সূক্ত 29

29.1

রক্ষোঘ্নম্। ১-১৫ চাতনঃ। জাতবেদাঃ, মন্ত্রোক্তাঃ। ত্রিষ্টুপ্, ৩ ত্রিপদা বিরাণ্নাম গায়ত্রী, ৫ পুরোঽতিজগতী বিরাড্-জগতী,১২-১৫ অনুষ্টুপ্ ( ১২ ভুরিক্, ১৪ চতুষ্পদা পরাবৃহতী ককুম্মতী।

পুরস্তাদ্ যুক্তো বহ জাতবেদোঽগ্নে বিদ্ধি ক্রিয়মাণং যথেদম্।
ত্বং ভিষগ্ ভেষজস্যাসি কর্তা ত্বয়া গামশ্বং পুরুষং সনেম ॥১॥

29.2

তথা তদগ্নে কৃণু জাতবেদো বিশ্বেভির্দেবৈঃ সহ সংবিদানঃ ।
যো নো দিদেব যতমো জঘাস যথা সো অস্য পরিধিষ্পতাতি ॥২॥

29.3

যথা সো অস্য পরিধিষ্পতাতি তথা তদগ্নে কৃণু জাতবেদঃ ।
বিশ্বেভির্দেবৈঃ সহ সংবিদানঃ ॥৩॥

29.4

অক্ষ্যৌ৩নি বিধ্য হৃদয়ং নি বিধ্য জিহ্বাং নি তৃন্দ্ধি প্র দতো মৃণীহি ।
পিশাচো অস্য যতমো জঘাসাগ্নে যবিষ্ঠ প্রতি তং শৃণীহি ॥৪॥

29.5

যদস্য হৃতং বিহৃতং যৎ পরাভৃতমাত্মনো জগ্ধং যতমৎ পিশাচৈঃ ।
তদগ্নে বিদ্বান্ পুনরা ভর ত্বং শরীরে মাংসমসুমেরয়ামঃ ॥৫॥

29.6

আমে সুপক্বে শবলে বিপক্বে যো মা পিশাচো অশনে দদম্ভ ।
তদাত্মনা প্রজয়া পিশাচা বি যাতয়ন্তামগদো৩য়মস্তু ॥৬॥

29.7

ক্ষিরে মা মন্থে যতমো দদম্ভাকৃষ্টপচ্যে অশনে ধান্যে৩য়ঃ ।
তদাত্মনা প্রজয়া পিশাচা বি যাতয়ন্তামগদো৩য়মস্তু ॥৭॥

29.8

অপাং মা পানে যতমো দদম্ভ ক্রব্যাদ্ যাতূনাং শয়নে শয়ানম্।
তদাত্মনা প্রজয়া পিশাচা বি যাতয়ন্তামগদো৩য়মস্তু ॥৮॥

29.9

দিবা মা নক্তং যতমো দদম্ভ ক্রব্যাদ্ যাতূনাং শয়নে শয়ানম্।
তদাত্মনা প্রজয়া পিশাচা বি যাতয়ন্তামগদো৩য়মস্তু ॥৯॥

29.10

ক্রব্যাদমগ্নে রুধিরং পিশাচং মনোহনং জহি জাতবেদঃ ।
তমিন্দ্রো বাজী বজ্রেণ হন্তু ছিনত্তু সোমঃ শিরো অস্য ধৃষ্ণুঃ ॥১০॥

29.11

সনাদগ্নে মৃণসি যাতুধানান্ ন ত্বা রক্ষাংসি পৃতনাসু জিগ্যুঃ ।
সহমূরাননু দহ ক্রব্যাদো মা তে হেত্যা মুক্ষতঃ দৈব্যায়াঃ ॥১১॥

29.12

সমাহর জাতবেদো যদ্ধৃতং যৎ পরাভৃতম্।
গাত্রাণ্যস্য বর্ধন্তামংশুরিবা প্যায়তাময়ম্ ॥১২॥

29.13

সোমস্যেব জাতবেদো অংশুরা প্যায়তাময়ম্।
অগ্নে বিরপ্শিনং মেধ্যময়ক্ষ্মং কৃণু জীবতু ॥১৩॥

29.14

এতাস্তে অগ্নে সমিধঃ পিশাচজম্ভনীঃ ।
তাস্ত্বং জুষস্ব প্রতি চৈনা গৃহাণ জাতবেদঃ ॥১৪॥

29.15

তার্ষ্টাঘীরগ্নে সমিধঃ প্রতি গৃহ্ণাহ্যর্চিষা ।
জহাতু ক্রব্যাদ্ রূপং যো অস্য মাংসং জিহীর্ষতি ॥১৫॥