সূক্ত 19

19.1

ব্রহ্মগবি ১-১৫ ময়োভূঃ। ব্রহ্মগবি। অনুষ্টুপ্, ২ বিরাট্-পুরস্তাদ্বৃবতী, ৭ উপরিষ্টাদ্বৃহতী।

অতিমাত্রমবর্ধন্ত নোদিব দিবমস্পৃশন্।
ভৃগুং হিংসিত্বা সৃঞ্জয়া বৈতহব্যাঃ পরাভবন্ ॥১॥

যে বৃহত্সামানমাঙ্গিরসমার্পয়ন্ ব্রাহ্মণং জনাঃ ।
পেত্বস্তেষামুভয়াদমবিস্তোকান্যাবয়ৎ ॥২॥

যে ব্রাহ্মণং প্রত্যষ্ঠীবন্ যে বাস্মিঞ্ছুল্কমীষিরে।
অস্নস্তে মধ্যে কুল্যায়াঃ কেশান্ খাদন্ত আসতে ॥৩॥

ব্রহ্মগবী পচ্যমানা যাবৎ সাভি বিজঙ্গহে ।
তেজো রাষ্ট্রস্য নির্হন্তি ন বীরো জায়তে বৃষা ॥৪॥

ক্রূরমস্যা আশসনং তৃষ্টং পিশিতমস্যতে ।
ক্ষীরং যদস্যাঃ পীয়তে তদ্ বৈ পিতৃষু কিল্বিষম্ ॥৫॥

উগ্রো রাজা মন্যমানো ব্রাহ্মণং যো জিঘত্সতি ।
পরা তৎ সিচ্যতে রাষ্ট্রং ব্রাহ্মণো যত্র জীয়তে ॥৬॥

অষ্টাপদী চতুরক্ষী চতুঃশ্রোত্রা চতুর্হনুঃ ।
দ্ব্যাঽস্যা দ্বিজিহ্বা ভূত্বা সা রাষ্ট্রমব ধূনুতে ব্রহ্মজ্যস্য ॥৭॥

তদ্ বৈ রাষ্ট্রমা স্রবতি নাবং ভিন্নামিবোদকম্।
ব্রহ্মাণং যত্র হিংসন্তি তদ্ রাষ্ট্রং হন্তি দুচ্ছুনা ॥৮॥

তং বৃক্ষা অপ সেধন্তি ছায়াং নো মোপগা ইতি ।
যো ব্রাহ্মণস্য সদ্ ধনমভি নারদ মন্যতে ॥৯॥

বিষমেতদ্ দেবকৃতং রাজা বরুণোঽব্রবীৎ।
ন ব্রাহ্মণস্য গাং জগ্ধ্বা রাষ্ট্রে জাগার কশ্চন ॥১০॥

নবৈব তা নবতয়ো যা ভূমির্ব্যঽধূনুত ।
প্রজাং হিংসিত্বা ব্রাহ্মণীমসংভব্যং পরাভবন্ ॥১১॥

যাং মৃতায়ানুবধ্নন্তি কূদ্যংঽ পদয়োপনীম্।
তদ্ বৈ ব্রহ্মজ্য তে দেবা উপস্তরণমব্রুবন্ ॥১২॥

অশ্রূণি কৃপমানস্য যানি জীতস্য বাবৃতুঃ ।
তং বৈ ব্রহ্মজ্য তে দেবা অপাং ভাগমধারয়ন্ ॥১৩॥

যেন মৃতং স্নপয়ন্তি শ্মশ্রূণি যেনোন্দতে ।
তং বৈ ব্রহ্মজ্য তে দেবা অপাং ভাগমধারয়ন্ ॥১৪॥

ন বর্ষং মৈত্রাবরুণং ব্রহ্মজ্যমভি বর্ষতি ।
নাস্মৈ সমিতিঃ কল্পতে ন মিত্রং নয়তে বশম্ ॥১৫॥