সূক্ত 22

22.1

তক্মনাশনম্। ১-১৪ ভৃগ্বঙ্গিরাঃ। তক্মনাশনঃ। অনুষ্টুপ্, ১ ভুরিক্ ত্রিষ্টুপ্, ২ ত্রিষ্টুপ্, ৫ বিরাট্, পথ্যাবৃহতী।

অগ্নিস্তক্মানমপ বাধতামিতঃ সোমো গ্রাবা বরুণঃ পূতদক্ষাঃ ।
বেদির্বর্হিঃ সমিধঃ শোশুচানা অপ দ্বেষাংস্যমুয়া ভবন্তু ॥১॥

অয়ং যো বিশ্বান্ হরিতান্ কৃণোষ্যুচ্ছোচয়ন্নগ্নিরিবাভিদুন্বন্।
অধা হি তক্মন্নরসো হি ভূয়া অধা ন্যঽঙ্ঙধরাঙ্ বা পরেহি ॥২॥

যঃ পরুষঃ পারুষেয়োঽবধ্বংস ইবারুণঃ ।
তক্মানং বিশ্বধাবীর্যাধরাঞ্চং পরা সুবা ॥৩॥

অধরাঞ্চং প্র হিণোমি নমঃ কৃত্বা তক্মনে ।
শকম্ভরস্য মুষ্টিহা পুনরেতু মহাবৃষান্ ॥৪॥

ওকো অস্য মূজবন্ত ওকো অস্য মহাবৃষাঃ ।
যাবজ্জাতস্তক্মংস্তাবানসি বল্হিকেষু ন্যোচরঃ ॥৫॥

তক্মন্ ব্যাঽল বি গদ ব্যঽঙ্গ ভূরি যাবয় ।
দাসীং নিষ্টক্বরীমিছ তাং বজ্রেণ সমর্পয় ॥৬॥

তক্মন্ মূজবতো গচ্ছ বল্হিকান্ বা পরস্তরাম্।
শূদ্রামিচ্ছ প্রফর্ব্যং১ তাং তক্মন্ বীঽব ধূনুহি ॥৭॥

মহাবৃষান্ মূজবতো বন্ধ্বদ্ধি পরেত্য ।
প্রৈতানি তক্মনে ব্রূমো অন্যক্ষেত্রাণি বা ইমা ॥৮॥

অন্যক্ষেত্রে ন রমসে বশী সন্মৃডয়াসি নঃ ।
অভূদু প্রার্থস্তক্মা স গমিষ্যতি বল্হিকান্ ॥৯॥

যৎ ত্বং শীতোঽথো রূরঃ সহ কাসাবেপয়ঃ ।
ভীমাস্তে তক্মন্ হেতয়স্তাভিঃ স্ম পরি বৃঙ্গ্ধি নঃ ॥১০॥

মা স্মৈতান্ত্সখীন্ কুরুথা বলাসং কাসমুদ্যুগম্।
মাস্মাতোঽর্বাঙৈঃ পুনস্তৎ ত্বা তক্মন্নুপ ব্রুবে ॥১১॥

তক্মন্ ভ্রাত্রা বলাসেন স্বস্রা কাসিকয়া সহ।
পাপ্মা ভ্রাতৃব্যেণ সহ গছামুমরণং জনম্ ॥১২॥

তৃতীয়কং বিতৃতীয়ং সদন্দিমুত শারদম্।
তক্মানং শীতং রূরং গ্রৈষ্মং নাশয় বার্ষিকম্ ॥১৩॥

গন্ধারিভ্যো মূজবদ্ভ্যোঽঙ্গেভ্যো মগধেভ্যঃ ।
প্রৈষ্যন্ জনমিব শেবধিং তক্মানং পরি দদ্মসি ॥১৪॥