সূক্ত 21

21.1

শত্রুসেনাত্রাসনম্। ১-১২ ব্রহ্ম। বনস্পতিঃ, দুন্দুভিঃ, ১০-১২ আদিত্যাদয়ঃ। অনুষ্টুপ্, ১, ৪-৫ পথ্যাপঙ্ক্তিঃ, ৬ জগতী, ১১ বৃহতীগর্ভা ত্রিষ্টুপ্, ১২ ত্রিপদা যবমধ্যা গায়ত্রী।

বিহৃদয়ং বৈমনস্যং বদামিত্রেষু দুন্দুভে ।
বিদ্বেষং কশ্মশং ভয়মমিত্রেষু নি দধ্মস্যবৈনান্ দুন্দুভে জহি ॥১॥

21.2

উদ্বেপমানা মনসা চক্ষুষা হৃদয়েন চ ।
ধাবন্তু বিভ্যতোঽমিত্রাঃ প্রত্রাসেনাজ্যে হুতে ॥২॥

21.3

বানস্পত্যঃ সংভৃত উস্রিয়াভির্বিশ্বগোত্র্যঃ ।
প্রত্রাসমমিত্রেভ্যো বদাজ্যেনাভিঘারিতঃ ॥৩॥

21.4

যথা মৃগাঃ সংবিজন্ত আরণ্যাঃ পুরুষাদধি ।
এবা ত্বং দুন্দুভেঽমিত্রানভি ক্রন্দ প্র ত্রাসয়াথো চিত্তানি মোহয় ॥৪॥

21.5

যথা বৃকাদজাবয়ো ধাবন্তি বহু বিভ্যতীঃ ।
এবা ত্বং দুন্দুভেঽমিত্রানভি ক্রন্দ প্র ত্রাসয়াথো চিত্তানি মোহয় ॥৫॥

21.6

যথা শ্যেনাৎ পতত্রিণঃ সংবিজন্তে অহর্দিবি সিংহস্য স্তনথোর্যথা ।
এবা ত্বং দুন্দুভেঽমিত্রানভি ক্রন্দ প্র ত্রাসয়াথো চিত্তানি মোহয় ॥৬॥

21.7

পরামিত্রান্ দুন্দুভিনা হরিণস্যাজিনেন চ ।
সর্বে দেবা অতিত্রসন্ যে সংগ্রামস্যেশতে ॥৭॥

21.8

যৈরিন্দ্রঃ প্রক্রীডতে পদ্ঘোষৈশ্ছায়য়া সহ।
তৈরমিত্রাস্ত্রসন্তু নোঽমী যে যন্ত্যনীকশঃ ॥৮॥

21.9

জ্যাঘোষা দুন্দুভয়ো ভি ক্রোশন্তু যা দিশঃ ।
সেনাঃ পরাজিতা যতীরমিত্রাণামনীকশঃ ॥৯॥

21.10

আদিত্য চক্ষুরা দত্স্ব মরীচয়োঽনু ধাবত ।
পত্সঙ্গিনীরা সজন্তু বিগতে বাহুবীর্যেঽ ॥১০॥

21.11

যূয়মুগ্রা মরুতঃ পৃশ্নিমাতর ইন্দ্রেণ যুজা প্র মৃণীত শত্রূন্।
সোমো রাজা বরুণো রাজা মহাদেব উত মৃত্যুরিন্দ্রঃ ॥১১॥

21.12

এতা দেবসেনাঃ সূর্যকেতবঃ সচেতসঃ ।
অমিত্রান্ নো জয়ন্তু স্বাহা ॥১২॥