সূক্ত 5

5.1

লাক্ষা ১-৯ অথর্বা। লাক্ষা। অনুষ্টুপ্।

রাত্রী মাতা নভঃ পিতার্যমা তে পিতামহঃ ।
সিলাচী নাম বা অসি সা দেবানামসি স্বসা ॥১॥

5.2

যস্ত্বা পিবতি জীবতি ত্রায়সে পুরুষং ত্বম্।
ভর্ত্রী হি শশ্বতামসি জনানাং চ ন্যঞ্চনী ॥২॥

5.3

বৃক্ষংবৃক্ষমা রোহসি বৃষণ্যন্তীব কন্যলা ।
জয়ন্তী প্রত্যাতিষ্ঠন্তী স্পরণী নাম বা অসি ॥৩॥

5.4

যদ্ দণ্ডেন যদিষ্বা যদ্ বারুর্হরসা কৃতম্।
তস্য ত্বমসি নিষ্কৃতিঃ সেমং নিষ্কৃধি পূরুষম্ ॥৪॥

5.5

ভদ্রাৎ প্লক্ষান্নিস্তিষ্ঠস্যশ্বত্থাৎ খদিরাদ্ধবাৎ।
ভদ্রান্ন্যগ্রোধাৎ পর্ণাৎ সা ন এহ্যরুন্ধতি ॥৫॥

5.6

হিরণ্যবর্ণে সুভগে সূর্যবর্ণে বপুষ্টমে ।
রুতং গছাসি নিষ্কৃতে নিষ্কৃতির্নাম বা অসি ॥৬॥

5.7

হিরণ্যবর্ণে সুভগে শুষ্মে লোমশবক্ষনে ।
অপামসি স্বসা লাক্ষে বাতো হাত্মা বভূব তে ॥৭॥

5.8

সিলাচী নাম কানীনোঽজবভ্রু পিতা তব ।
অশ্বো যমস্য যঃ শ্যাবস্তস্য হাস্নাস্যুক্ষিতা ॥৮॥

5.9

অশ্বস্যাস্নঃ সংপতিতা সা বৃক্ষাং অভি সিষ্যদে ।
সরা পতত্রিণী ভূত্বা সা ন এহ্যরুন্ধতি ॥৯॥