সূক্ত 3

3.1

বিজয়ায় প্রার্থনা। ১-১১ বৃহদ্দিবোঽথর্বা। ১-২ অগ্নিঃ, ৩-৪ দেবাঃ, ৫ দ্রবিণোদাঃ, ৬ দেবীঃ, ৭ সোমঃ, ৮,১১ ইন্দ্রঃ, ৯ ধাতা, বিধাতা, সবিতা, আদিত্যাঃ. রুদ্রাঃ, অশ্বিনৌ, ১০ আদিত্যাঃ, রুদ্রাঃ। ত্রিষ্টুপ্, ২ ভুরিক্, ১০ বিরাড্-জগতী।

মমাগ্নে বর্চো বিহবেষ্বস্তু বয়ং ত্বেন্ধানাস্তন্বংঽপুষেম ।
মহ্যং নমন্তাং প্রদিশশ্চতস্রস্ত্বয়াধ্যক্ষেণ পৃতনা জয়েম ॥১॥

3.2

অগ্নে মন্যুং প্রতিনুদন্ পরেষাং ত্বং নো গোপাঃ পরি পাহি বিশ্বতঃ ।
অপাঞ্চো যন্তু নিবতা দুরস্যবোঽমৈষাং চিত্তং প্রবুধাং বি নেশৎ ॥২॥

3.3

মম দেবা বিহবে সন্তু সর্ব ইন্দ্রবন্তো মরুতো বিষ্ণুরগ্নিঃ ।
মমান্তরিক্ষমুরুলোকমস্তু মহ্যং বাতঃ পবতাং কামায়াস্মৈ ॥৩॥

3.4

মহ্যং যজন্তাং মম যানীষ্টাকূতিঃ সত্যা মনসো মে অস্তু ।
এনো মা নি গাং কতমচ্চনাহং বিশ্বে দেবা অভি রক্ষন্তু মেহ ॥৪॥

3.5

ময়ি দেবা দ্রবিণমা যজন্তাং ময্যাশীরস্তু ময়ি দেবহূতিঃ ।
দৈবাঃ হোতারঃ সনিষন্ন এতদরিষ্টাঃ স্যাম তন্বাঽসুবীরাঃ ॥৫॥

3.6

দৈবীঃ ষডুর্বীরুরু নঃ কৃণোত বিশ্বে দেবাস ইহ মাদয়ধ্বম্।
মা নো বিদদভিভা মো অশস্তির্মা নো বিদদ্ বৃজিনা দ্বেষ্যা যা ॥৬॥

3.7

তিস্রো দেবীর্মহি নঃ শর্ম যছত প্রজায়ৈ নস্তন্বে৩য়চ্চ পুষ্টম্।
মা হাস্মহি প্রজয়া মা তনূভির্মা রধাম দ্বিষতে সোম রাজন্ ॥৭॥

3.8

উরুব্যচা নো মহিষঃ শর্ম যছত্বস্মিন্ হবে পুরুহূতঃ পুরুক্ষু।
স নঃ প্রজায়ৈ হর্যশ্ব মৃডেন্দ্র মা নো রীরিষো মা পরা দাঃ ॥৮॥

3.9

ধাতা বিধাতা ভুবনস্য যস্পতির্দেবঃ সবিতাভিমাতিষাহঃ ।
আদিত্যা রুদ্রা অশ্বিনোভা দেবাঃ পান্তু যজমানং নিরৃথাৎ ॥৯॥

3.10

যে নঃ সপত্না অপ তে ভবন্ত্বিন্দ্রাগ্নিভ্যামব বাধামহ এনান্।
আদিত্যা রুদ্রা উপরিস্পৃশো ন উগ্রং চেত্তারমধিরাজমক্রত ॥১০॥

3.11

অর্বাঞ্চমিন্দ্রমমুতো হবামহে যো গোজিদ্ ধনজিদশ্বজিদ্ যঃ ।
ইমং নো যজ্ঞং বিহবে শৃণোত্বস্মাকমভূর্হর্যশ্ব মেদী ॥১১॥