সূক্ত 30

30.1

দীঘায়ুষ্যম্। ১-১৭ উন্মোচনঃ (আয়ুষ্কামঃ)। আয়ুষ্যম্। অনুষ্টুপ্, ১ পথ্যাপঙ্ক্তিঃ, ৯ ভুরিক্, ১২ চতুষ্পদা বিরাড্-জগতী, ১৪ বিরাট-প্রস্তারপঙ্ক্তিঃ। ১৭ ত্র্যবসানা ষট্-পদা জগতী।

আবতস্ত আবতঃ পরাবতস্ত আবতঃ ।
ইহৈব ভব মা নু গা মা পূর্বাননু গাঃ পিতৄনসুং বধ্নামি তে দৃঢম্ ॥১॥

30.2

যৎ ত্বাভিচেরুঃ পুরুষঃ স্বো যদরণো জনঃ ।
উন্মোচনপ্রমোচনে উভে বাচা বদামি তে ॥২॥

30.3

যদ্ দুদ্রোহিথ শেপিষে স্ত্রিয়ৈ পুংসে অচিত্ত্যা ।
উন্মোচনপ্রমোচনে উভে বাচা বদামি তে ॥৩॥

30.4

যদেনসো মাতৃকৃতাচ্ছেষে পিতৃকৃতাচ্চ যৎ।
উন্মোচনপ্রমোচনে উভে বাচা বদামি তে ॥৪॥

30.5

যৎ তে মাতা যৎ তে পিতা জামির্ভ্রাতা চ সর্জতঃ ।
প্রত্যক্ সেবস্ব ভেষজং জরদষ্টিং কৃণোমি ত্বা ॥৫॥

30.6

ইহৈধি পুরুষ সর্বেণ মনসা সহ।
দূতৌ যমস্য মানু গা অধি জীবপুরা ইহি ॥৬॥

30.7

অনুহূতঃ পুনরেহি বিদ্বানুদয়নং পথঃ ।
আরোহণমাক্রমণং জীবতোজীবতোঽয়নম্ ॥৭॥

30.8

মা বিভের্ন মরিষ্যসি জরদষ্টিং কৃণোমি ত্বা ।
নিরবোচমহং যক্ষ্মমঙ্গেভ্যো অঙ্গজ্বরং তব ॥৮॥

30.9

অঙ্গভেদো অঙ্গজ্বরো যশ্চ তে হৃদয়াময়ঃ ।
যক্ষ্মঃ শ্যেন ইব প্রাপপ্তদ্ বাচা সাঢঃ পরস্তরাম্ ॥৯॥

30.10

ঋষী বোধপ্রতীবোধাবস্বপ্নো যশ্চ জাগৃবিঃ ।
তৌ তে প্রাণস্য গোপ্তারৌ দিবা নক্তং চ জাগৃতাম্ ॥১০॥

30.11

অয়মগ্নিরুপসদ্য ইহ সূর্য উদেতু তে ।
উদেহি মৃত্যোর্গম্ভীরাৎ কৃষ্ণাচ্চিৎ তমসস্পরি ॥১১॥

30.12

নমো যমায় নমো অস্তু মৃত্যবে নমঃ পিতৃভ্য উত যে নয়ন্তি ।
উত্পারণস্য যো বেদ তমগ্নিং পুরো দধেঽস্মা অরিষ্টতাতয়ে ॥১২॥

30.13

ঐতু প্রাণ ঐতু মন ঐতু চক্ষুরথো বলম্।
শরীরমস্য সং বিদাং তৎ পদ্ভ্যাং প্রতি তিষ্ঠতু ॥১৩॥

30.14

প্রাণেনাগ্নে চক্ষুষা সং সৃজেমং সমীরয় তন্বা৩সং বলেন ।
বেত্থামৃতস্য মা নু গান্মা নু ভূমিগৃহো ভুবৎ ॥১৪॥

30.15

মা তে প্রাণ উপ দসন্মো অপানোঽপি ধায়ি তে ।
সূর্যস্ত্বাধিপতির্মৃত্যোরুদায়চ্ছতু রশ্মিভিঃ ॥১৫॥

30.16

ইয়মন্তর্বদতি জিহ্বা বদ্ধা পনিষ্পদা।
ত্বয়া যক্ষ্মং নিরবোচং শতং রোপীশ্চ তক্মনঃ ॥১৬॥

30.17

অয়ং লোকঃ প্রিয়তমো দেবানামপরাজিতঃ ।
যস্মৈ ত্বমিহ মৃত্যবে দিষ্টঃ পুরুষ জজ্ঞিষে।
স চ ত্বানু হ্বয়ামসি মা পুরা জরসো মৃথাঃ ॥১৭॥