদা জগতী, ৫-৭ ত্রিপদা বিরাণ্নাম গায়ত্রী, ৮ একাবসানা দ্বিপদার্চ্যনুষ্টুপ্, ১০ প্রস্তারপঙ্ক্তিঃ, ১১-১৩ পঙ্ক্তিঃ, ১৪ স্বরাট্-পঙ্ক্তিঃ।

ব্রহ্ম জজ্ঞানং প্রথমং পুরস্তাদ্ বি সীমতঃ সুরুচো বেন আবঃ ।
স বুধ্ন্যাঽ উপমা অস্য বিষ্ঠাঃ সতশ্চ যোনিমসতশ্চ বি বঃ ॥১॥

6.2

অনাপ্তা যে বঃ প্রথমা যানি কর্মাণি চক্রিরে।
বীরান্ নো অত্র মা দভন্ তদ্ ব এতৎ পুরো দধে ॥২॥

6.3

সহস্রধার এব তে সমস্বরন্ দিবো নাকে মধুজিহ্বা অসশ্চতঃ ।
তস্য স্পশো ন নি মিষন্তি ভূর্ণয়ঃ পদেপদে পাশিনঃ সন্তি সেতবে ॥৩॥

6.4

পর্যূ ষু প্র ধন্বা বাজসাতয়ে পরি বৃত্রাণি সক্ষণিঃ ।
দ্বিষস্তদধ্যর্ণবেনেয়সে সনিস্রসো নামাসি ত্রয়োদশো মাস ইন্দ্রস্য গৃহঃ ॥৪॥

6.5

ন্বে৩তেনারাত্সীরসৌ স্বাহা ।
তিগ্মায়ুধৌ তিগ্মহেতী সুশেবৌ সোমারুদ্রাবিহ সু মৃডতং নঃ ॥৫॥

6.6

অবৈতেনারাত্সীরসৌ স্বাহা ।
তিগ্মায়ুধৌ তিগ্মহেতী সুশেবৌ সোমারুদ্রাবিহ সু মৃডতং নঃ ॥৬॥

6.7

অপৈতেনারাত্সীরসৌ স্বাহা ।
তিগ্মায়ুধৌ তিগ্মহেতী সুশেবৌ সোমারুদ্রাবিহ সু মৃডতং নঃ ॥৭॥

6.8

মুমুক্তমস্মান্ দুরিতাদবদ্যাজ্জুষেথাং যজ্ঞমমৃতমস্মাসু ধত্তম্ ॥৮॥

6.9

চক্ষুষো হেতে মনসো হেতে ব্রহ্মণো হেতে তপসশ্চ হেতে ।
মেন্যা মেনিরস্যমেনয়স্তে সন্তু যে৩স্মাঁ অভ্যঘায়ন্তি ॥৯॥

6.10

যো৩ঽস্মাংশ্চক্ষুষা মনসা চিত্ত্যাকূত্যা চ যো অঘায়ুরভিদাসাৎ।
ত্বং তানগ্নে মেন্যামেনীন্ কৃণু স্বাহা ॥১০॥

6.11

ইন্দ্রস্য গৃহোঽসি । তং ত্বা প্র পদ্যে তং ত্বা প্র বিশামি সর্বগুঃ
সর্বপূরুষঃ সর্বাত্মা সর্বতনূঃ সহ যন্মেঽস্তি তেন ॥১১॥

6.12

ইন্দ্রস্য শর্মাসি ।তং ত্বা প্র পদ্যে তং ত্বা প্র বিশামি সর্বগুঃ
সর্বপূরুষঃ সর্বাত্মা সর্বতনূঃ সহ যন্মেঽস্তি তেন ॥১২॥

6.13

ইন্দ্রস্য বর্মাসি ।তং ত্বা প্র পদ্যে তং ত্বা প্রবিশামি সর্বগুঃ
সর্বপূরুষঃ সর্বাত্মা সর্বতনূঃ সহ যন্মেঽস্তি তেন ॥১৩॥

6.14

ইন্দ্রস্য বরূথমসি । তং ত্বা প্র পদ্যে তং ত্বা প্রবিশামি সর্বগুঃ
সর্বপূরুষঃ সর্বাত্মা সর্বতনূঃ সহ যন্মেঽস্তি তেন ॥১৪॥