সূক্ত 18

18.1

ব্রহ্মরাবী ১-১৫ ময়োভূঃ। ব্রহ্মগবী। অনুষ্টুপ্, ৪ ভুরিক্ ত্রিষ্টুপ্, ৫,৮-৯,১৩ ত্রিষ্টুপ্।

নৈতাং তে দেবা অদদুস্তুভ্যং নৃপতে অত্তবে ।
মা ব্রাহ্মণস্য রাজন্য গাং জিঘত্সো অনাদ্যাম্ ॥১॥

অক্ষদ্রুগ্ধো রাজন্যঃ পাপ আত্মপরাজিতঃ ।
স ব্রাহ্মণস্য গামদ্যাদদ্য জীবানি মাশ্বঃ ॥২॥

আবিষ্টিতাঘবিষা পৃদাকূরিব চর্মণা ।
সা ব্রাহ্মণস্য রাজন্য তৃষ্টৈষা গৌরনাদ্যা ॥৩॥

নির্বৈ ক্ষত্রং নয়তি হন্তি বর্চোঽগ্নিরিবারব্ধো বি দুনোতি সর্বম্।
যো ব্রাহ্মণং মন্যতে অন্নমেব স বিষস্য পিবতি তৈমাতস্য ॥৪॥

য এনং হন্তি মৃদুং মন্যমানো দেবপীয়ুর্ধনকামো ন চিত্তাৎ।
সং তস্যেন্দ্রো হৃদয়েঽগ্নিমিন্ধে উভে এনং দ্বিষ্টো নভসী চরন্তম্ ॥৫॥

ন ব্রাহ্মণো হিংসিতব্যো৩ঽগ্নিঃ প্রিয়তনোরিব ।
সোমো হ্যঽস্য দায়াদ ইন্দ্রো অস্যাভিশস্তিপাঃ ॥৬॥

শতাপাষ্ঠাং নি গিরতি তাং ন শক্নোতি নিঃখিদম্।
অন্নং যো ব্রহ্মণাং মল্বঃ স্বাদ্ব১দ্মীতি মন্যতে ॥৭॥

জিহ্বা জ্যা ভবতি কুল্মলং বাঙ্নাডীকা দন্তাস্তপসাভিদিগ্ধাঃ ।
তে ভির্ব্রহ্মা বিধ্যতি দেবপীয়ূন্ হৃদ্বলৈর্ধনুর্ভির্দেবজূতৈঃ ॥৮॥

তীক্ষ্ণেষবো ব্রাহ্মণা হেতিমন্তো যামস্যন্তি শরব্যাং৩ ন সা মৃষা ।
অনুহায় তপসা মন্যুনা চোত দূরাদব ভিন্দন্ত্যেনম্ ॥৯॥

যে সহস্রমরাজন্নাসন্ দশশতা উত।
তে ব্রাহ্মণস্য গাং জগ্ধ্বা বৈতহব্যাঃ পরাভবন্ ॥১০॥

গৌরেব তান্ হন্যমানা বৈতহব্যাঁ অবাতিরৎ।
যে কেসরপ্রাবন্ধায়াশ্চরমাজামপেচিরন্ ॥১১॥

একশতং তা জনতা যা ভূমির্ব্যঽধূনুত ।
প্রজাং হিংসিত্বা ব্রাহ্মণীমসংভব্যং পরাভবন্ ॥১২॥

দেবপীয়ুশ্চরতি মর্ত্যেষু গরগীর্ণো ভবত্যস্থিভূয়ান্।
যো ব্রাহ্মণং দেববন্ধুং হিনস্তি ন স পিতৃয়াণমপ্যেতি লোকম্ ॥১৩॥

অগ্নির্বৈ নঃ পদবায়ঃ সোমো দায়াদ উচ্যতে ।
হন্তাভিশস্তেন্দ্রস্তথা তদ্ বেধসো বিদুঃ ॥১৪॥

ইষুরিব দিগ্ধা নৃপতে পৃদাকূরিব গোপতে ।
সা ব্রাহ্মণস্যেষুর্ঘোরা তয়া বিধ্যতি পীয়তঃ ॥১৫॥