সূক্ত 31

31.1

কৃত্যাপরিহরণম্। ১-১২ শক্রঃ। কৃত্যাদূষণম্। অনুষ্টুপ্, ১১ বৃহতীগর্ভা অনুষ্টুপ্, ১২ পথ্যাবৃহতী।

যাং তে চক্রুরামে পাত্রে যাং চক্রুর্মিশ্রধান্যে ।
আমে মাংসে কৃত্যাং যাং চক্রুঃ পুনঃ প্রতি হরামি তাম্ ॥১॥

31.2

যাং তে চক্রুঃ কৃকবাকাবজে বা যাং কুরীরিণি ।
অব্যাং তে কৃত্যাং যাং চক্রুঃ পুনঃ প্রতি হরামি তাম্ ॥২॥

31.3

যাং তে চক্রুরেকশফে পশূনামুভয়াদতি ।
গর্দভে কৃত্যাং যাং চক্রুঃ পুনঃ প্রতি হরামি তাম্ ॥৩॥

31.4

যাং তে চক্রুরমূলায়াং বলগং বা নরাচ্যাম্।
ক্ষেত্রে তে কৃত্যাং যাং চক্রুঃ পুনঃ প্রতি হরামি তাম্ ॥৪॥

31.5

যাং তে চক্রুর্গার্হপত্যে পূর্বাগ্নাবুত দুশ্চিতঃ ।
শালায়াং কৃত্যাং যাং চক্রুঃ পুনঃ প্রতি হরামি তাম্ ॥৫॥

31.6

যাং তে চক্রুঃ সভায়াং যাং চক্রুরধিদেবনে ।
অক্ষেষু কৃত্যাং যাং চক্রুঃ পুনঃ প্রতি হরামি তাম্ ॥৬॥

31.7

যাং তে চক্রুঃ সেনায়াং যাং চক্রুরিষ্বায়ুধে।
দুন্দুভৌ কৃত্যাং যাং চক্রুঃ পুনঃ প্রতি হরামি তাম্ ॥৭॥

31.8

যাং তে কৃত্যাং কূপেঽবদধুঃ শ্মশানে বা নিচখ্নুঃ ।
সদ্মনি কৃত্যাং যাং চক্রুঃ পুনঃ প্রতি হরামি তাম্ ॥৮॥

31.9

যাং তে চক্রুঃ পুরুষাস্থে অগ্নৌ সংকসুকে চ যাম্।
ম্রোকং নির্দাহং ক্রব্যাদং পুনঃ প্রতি হরামি তাম্ ॥৯॥

31.10

অপথেনা জভারৈণাং তাং পথেতঃ প্র হিণ্মসি ।
অধীরো মর্যাধীরেভ্যঃ সং জভারাচিত্ত্যা ॥১০॥

31.11

যশ্চকার ন শশাক কর্তুং শশ্রে পাদমঙ্গুরিম্।
চকার ভদ্রমস্মভ্যমভগো ভগবদ্ভ্যঃ ॥১১॥

31.12

কৃত্যাকৃতং বলগিনং মূলিনং শপথেয্যঽম্।
ইন্দ্রস্তং হন্তু মহতা বধেনাগ্নির্বিধ্যত্বস্তয়া ॥১২॥