সূক্ত 4

4.1

কুষ্ঠতক্মনাশনম্। ১-১০ ভৃগ্বঙ্গিরাঃ। কুষ্ঠো, যক্ষ্মনাশনম্। অনুষ্টপ্, ৫ ভুরিক্, ৬ গায়ত্রী, ১০ উষ্ণিগ্গর্ভা নিচৃৎ।

যো গিরিষ্বজায়থা বীরুধাং বলবত্তমঃ ।
কুষ্ঠেহি তক্মনাশন তক্মানং নাশয়ন্নিতঃ ॥১॥

4.2

সুপর্ণসুবনে গিরৌ জাতং হিমবতস্পরি ।
ধনৈরভি শ্রুত্বা যন্তি বিদুর্হি তক্মনাশনম্ ॥২॥

4.3

অশ্বত্থো দেবসদনস্তৃতীয়স্যামিতো দিবি।
তত্রামৃতস্য চক্ষণং দেবাঃ কুষ্ঠমবন্বত ॥৩॥

4.4

হিরণ্যয়ী নৌরচরদ্ধিরণ্যবন্ধনা দিবি।
তত্রামৃতস্য পুষ্পং দেবাঃ কুষ্ঠমবন্বত ॥৪॥

4.5

হিরণ্যয়াঃ পন্থান আসন্নরিত্রাণি হিরণ্যয়া ।
নাবো হিরণ্যয়ীরাসন্ যাভিঃ কুষ্ঠং নিরাবহন্ ॥৫॥

4.6

ইমং মে কুষ্ঠ পূরুষং তমা বহ তং নিষ্কুরু ।
তমু মে অগদং কৃধি ॥৬॥

4.7

দেবেভ্যো অধি জাতোঽসি সোমস্যাসি সখা হিতঃ ।
স প্রাণায় ব্যানায় চক্ষুষে মে অস্মৈ মৃড ॥৭॥

4.8

উদঙ্ জাতো হিমবতঃ স প্রাচ্যাং নীয়সে জনম্।
তত্র কুষ্ঠস্য নামান্যুত্তমানি বি ভেজিরে ॥৮॥

4.9

উত্তমো নাম কুষ্ঠস্যুত্তমো নাম তে পিতা।
যক্ষ্মং চ সর্বং নাশয় তক্মানং চারসং কৃধি ॥৯॥

4.10

শীর্ষাময়মুপহত্যামক্ষ্যোস্তন্বো৩রপঃ ।
কুষ্ঠস্তৎ সর্বং নিষ্করদ্ দৈবং সমহ বৃষ্ণ্যম্ ॥১০॥